ਸ਼ਿਮਲਾ : ਹਿਮਾਚਲ ਪ੍ਰਦੇਸ਼ ‘ਚ ਸਕੂਟੀ ਦੇ ਵੀਵੀਆਈਪੀ ਨੰਬਰIFancy scooty number) ਲਈ 1 ਕਰੋੜ ਰੁਪਏ ਤੋਂ ਵੱਧ ਦੀ ਬੋਲੀ ਲਗਾਈ ਗਈ ਹੈ। ਹਿਮਾਚਲ ਪ੍ਰਦੇਸ਼(Himachal Pradesh) ਦੇ ਇਤਿਹਾਸ ਵਿੱਚ ਪਹਿਲੀ ਵਾਰ ਇਹ ਦੇਖਿਆ ਗਿਆ ਹੈ ਕਿ ਇੱਕ ਸਕੂਟੀ ਮਾਲਕ ਦੋਪਹੀਆ ਵਾਹਨ (Scooty Number Auction) ਲਈ ਕੋਈ ਮਾਲਕ ਐਨੀ ਭਾਰੀ ਕੀਮਤ ਵਿੱਚ ਨੰਬਰ ਖਰੀਦਣ ਲਈ ਤਿਆਰ ਹੋਵੇ।
ਜਾਣਕਾਰੀ ਮੁਤਾਬਕ ਇਹ ਮਾਮਲਾ ਹਿਮਾਚਲ ਪ੍ਰਦੇਸ਼ ਦੀ ਰਾਜਧਾਨੀ ਸ਼ਿਮਲਾ (Shimla) ਦਾ ਹੈ। ਵੀਰਵਾਰ ਨੂੰ, ਵਿਭਾਗ ਦੁਆਰਾ ਕੋਟਖਾਈ, ਸ਼ਿਮਲਾ ਵਿੱਚ ਦੋ ਪਹੀਆ ਵਾਹਨਾਂ ਲਈ ਵਿਸ਼ੇਸ਼ ਨੰਬਰ ਲਈ ਇੱਕ ਆਨਲਾਈਨ ਬੋਲੀ ਲਗਾਈ ਗਈ ਸੀ। ਬੋਲੀ ਵਿੱਚ 26 ਲੋਕਾਂ ਨੇ ਅਪਲਾਈ ਕੀਤਾ ਸੀ। ਦਰਅਸਲ, ਵਿਸ਼ੇਸ਼ HP99-9999 ਨੰਬਰ ਦੀ ਮੂਲ ਕੀਮਤ ਵਿਭਾਗ ਵੱਲੋਂ 1,000 ਰੁਪਏ ਰੱਖੀ ਗਈ ਸੀ। ਇਸ ਲਈ ਕੁੱਲ 26 ਵਿਅਕਤੀਆਂ ਨੇ ਬੋਲੀ ਲਗਾਈ, ਜੋ ਦੁਪਹਿਰ ਡੇਢ ਵਜੇ ਤੱਕ ਜਾਰੀ ਰਹੀ।
ਬੋਲੀ ਦੇ ਸਕਰੀਨ ਸ਼ਾਟ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਣ ਤੋਂ ਬਾਅਦ ਉਪਭੋਗਤਾਵਾਂ ਨੇ ਪ੍ਰਤੀਕਿਰਿਆ ਦਿੱਤੀ ਹੈ। ਇਕ ਯੂਜ਼ਰ ਨੇ ਕਿਹਾ ਕਿ ਸ਼ਾਇਦ ਇਸ ਵਾਰ ਸੇਬ ਦਾ ਸੀਜ਼ਨ ਕਾਫੀ ਵਧੀਆ ਚੱਲਿਆ ਹੈ। ਇਸ ਦੇ ਨਾਲ ਹੀ ਇੱਕ ਯੂਜ਼ਰ ਨੇ ਸਕੂਟੀ ਲਈ ਨੰਬਰ ਲਈ ਇੰਨੇ ਪੈਸੇ ਦੀ ਬੋਲੀ ਲਗਾਉਣ ‘ਤੇ ਹੈਰਾਨੀ ਪ੍ਰਗਟ ਕੀਤੀ ਅਤੇ ਕਿਹਾ ਕਿ ਜੇਕਰ ਬੋਲੀਕਾਰ ਬਾਅਦ ਵਿੱਚ ਨੰਬਰ ਖਰੀਦਣ ਤੋਂ ਇਨਕਾਰ ਕਰਦਾ ਹੈ ਤਾਂ ਉਸ ਨੂੰ ਜੁਰਮਾਨਾ ਕੀਤਾ ਜਾਣਾ ਚਾਹੀਦਾ ਹੈ। ਨਾਲ ਹੀ ਇਸ ਗੱਲ ਦੀ ਵੀ ਜਾਂਚ ਹੋਣੀ ਚਾਹੀਦੀ ਹੈ ਕਿ ਬੋਲੀਕਾਰ ਨੂੰ ਇੰਨੇ ਪੈਸੇ ਕਿੱਥੋਂ ਮਿਲੇ।
ਅਜਿਹਾ ਹੀ ਮਾਮਲਾ ਕਾਂਗੜਾ ‘ਚ ਵੀ ਸਾਹਮਣੇ ਆਇਆ ਹੈ
ਜ਼ਿਕਰਯੋਗ ਹੈ ਕਿ ਜੁਲਾਈ 2020 ਵਿੱਚ ਵੀ ਕਾਂਗੜਾ ਵਿੱਚ ਅਜਿਹਾ ਹੀ ਇੱਕ ਮਾਮਲਾ ਸਾਹਮਣੇ ਆਇਆ ਸੀ। ਇੱਥੇ ਬੋਲੀਕਾਰ ਨੇ ਆਪਣੀ ਸਕੂਟੀ ਲਈ ਵੀਆਈਪੀ ਨੰਬਰ 18 ਲੱਖ ਰੁਪਏ ਵਿੱਚ ਖਰੀਦਿਆ ਸੀ। ਇਹ ਮਾਮਲਾ ਕਾਂਗੜਾ ਦੇ ਸ਼ਾਹਪੁਰ ਸਬ-ਡਿਵੀਜ਼ਨ ਦਾ ਸੀ। ਕਰਨਾਲ ਦੀ ਇਕ ਕੰਪਨੀ ਨੇ ਆਨਲਾਈਨ ਨਿਲਾਮੀ ਰਾਹੀਂ ਨੰਬਰ ਹਾਸਲ ਕੀਤਾ ਸੀ। ਨਵੀਂ ਸਕੂਟੀ ਸ਼ਾਹਪੁਰ ਵਿੱਚ ਪ੍ਰਾਈਵੇਟ ਕੰਪਨੀ ਰਾਹੁਲ ਪੈਮ ਪ੍ਰਾਈਵੇਟ ਲਿਮਟਿਡ ਨੇ ਕੰਪਨੀ ਦੇ ਨਾਂ ਦਰਜ ਕਰਵਾਈ ਸੀ।
