ਕਿਸਾਨਾਂ ਨੂੰ ਅੰਦੋਲਨ ਖਤਮ ਹੋਣ ਤੱਕ ਹੁਣ ਨਹੀਂ ਹੋਵੇਗੀ ਪਾਣੀ ਦੀ ਪਰੇਸ਼ਾਨੀ

‘ਦ ਖ਼ਾਲਸ ਬਿਊਰੋ (ਪੁਨੀਤ ਕੌਰ) :- ਕੁੰਡਲੀ ਬਾਰਡਰ ‘ਤੇ ਗੋਲਡਨ ਹਟ ਢਾਬੇ ਵਾਲੇ ਰਾਮ ਸਿੰਘ ਰਾਣਾ ਨੇ ਅੱਜ 11 ਹਜ਼ਾਰ 400 ਪਾਣੀ ਦੇ ਕੈਂਟਰਾਂ ਦੀ ਸੇਵਾ ਕੀਤੀ ਹੈ। ਰਾਮ ਸਿੰਘ ਦਾ ਇਨ੍ਹਾਂ ਕੈਂਟਰਾਂ ‘ਤੇ ਰੋਜ਼ਾਨਾ 50 ਹਜ਼ਾਰ ਦਾ ਖਰਚਾ ਆਵੇਗਾ। ਰਾਮ ਸਿੰਘ ਨੇ ਕਿਹਾ ਕਿ ਜਦੋਂ ਤੱਕ ਕਿਸਾਨੀ ਅੰਦੋਲਨ ਚੱਲਦਾ ਰਹੇਗਾ, ਉਦੋਂ ਤੱਕ ਇਹ ਸੇਵਾ ਚੱਲਦੀ ਰਹੇਗੀ। ਰਾਮ ਸਿੰਘ ਰਾਣਾ ਨੇ ਦਿੱਲੀ ਮੋਰਚੇ ‘ਤੇ ਇੱਕ ਆਟਾ ਚੱਕੀ ਵੀ ਸਥਾਪਿਤ ਕਰਨ ਦਾ ਐਲਾਨ ਕੀਤਾ ਹੈ, ਜੋ ਕਿਸਾਨੀ ਅੰਦੋਲਨ ਵਿੱਚ ਕਿਸਾਨਾਂ ਨੂੰ ਆਟਾ ਸਪਲਾਈ ਕਰੇਗਾ। ਕਿਸਾਨ ਲੀਡਰਾਂ ਗੁਰਨਾਮ ਸਿੰਘ ਚੜੂਨੀ, ਰਾਕੇਸ਼ ਟਿਕੈਤ, ਬੂਟਾ ਸਿੰਘ ਬੁਰਜਗਿੱਲ ਸਮੇਤ ਸੰਯੁਕਤ ਕਿਸਾਨ ਮੋਰਚਾ ਦੇ ਸਾਰੇ ਲੀਡਰਾਂ ਨੇ ਰਾਮ ਸਿੰਘ ਰਾਣਾ ਦੇ ਇਸ ਕਦਮ ਦੀ ਸ਼ਲਾਘਾ ਕੀਤੀ ਹੈ।