ਕੋਚਿੰਗ ਸੈਂਟਰ ਦੀ ਤੀਜੀ ਮੰਜ਼ਿਲ ‘ਤੇ ਲੱਗੀ ਅੱਗ !

ਦਿੱਲੀ :

ਨਵੀਂ ਦਿੱਲੀ : ਦਿੱਲੀ ਦੇ ਮੁਖਰਜੀ ਨਗਰ ਇਲਾਕੇ ਵਿੱਚ ਕੋਚਿੰਗ ਸੈਂਟਰ ਵਿੱਚ ਦੁਪਹਿਰ ਤਕਰੀਬਨ 12 ਵਜੇ ਅੱਗ ਲੱਗ ਗਈ । ਇਸ ਦੇ ਬਾਅਦ ਬਿਲਡਿੰਗ ਵਿੱਚ ਮੌਜੂਦ ਬੱਚਿਆਂ ਨੇ ਤੀਜੀ ਮੰਜ਼ਿਲ ਦੀ ਖਿੜਕੀਆਂ ਤੋਂ ਛਾਲਾਂ ਮਾਰਿਆ। ਇਹ ਹਾਦਸਾ ਬਤਰਾ ਸਿਨੇਮਾ ਦੇ ਕੋਲ ਗਿਆਨ ਬਿਲਡਿੰਗ ਵਿੱਚ ਹੋਇਆ। ਤੀਜੀ ਮੰਜ਼ਿਲ ਤੋਂ ਛਾਲ ਮਾਰਨ ਦੀ ਵਜ੍ਹਾ ਕਰਕੇ ਵਿਦਿਆਰਥੀਆਂ ਨੂੰ ਕਾਫ਼ੀ ਸੱਟਾਂ ਲੱਗੀਆਂ। ਇਕ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤਾ ਗਿਆ ਹੈ । ਜਿਸ ਵਿੱਚ ਪੜ੍ਹਨ ਵਾਲੇ ਵਿਦਿਆਰਥੀ ਬਿਲਡਿੰਗ ਦੀ ਤਾਰਾਂ ਦੇ ਸਹਾਰੇ ਛਾਲ ਮਾਰ ਦੇ ਹੋਏ ਨਜ਼ਰ ਆਏ ਹਨ। ਇਨ੍ਹਾਂ ਵਿੱਚ ਕੁੜੀਆਂ ਅਤੇ ਮੁੰਡੇ ਵੀ ਸ਼ਾਮਲ ਸਨ,ਵੀਡੀਓ ਵਿੱਚ ਕੁਝ ਵਿਦਿਆਰਥੀ ਤਾਰਾਂ ਦੇ ਜ਼ਰੀਏ ਹੇਠਾਂ ਉੱਤਰਨ ਦੀ ਕੋਸ਼ਿਸ਼ ਕਰ ਰਹੇ ਸਨ,ਤਾਰ ਟੁੱਟਣ ਦੀ ਵਜ੍ਹਾ ਕੁਝ ਬੱਚੇ ਹੇਠਾਂ ਵੀ ਡਿੱਗੇ ਹਨ ।

ਦਿੱਲੀ ਫਾਇਰ ਬ੍ਰਿਗੇਡ ਦੇ ਨਿਰਦੇਸ਼ਕ ਅਤੁੱਲ ਗਰਗ ਨੇ ਕਿਹਾ ਅੱਗ ਲੱਗਣ ਦੀ ਖ਼ਬਰ 12 ਵੱਜ ਕੇ 27 ਮਿੰਟ ‘ਤੇ ਮਿਲੀ । ਮੌਕੇ ‘ਤੇ 11 ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਅੱਗ ਬੁਝਾਉਣ ਨੂੰ ਲੱਗੀਆਂ ਹਨ । ਅਧਿਕਾਰੀਆਂ ਨੇ ਕਿਹਾ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਚੱਲ ਰਹੀ ਹੈ। ਅੱਗ ਲੱਗਣ ਦੇ ਕਾਰਨਾਂ ਦਾ ਪਤਾ ਲਗਾਇਆ ਜਾ ਰਿਹਾ ਹੈ।