ਬਿਉਰੋ ਰਿਪੋਰਟ : ਫਰੀਦਕੋਟ ਦੀ ਰਹਿਣ ਵਾਲੀ ਨੌਜਵਾਨ ਕੁੜੀ ਦੀ ਕੈਨੇਡਾ ਵਿੱਚ ਸ਼ੱਕੀ ਹਾਲਤ ਵਿੱਚ ਮੌਤ ਹੋ ਗਈ ਹੈ । 2 ਦਿਨ ਤੱਕ ਜਦੋਂ ਪਰਿਵਾਰ ਦੇ ਨਾਲ ਗੱਲ ਨਹੀਂ ਹੋਈ ਤਾਂ ਫਰੀਦਕੋਟ ਵਿੱਚ ਰਹਿਣ ਵਾਲੇ ਪਰਿਵਾਰ ਨੇ ਕੈਨੇਡਾ ਵਿੱਚ ਰਹਿੰਦੀ ਉਸ ਦੀ ਦੋਸਤ ਦੇ ਨਾਲ ਸੰਪਰਕ ਕੀਤਾ । ਜਿਸ ਦੇ ਬਾਅਦ ਪੁਲਿਸ ਨੂੰ ਬੁਲਾ ਕੇ ਨੌਜਵਾਨ ਕੁੜੀ ਦੇ ਕਮਰੇ ਦਾ ਦਰਵਾਜ਼ਾ ਖੋਲਿਆ ਗਿਆ । ਨੌਜਵਾਨ ਕੁੜੀ ਦੀ ਮ੍ਰਿਤਕ ਦੇਹ ਪਲੰਗ ‘ਤੇ ਪਈ ਸੀ । ਕੈਨੇਡਾ ਪੁਲਿਸ ਨੇ ਮ੍ਰਿਤਕ ਦੇਹ ਨੂੰ ਕਬਜ਼ੇ ਵਿੱਚ ਲੈਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਮ੍ਰਿਤਕ ਦੀ ਪਛਾਣ ਫਰੀਦਕੋਟ ਦੀ ਬਲਬੀਰ ਬਸਤੀ ਦੀ ਰਹਿਣ ਵਾਲੀ ਨਵਜੀਤ ਕੌਰ ਦੇ ਰੂਪ ਵਿੱਚ ਹੋਈ ਹੈ। ਪਰਿਵਾਰ ਨੇ ਸਵਾ ਮਹੀਨੇ ਪਹਿਲਾਂ ਹੀ ਉਸ ਨੂੰ ਕੈਨੇਡਾ ਵਿੱਚ ਭੇਜਿਆ ਸੀ। ਪਿਤਾ ਨੇ ਰੋਂਦੇ ਹੋਏ ਦੱਸਿਆ ਸੀ ਕਿ ਬਠਿੰਡਾ ਵਿੱਚ ਆਟੋ ਚਲਾਉਂਦੇ ਹਨ। ਪਾਈ-ਪਾਈ ਇਕੱਠੇ ਕਰਕੇ ਉਨ੍ਹਾਂ ਨੇ ਸਵਾ ਸਾਲ ਪਹਿਲਾਂ ਧੀ ਨੂੰ ਕੈਨੇਡਾ ਭੇਜਿਆ ਸੀ। ਸ਼ੁੱਕਰਵਾਰ ਪਰਿਵਾਰ ਨੂੰ ਫੋਨ ਆਇਆ ਕੀ ਧੀ ਫੋਨ ਨਹੀਂ ਚੁੱਕ ਰਹੀ ਅਤੇ ਫਿਰ ਦਿਲ ਬੈਠ ਗਿਆ ।
ਪਿਤਾ ਨੇ ਦੱਸਿਆ ਕਿ ਪਰਿਵਾਰ ਤੋਂ ਫੋਨ ਆਉਣ ਦੇ ਬਾਅਦ ਫੌਰਨ ਫਰੀਦਕੋਟ ਘਰ ਆ ਗਿਆ । ਉਨ੍ਹਾਂ ਦੀ ਧੀ ਨੇ ਨਵਨੀਤ ਨੂੰ ਫੋਨ ਕੀਤਾ । ਪਰ ਉਸ ਨੇ ਫੋਨ ਨਹੀਂ ਚੁੱਕਿਆ,ਇਸ ਦੇ ਬਾਅਦ ਉਨ੍ਹਾਂ ਨੇ ਉਸ ਦੀ ਇੱਕ ਦੋਸਤ ਦੇ ਨਾਲ ਸੰਪਰਕ ਕੀਤਾ,ਜੋ ਮ੍ਰਿਤਕ ਨਵਨੀਤ ਦੇ ਘਰ ਗਈ ਅਤੇ ਦਰਵਾਜ਼ਾ ਖੜਕਾਇਆ । ਜਦੋਂ ਕਿਸੇ ਨੇ ਦਰਵਾਜ਼ਾ ਨਹੀਂ ਖੋਲਿਆ ਤਾਂ ਪੁਲਿਸ ਨੂੰ ਫੋਨ ਕੀਤਾ ਗਿਆ।
ਬਿਸਤਰ ‘ਤੇ ਪਈ ਸੀ ਲਾਸ਼
ਪਰਿਵਾਰ ਦੇ ਮੁਤਾਬਿਕ,ਪੁਲਿਸ ਨੇ ਨਵਨੀਤ ਦੇ ਕਮਰੇ ਦਾ ਦਰਵਾਜ਼ਾ ਖੋਲਿਆ ਤਾਂ ਮ੍ਰਿਤਕ ਦੇਹ ਬਿਸਤਰ ‘ਤੇ ਪਈ ਸੀ । ਉਹ ਮਰ ਚੁੱਕੀ ਸੀ। ਜਿਸ ਦੇ ਬਾਅਦ ਕਾਗਜ਼ੀ ਕਾਰਵਾਈ ਕਰਕੇ ਮ੍ਰਿਤਕ ਦੇਹ ਨੂੰ ਪੋਸਟਮਾਰਟਮ ਦੇ ਲਈ ਭੇਜ ਦਿੱਤਾ ਗਿਆ। ਨਵਨੀਤ ਦੀ ਇੱਕ ਹੋਰ ਭੈਣ ਅਤੇ ਪਰਿਵਾਰ ਹੁਣ ਕਿਸੇ ਨੂੰ ਬਾਹਰ ਨਹੀਂ ਭੇਜੇਗਾ।
ਮੌਤ ਦਾ ਕਾਰਨ ਹੁਣ ਤੱਕ ਪਤਾ ਨਹੀਂ ਚਲਿਆ ਹੈ
ਪਰਿਵਾਰ ਨੇ ਦੱਸਿਆ ਕਿ ਕੈਨੇਡਾਈ ਪੁਲਿਸ ਨੇ ਹੁਣ ਤੱਕ ਮੌਤ ਦਾ ਕਾਰਨ ਉਨ੍ਹਾਂ ਨੂੰ ਨਹੀਂ ਦੱਸਿਆ ਹੈ । ਪਰਿਵਾਰ ਨੇ ਵਿਦੇਸ਼ ਮੰਤਰਾਲਾ ਤੋਂ ਮੰਗ ਕੀਤੀ ਹੈ ਕਿ ਨਵਨੀਤ ਦੀ ਮ੍ਰਿਤਕ ਲਾਸ਼ ਨੂੰ ਭਾਰਤ ਲਿਆਉਣ ਵਿੱਚ ਮਦਦ ਕੀਤੀ ਜਾਏ। ਅਖੀਰਲੀ ਵਾਰ ਉਹ ਧੀ ਨੂੰ ਵੇਖਣਾ ਚਾਹੁੰਦੀ ਹੈ ਅਤੇ ਉਹ ਅੰਤਿਮ ਸਸਕਾਰ ਕਰਨਾ ਚਾਹੁੰਦੀ ਹੈ ।
