ਬਿਊਰੋ ਰਿਪੋਰਟ : ਪੰਜਾਬ,ਹਰਿਆਣਾ,ਦਿੱਲੀ,NCR ਵਿੱਚ ਭੂਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ ਹਨ ।ਇਕ ਹਫਤੇ ਦੇ ਅੰਦਰ ਇਹ ਦੂਜਾ ਮੌਕਾ ਹੈ ਜਦੋਂ ਭੂਚਾਲ ਨੇ ਧਰਨੀ ਨੂੰ ਕੰਬਾਇਆ ਹੈ । ਪਾਕਿਸਤਾਨ ਅਤੇ ਅਫਗਾਨਿਸਤਾਨ ਅਤੇ ਜੰਮੂ-ਕਸ਼ਮੀਰ ਵਿੱਚ ਵੀ ਸ਼ਾਮ 7 ਵਜਕੇ 56 ਮਿੰਟ ‘ਤੇ ਧਰਤੀ ਕੰਬੀ ਸੀ । ਭੂਚਾਰ ਦਾ ਕੇਂਦਰ ਅਫਗਾਨਿਸਤਾਨ ਦਾ ਹਿੰਦਕੁਸ਼ ਦੱਸਿਆ ਜਾ ਰਿਹਾ ਹੈ । ਭੂਚਾਲ ਦੀ ਰਫਤਾਰ 5.9 ਰਹੀ । ਹਾਲਾਂਕਿ ਹੁਣ ਤੱਕ ਕਿਸੇ ਵੀ ਤਰ੍ਹਾਂ ਦੇ ਜਾਨੀ ਅਤੇ ਮਾਲੀ ਨੁਕਸਾਨ ਦੀ ਖਬਰ ਨਹੀਂ ਹੈ । ਪਰ ਤੇਜ਼ ਝਟਕਿਆਂ ਨਾਲ ਲੋਕ ਡਰੇ ਹੋਏ ਹਨ।
An earthquake with a magnitude of 5.9 on the Richter Scale hit 79km South of Fayzabad, Afghanistan at 7:55 pm today: National Centre for Seismology pic.twitter.com/2Zn9oXeEnC
— ANI (@ANI) January 5, 2023
ਨਵੇਂ ਸਾਲ ਦੀ ਰਾਤ ਨੂੰ ਵੀ ਦਿੱਲੀ NCR ਵਿੱਚ 3.8 ਭੂਚਾਰ ਦੇ ਝਟਕੇ ਮਹਿਸੂਸ ਕੀਤੇ ਗਏ ਸਨ। ਐਤਵਾਰ ਨੂੰ ਆਏ ਭੂਚਾਲ ਦਾ ਕੇਂਦਰ ਹਰਿਆਣਾ ਦਾ ਝੱਜਰ ਸੀ । ਇਹ ਜ਼ਮੀਨ ਤੋਂ 5 ਕਿਲੋਮੀਟਰ ਹੇਠਾਂ ਸੀ । ਇਸ ਤੋਂ ਪਹਿਲਾਂ 12 ਨਵੰਬਰ ਨੂੰ ਵੀ ਦਿੱਲੀ NCR ਵਿੱਚ ਭੂਚਾਲ ਆਇਆ ਸੀ । ਉਸ ਵੇਲੇ ਭੂਚਾਲ ਦੀ ਰਫਤਾਰ 5.4 ਸੀ । ਇਸ ਦਾ ਕੇਂਦਰ ਨੇਪਾਲ ਦੱਸਿਆ ਗਿਆ ਸੀ ਜੋ ਜ਼ਮੀਨ ਤੋਂ 10 ਕਿਲੋਮੀਟਰ ਹੇਠਾਂ ਸੀ ।
