ਬਿਉਰੋ ਰਿਪੋਰਟ – ਭਾਰਤ-ਪਾਕਿਸਤਾਨ ਦੇ ਵਿਚਾਲੇ T-20 ਵਰਲਡ ਕੱਪ ਦੇ ਅਖੀਰਲੇ ਓਵਰ ਵਿੱਚ ਗੇਂਦਬਾਜ਼ ਅਰਸ਼ਦੀਪ ਸਿੰਘ (Arshdeep singh) ਦੀ ਸ਼ਾਨਦਾਰ ਗੇਂਦਬਾਜ਼ੀ ਨਾਲ ਟੀਮ ਇਡੀਆ ਜਿੱਤੀ । ਪਰ ਮੈਚ ਦੌਰਾਨ ਪਾਕਿਸਤਾਨੀ TV ਚੈਨਲ ARY ‘ਤੇ ਸਾਬਕਾ ਕ੍ਰਿਕਟਰ ਕਾਮਰਾਨ ਅਕਮਲ (Kamran Akmal) ਵੱਲੋਂ ਅਰਸ਼ਦੀਪ ‘ਤੇ ਇਤਰਾਜ਼ ਯੋਗ ਬਿਆਨ ਦੇ ਕੇ ਪੂਰੇ ਸਿੱਖ ਭਾਈਚਾਰੇ ‘ਤੇ ਨਿਸ਼ਾਨਾ ਲਗਾਇਆ ਗਿਆ । ਜਦੋਂ ਅਰਸ਼ਦੀਪ ਨੂੰ ਅਖੀਰਲਾ ਓਵਰ ਦਿੱਤਾ ਗਿਆ ਤਾਂ ਕੁਮੈਂਟਰੀ ਕਰ ਰਹੇ ਆਮਰਾਨ ਅਕਮਲ ਨੇ ਕਿਹਾ ’12 ਵਜੇ ਹਨ ਹੁਣ ਕੁਝ ਵੀ ਹੋ ਸਕਦਾ ਹੈ,ਕਿਸੇ ਵੀ ਸਿੱਖ ਨੂੰ 12 ਵਜੇ ਓਵਰ ਨਹੀਂ ਦੇਣਾ ਚਾਹੀਦਾ ਹੈ’ । ਕਾਮਰਾਨ ਦਾ ਇਹ ਵੀਡੀਓ ਕਾਫੀ ਵਾਇਰਲ ਹੋਇਆ ਹੈ ਜਿਸ ਤੋਂ ਬਾਅਦ ਕ੍ਰਿਕਟਰ ਹਰਭਜਨ ਸਿੰਘ ਨੇ ਕਾਮਰਾਨ ਨੂੰ ਤਗੜਾ ਜਵਾਬ ਦਿੱਤਾ ਜਿਸ ਤੋਂ ਬਾਅਦ ਹੁਣ ਕਾਮਰਾਨ ਨੂੰ ਹੱਥਾਂ-ਪੈਰਾਂ ਦੀ ਪੈ ਗਈ ਹੈ ।
‘ਲੱਖ ਲਾਨਤ ਹੈ ਤੇਰੇ’
ਹਰਭਜਨ ਸਿੰਘ ਨੇ ਆਪਣੇ ਸੋਸ਼ਲ ਮੀਡੀਆ ਐਕਾਉਂਟ X ‘ਤੇ ਕਾਮਰਾਨ ਨੂੰ ਜਵਾਬ ਦਿੰਦੇ ਹੋਏ ਲਿਖਿਆ ‘ਲੱਖ ਦੀ ਲਾਨਤ ਤੇਰੇ ਕਾਮਰਾਨ ਅਕਮਲ,ਤੈਨੂੰ ਮੂੰਹ ਖੋਲਣ ਤੋਂ ਪਹਿਲਾਂ ਸਿੱਖਾਂ ਦੇ ਇਤਿਹਾਸ ਬਾਰੇ ਪਤਾ ਹੋਣਾ ਚਾਹੀਦਾ ਹੈ । ਅਸੀਂ ਸਿੱਖਾਂ ਨੇ ਮਾਵਾਂ ਅਤੇ ਭੈਣਾਂ ਨੂੰ ਬਚਾਇਆ ਹੈ ਜਦੋਂ ਦੁਸ਼ਮਣ ਉਨ੍ਹਾਂ ਨੂੰ ਆਪਣੇ ਨਾਲ ਲੈਕੇ ਜਾ ਰਹੇ ਸਨ । ਉਸ ਵੇਲੇ ਸਮਾਂ ਰਾਤ ਦੇ 12 ਵਜੇ ਹੁੰਦਾ ਸੀ,ਤੈਨੂੰ ਸਾਡਾ ਅਹਿਸਾਨ ਮੰਨਣ ਚਾਹੀਦਾ ਹੈ,ਤੈਨੂੰ ਸ਼ਰਮ ਆਉਣੀ ਚਾਹੀਦੀ ਹੈ । ਇਸ ਤੋਂ ਬਾਅਦ ਹੁਣ ਕਾਮਰਾਨ ਅਕਮਲ ਦਾ ਵੀ ਬਿਆਨ ਸਾਹਮਣੇ ਆਇਆ ਹੈ ।
Lakh di laanat tere Kamraan Akhmal.. You should know the history of sikhs before u open ur filthy mouth. We Sikhs saved ur mothers and sisters when they were abducted by invaders, the time invariably was 12 o’clock . Shame on you guys.. Have some Gratitude @KamiAkmal23 https://t.co/5gim7hOb6f
— Harbhajan Turbanator (@harbhajan_singh) June 10, 2024
ਅਕਮਲ ਨੇ ਮੁਆਫੀ ਮੰਗੀ
ਪਾਕਿਸਤਾਨ ਦੇ ਸਾਬਕਾ ਕ੍ਰਿਕਟਰ ਕਾਮਰਾਨ ਅਕਮਲ ਨੇ ਕਿਹਾ ਕਿ ‘ਮੈਨੂੰ ਆਪਣੇ ਬਿਆਨ ‘ਤੇ ਸ਼ਰਮਿੰਦਗੀ ਹੈ,ਮੈਂ ਹਰਭਜਨ ਸਿੰਘ ਅਤੇ ਸਿੱਖ ਭਾਈਚਾਰੇ ਕੋਲੋ ਮੁਆਫੀ ਮੰਗਦਾ ਹਾਂ । ਮੇਰੇ ਸ਼ਬਦ ਠੀਕ ਨਹੀਂ ਸਨ,ਮੈਂ ਸਿੱਖ ਭਾਈਚਾਰੇ ਦਾ ਬਹੁਤ ਹੀ ਸਤਿਕਾਰ ਕਰਦਾ ਹਾਂ । ਮੈਂ ਦੁਨੀਆ ਭਰ ਵਿੱਚ ਰਹਿਣ ਵਾਲੇ ਸਿੱਖ ਭਾਈਚਾਰੇ ਨੂੰ ਕਦੇ ਵੀ ਦੁੱਖ ਨਹੀਂ ਪਹੁੰਚਾਉਣਾ ਚਾਹੁੰਦਾ ਸੀ । ਮੈਂ ਸਚੇ ਮਨ ਨਾਲ ਮੁਆਫੀ ਮੰਗਦਾ ਹਾਂ’ ।
I deeply regret my recent comments and sincerely apologize to @harbhajan_singh and the Sikh community. My words were inappropriate and disrespectful. I have the utmost respect for Sikhs all over the world and never intended to hurt anyone. I am truly sorry. #Respect #Apology
— Kamran Akmal (@KamiAkmal23) June 10, 2024
