ਦਿੱਲੀ : ਵਿੱਤ ਮੰਤਰੀ ਨਿਰਮਲਾ ਸੀਤਾਰਮ ਅੰਤਰਿਮ ਬਜਟ ਪੇਸ਼ ਕਰ ਰਹੀ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਭਾਰਤ ਸਾਲ 2047 ਤੱਕ ਵਿਕਸਤ ਹੋ ਜਾਵੇਗਾ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਆਪਣੇ ਉਦਘਾਟਨੀ ਭਾਸ਼ਣ ਵਿੱਚ ਸਰਕਾਰ ਦੀਆਂ ਪ੍ਰਾਪਤੀਆਂ ਗਿਣ ਰਹੀ ਹੈ। ਸੰਸਦ ਵਿੱਚ ਆਪਣੇ ਭਾਸ਼ਣ ਵਿੱਚ, ਉਨ੍ਹਾਂ ਕਿਹਾ ਕਿ ਸਰਕਾਰ ਨੇ ‘ਸਰਕਾਰ, ਵਿਕਾਸ ਅਤੇ ਪ੍ਰਦਰਸ਼ਨ’ ਦੇ ਸੰਦਰਭ ਵਿੱਚ ਕੁੱਲ ਘਰੇਲੂ ਉਤਪਾਦ ਨੂੰ ਇੱਕ ਨਵਾਂ ਅਰਥ ਦਿੱਤਾ ਹੈ, ਜਿਸ ਵਿੱਚ ਸਮਾਵੇਸ਼ੀ ਵਿਕਾਸ ‘ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ। ਦੇਸ਼ ਵਿੱਚ 15 ਏਮਜ਼ ਦਾ ਨਿਰਮਾਣ ਕੀਤਾ ਗਿਆ ਹੈ। ਸਕਿੱਲ ਇੰਡੀਆ ਨਾਲ ਕਰੋੜਾਂ ਨੌਜਵਾਨ ਜੁੜੇ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਅਗਲੇ ਪੰਜ ਸਾਲ ਦੇਸ਼ ਲਈ ਬਹੁਤ ਵਧੀਆ ਹੋਣਗੇ।
ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਕਿਹਾ ਕਿ ਪਿਛਲੇ 10 ਸਾਲਾਂ ਵਿੱਚ ਦੇਸ਼ ਦੇ 25 ਕਰੋੜ ਲੋਕ ਗਰੀਬੀ ਤੋਂ ਬਾਹਰ ਆਏ ਹਨ ਅਤੇ ਸਰਕਾਰ ਗਰੀਬਾਂ ਨੂੰ ਸਸ਼ਕਤ ਕਰ ਰਹੀ ਹੈ। 4 ਕਰੋੜ ਕਿਸਾਨਾਂ ਨੂੰ ਫਸਲ ਬੀਮੇ ਦਾ ਲਾਭ ਮਿਲਿਆ ਹੈ। ਮੁਫਤ ਰਾਸ਼ਨ ਨੇ 80 ਕਰੋੜ ਲੋਕਾਂ ਦੀ ਭੋਜਨ ਦੀ ਚਿੰਤਾ ਖਤਮ ਕਰ ਦਿੱਤੀ ਹੈ। ਪਿਛਲੇ 10 ਸਾਲਾਂ ਵਿੱਚ, ਮਹਿਲਾ ਉੱਦਮੀਆਂ ਨੂੰ 30 ਕਰੋੜ ਮੁਦਰਾ ਯੋਜਨਾ ਦੇ ਕਰਜ਼ੇ ਦਿੱਤੇ ਗਏ ਹਨ…
ਪ੍ਰਧਾਨ ਮੰਤਰੀ ਆਵਾਸ ਯੋਜਨਾ ਦੇ ਤਹਿਤ ਪੇਂਡੂ ਖੇਤਰਾਂ ਵਿੱਚ ਔਰਤਾਂ ਨੂੰ 70% ਘਰ ਦਿੱਤੇ ਗਏ ਹਨ। ਸਾਡੀ ਸਰਕਾਰ ਨੇ ਜਵਾਬਦੇਹ, ਲੋਕ ਕੇਂਦਰਿਤ ਅਤੇ ਭਰੋਸੇ ‘ਤੇ ਆਧਾਰਿਤ ਸ਼ਾਸਨ ਪ੍ਰਦਾਨ ਕੀਤਾ ਹੈ ਜਿਸ ਵਿੱਚ ਨਾਗਰਿਕ ਪਹਿਲਾਂ ਅਤੇ ਘੱਟੋ-ਘੱਟ ਸਰਕਾਰ ਵੱਧ ਤੋਂ ਵੱਧ ਸ਼ਾਸਨ ਪਹੁੰਚ ਹੈ।
ਕੀਤੇ ਕਈ ਐਲਾਨ
- ਉਨ੍ਹਾਂ ਨੇ ਭਾਰਤੀ ਰੇਲਵੇ ਵਿੱਚ ਤਿੰਨ ਕੋਰੀਡੋਰ ਬਣਾਉਣ ਦਾ ਐਲਾਨ ਕੀਤਾ ਹੈ। ਇਸ ਦੇ ਤਹਿਤ ਊਰਜਾ-ਖਣਿਜ-ਸੀਮੇਂਟ ਕੋਰੀਡੋਰ, ਪੋਰਟ ਕਨੈਕਟੀਵਿਟੀ ਕੋਰੀਡੋਰ ਅਤੇ ਉੱਚ ਯਾਤਰੀ ਘਣਤਾ ਵਾਲਾ ਕੋਰੀਡੋਰ ਬਣਾਇਆ ਜਾਵੇਗਾ।\
- ਉਨ੍ਹਾਂ ਨੇ ਆਬਾਦੀ ਕੰਟਰੋਲ ‘ਤੇ ਕਮੇਟੀ ਬਣਾਉਣ ਅਤੇ ਨਵੇਂ ਮੈਡੀਕਲ ਕਾਲਜ ਖੋਲ੍ਹਣ ਲਈ ਕਮੇਟੀ ਬਣਾਉਣ ਦਾ ਵੀ ਐਲਾਨ ਕੀਤਾ ਹੈ।
- ਔਰਤਾਂ ਨੂੰ ਛੋਟੀ ਉਮਰ ਵਿੱਚ ਸਰਵਾਈਕਲ ਕੈਂਸਰ ਤੋਂ ਬਚਾਉਣ ਲਈ ਟੀਕਾਕਰਨ ਸਕੀਮ ਚਲਾਉਣ ਦਾ ਵੀ ਐਲਾਨ ਕੀਤਾ ਗਿਆ।
- ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਨੇ ਦੇਸ਼ ਦੇ 25 ਕਰੋੜ ਲੋਕਾਂ ਨੂੰ ਗਰੀਬੀ ਰੇਖਾ ਤੋਂ ਬਾਹਰ ਲਿਆਂਦਾ ਹੈ।
- ਸੀਤਾਰਮਨ ਨੇ ਤੇਲ ਬੀਜਾਂ ‘ਤੇ ਖੋਜ ਨੂੰ ਉਤਸ਼ਾਹਿਤ ਕਰਨ ਦਾ ਐਲਾਨ ਕੀਤਾ ਹੈ।
- ਉਨ੍ਹਾਂ ਦਾਅਵਾ ਕੀਤਾ ਕਿ ਸਰਕਾਰ ਦੇ ਯਤਨਾਂ ਸਦਕਾ ਦੇਸ਼ ਵਿੱਚ ਇੱਕ ਕਰੋੜ ਲੱਖਪਤੀ ਦੀਦੀ ਪੈਦਾ ਹੋ ਚੁੱਕੀ ਹੈ। ਇਸ ਸਕੀਮ ਰਾਹੀਂ ਸਵੈ-ਨਿਰਭਰਤਾ ਵਧੀ ਹੈ। ਇਸ ਯੋਜਨਾ ਤਹਿਤ ਤਿੰਨ ਕਰੋੜ ਹੋਰ ਔਰਤਾਂ ਨੂੰ ਕਰੋੜਪਤੀ ਬਣਾਉਣ ਦਾ ਟੀਚਾ ਰੱਖਿਆ ਗਿਆ ਹੈ।
ਸੀਤਾਰਮਨ ਨੇ ਮੋਦੀ ਸਰਕਾਰ ਦੇ ਵਾਅਦੇ ਨੂੰ ਦੁਹਰਾਉਂਦਿਆਂ ਕਿਹਾ ਕਿ ਸਾਰਿਆਂ ਨੂੰ ਪੱਕੇ ਮਕਾਨ ਦਿੱਤੇ ਜਾਣਗੇ।
2024 ਬਜਟ ਦੇ 10 ਵੱਡੇ ਪੁਆਇੰਟ
- ਇਨਕਮ ਟੈਕਸ ਵਿੱਚ ਕੋਈ ਬਦਲਾਅ ਨਹੀਂ
- ਸਟਾਰਅੱਪ ਨੂੰ 1 ਸਾਲ ਲਈ ਟੈਕਟ ‘ਚ ਛੋਟ ਮਿਲੇਗੀ
- ਸਰਵਾਈਕਲ ਕੈਂਸਰ ਰੋਕਣ ਲਈ 9 – 14 ਸਾਲ ਦੀ ਬੱਚੀਆਂ ਨੂੰ ਟੀਕੇ ਲਗਾਏ ਜਾਣਗੇ
- ਸੋਲਰ ਪਲਾਨ ਤਹਿਤ 1 ਕਰੋੜ ਘਰਾਂ ‘ਚ 300 ਯੂਨਿਟ ਫ੍ਰੀ ਬਿਜਲੀ ਦਿੱਤੀ ਜਾਵੇਗੀ
- ਰੱਖਿਆ ਬਜਟ ਵਿੱਚ 11.1 % ਦਾ ਵਾਧਾ
- 40 ਹਜ਼ਾਰ ਰੇਲ ਡੱਬਿਆਂ ਨੂੰ ਵੰਦੇ ਭਾਰਤ ਵਾਲੇ ਡੱਬਿਆਂ ‘ਚ ਬਦਲਿਆਂ ਜਾਵੇਗਾ
- ਖੇਤੀ ਦੇ ਲਈ ਮਾਡਨ ਸਟੋਰੇਜ,ਸਪਲਾਈ ਚੇਨ ਤੇ ਫੋਕਸ,ਸਰੋਂ,ਮੂੰਗਫਲੀ ਦੀ ਖੇਤੀ ਨੂੰ ਸਰਕਾਰ ਵਧਾਏਗੀ
- 1 ਕਰੋੜ ਔਰਤਾਂ ਲਖਪਤੀ ਦੀਦੀ ਬਣਿਆਂ,ਇਸ ਸਾਲ 3 ਕਰੋੜ ਦਾ ਟੀਚਾ
- ਦੇਸ਼ ਵਿੱਚ ਜ਼ਿਆਦਾ ਮੈਡੀਕਲ ਕਾਲਜ ਖੋਲਣ ਵਿੱਚ ਕੰਮ ਕਰਨਗੇ
- PM ਅਵਾਸ ਯੋਜਨਾ ਤਹਿਤ 3 ਕਰੋੜ ਘਰ ਬਣਾਏ ਜਾਣਗੇ
