ਬਿਉਰੋ ਰਿਪੋਰਟ : ਲੰਮੇ ਸਸਪੈਂਸ ਤੋਂ ਬਾਅਦ ਹੁਣ ਸਾਫ ਹੋ ਗਿਆ ਹੈ ਪੰਜਾਬ ਵਿੱਚ ਆਮ ਆਦਮੀ ਪਾਰਟੀ ਅਤੇ ਕਾਂਗਰਸ ਦੋਵੇ ਵੱਖ-ਵੱਖ ਲੋਕਸਭਾ ਚੋਣਾਂ ਲੜਨਗੇ । ਦਿੱਲੀ ਵਿੱਚ ਆਪ ਅਤੇ ਕਾਂਗਰਸ ਦੇ ਵਿਚਾਲੇ 4 ਸੂਬਿਆਂ ਅਤੇ ਇੱਕ ਕੇਂਦਰ ਸ਼ਾਸਤ ਸੂਬੇ ਵਿੱਚ ਚੋਣ ਲੜਨ ਦੇ ਲਈ ਸੀਟ ਸ਼ੇਅਰਿੰਗ ਹੋ ਗਈ ਹੈ । ਜਿੰਨਾਂ ਸੂਬਿਆਂ ਵਿੱਚ ਦੋਵੇ ਪਾਰਟੀਆਂ ਮਿਲ ਕੇ ਚੋਣ ਲੜਨਗੀਆਂ ਉਨ੍ਹਾਂ ਵਿੱਚ ਦਿੱਲੀ,ਹਰਿਆਣਾ,ਗੁਜਰਾਤ,ਗੋਆ ਅਤੇ ਚੰਡੀਗੜ੍ਹ ਸ਼ਾਮਲ ਹੈ । ਪੰਜਾਬ ਨੂੰ ਇਸ ਤੋਂ ਬਾਹਰ ਰੱਖਿਆ ਗਿਆ ਹੈ। ਪੰਜਾਬ ਕਾਂਗਰਸ ਦੇ ਆਗੂ ਅਤੇ ਮੁੱਖ ਮੰਤਰੀ ਪੰਜਾਬ ਭਗਵੰਤ ਮਾਨ ਪਹਿਲੇ ਦਿਨ ਤੋਂ ਵੱਖ-ਵੱਖ ਚੋਣ ਲੜਨ ਦੀ ਗੱਲ ਕਹਿ ਰਹੇ ਸਨ । ਦੋਵਾਂ ਪਾਰਟੀਆਂ ਦੇ ਲੀਡਰਾਂ ਦੇ ਦਬਾਅ ਦੀ ਵਜ੍ਹਾ ਕਰਕੇ ਪੰਜਾਬ ਵਿੱਚ ਸਮਝੌਤਾ ਨਹੀਂ ਹੋ ਸਕਿਆ । ਪਹਿਲੀ ਵਾਰ ਸੂਬੇ ਦੇ ਆਗੂਆਂ ਦੇ ਸਾਹਮਣੇ ਕੇਂਦਰੀ ਆਗੂਆਂ ਨੂੰ ਸਿਰ ਝੁਕਾਉਣ ਲਈ ਮਜ਼ਬੂਰ ਹੋਣਾ ਪਿਆ ਹੈ । ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਪਹਿਲਾਂ ਹੀ ਕਹਿ ਦਿੱਤਾ ਸੀ ਕਿ ਲੋਕਸਭਾ ਚੋਣਾਂ ਤੋਂ ਪਹਿਲਾਂ ਅਸੀਂ ਉਮੀਦਵਾਰਾਂ ਦਾ ਐਲਾਨ ਕਰ ਦੇਵਾਂਗੇ । ਉਧਰ ਆਪ ਅਤੇ ਕਾਂਗਰਸ ਵੱਲੋ ਉਮੀਦਵਾਰਾਂ ਦੇ ਨਾਂ ਤੈਅ ਕਰਨ ਦੇ ਲਈ ਸਰਵੇਂ ਸ਼ੁਰੂ ਹੋ ਗਿਆ ਹੈ ।
इस चुनाव को AAP और Congress नहीं लड़ेगी, INDIA Alliance लड़ेगी, AAP कुछ सीटों पर और Congress कुछ पर।
देश जिस परिस्थति से गुज़र रहा है, जिस तरह से
▪️चुनाव जीतने के लिए विपक्षी नेताओं को Jail में डाला जा रहा है।
▪️चुनावों की चोरी हो रही है।
▪️बेरोजगारी महंगाई चरम सीमा पर है।… pic.twitter.com/GsebxqEppn— AAP (@AamAadmiParty) February 24, 2024
2019 ਵਿੱਚ ਕਾਂਗਰਸ ਨੇ 13 ਲੋਕਸਭਾ ਸੀਟਾਂ ਵਿੱਚੋ 8 ‘ਤੇ ਜਿੱਤ ਹਾਸਲ ਕੀਤੀ ਸੀ,ਇਸ ਵਾਰ ਵੀ ਕਾਂਗਰਸ ਦੇ ਸਰਵੇਂ ਵਿੱਚ ਪਾਰਟੀ ਮਜ਼ਬੂਤ ਨਜ਼ਰ ਆ ਰਹੀ ਹੈ । ਆਪ ਦੇ ਖਾਤੇ ਵਿੱਚ ਪਿਛਲੀ ਵਾਰ 1 ਸੀਟ ਗਈ ਸੀ । ਬੀਜੇਪੀ ਨੇ 2 ਅਤੇ ਅਕਾਲੀ ਦਲ ਨੇ ਵੀ 2 ਸੀਟਾਂ ‘ਤੇ ਜਿੱਤ ਹਾਸਲ ਕੀਤੀ ਸੀ। ਕਾਂਗਰਸ ਦੇ ਆਗੂ ਮੁਕੁਲ ਵਾਸਨਿਕ ਅਤੇ ਆਪ ਦੇ ਆ ਆਗੂ ਸੰਦੀਪ ਪਾਠਕ ਨੇ ਸ਼ਨਿੱਚਰਵਾਰ ਨੂੰ ਜੁਆਇੰਟ ਪੀਸੀ ਕਰਕੇ ਸੀਟ ਸ਼ੇਅਰਿੰਗ ਦਾ ਐਲਾਨ ਕੀਤਾ ।
ਇਸ ਫਾਰਮੂਲੇ ਨਾਲ ਸੀਟ ਸ਼ੇਅਰਿੰਗ
ਗੁਜਰਾਤ (26) – ਕਾਂਗਰਸ 24,AAP 2
ਹਰਿਆਣਾ (10 ਸੀਟਾਂ): ਕਾਂਗਰਸ- 9, AAP-1
ਦਿੱਲੀ (7 ਸੀਟਾਂ): ਕਾਂਗਰਸ-3, AAP- 4
ਗੋਆ (2 ਸੀਟਾਂ): ਕਾਂਗਰਸ- 2, AAP- ਨਹੀਂ ਲੜੇਗੀ
ਚੰਡੀਗੜ੍ਹ (ਇੱਕ ਸੀਟ ): ਕਾਂਗਰਸ ਲੜੇਗੀ,AAP ਨਹੀਂ ਲੜੇਗੀ
ਦਿੱਲੀ ਵਿੱਚ ਕਿਸ ਸੀਟ ਤੋਂ ਕੌਣ ਲੜੇਗੀ ਚੋਣ
1. ਉੱਤਰੀ,ਪੂਰਵੀ ਦਿੱਲੀ – ਕਾਂਗਰਸ
2. ਚਾਂਦਨੀ ਚੌਕ- ਕਾਂਗਰਸ
3. ਉੱਤਰ ਪੱਛਮੀ ਦਿੱਲੀ- ਕਾਂਗਰਸ
4. ਪੱਛਮੀ ਦਿੱਲੀ – AAP
5. ਨਵੀਂ ਦਿੱਲੀ – AAP
6. ਪੱਛਮੀ ਦਿੱਲੀ – AAP
7. ਦੱਖਣੀ ਦਿੱਲੀ – AAP
ਸਮਾਜਵਾਦੀ ਪਾਰਟੀ ਦੇ ਨਾਲ ਵੀ ਕਾਂਗਰਸ ਦਾ ਸਮਝੌਤਾ ਹੋ ਗਿਆ ਹੈ । ਉੱਤਰ ਪ੍ਰਦੇਸ਼ ਦੀਆਂ 80 ਸੀਟਾਂ ਵਿੱਚੋਂ ਕਾਂਗਰਸ 17 ਸੀਟਾਂ ‘ਤੇ ਚੋਣ ਲੜੇਗੀ । ਮੱਧ ਪ੍ਰਦੇਸ਼ ਦੀ 29 ਸੀਟਾਂ ਵਿੱਚੋ ਕਾਂਗਰਸ ਨੇ ਇੱਕ ਖਜੁਰਾਹੋ ਸੀਟ ਸਮਾਜਵਾਦੀ ਪਾਰਟੀ ਦੇ ਉਮੀਦਵਾਰ ਮੈਦਾਨ ਲਈ ਛੱਡੀ ਹੈ । ਉਧਰ ਪੱਛਮੀ ਬੰਗਾਲ,ਅਸਾਮ ਅਤੇ ਮੇਘਾਲਿਆ ਵਿੱਚ ਕਾਂਗਰਸ ਅਤੇ ਮਮਤਾ ਦੀ TMC ਦੀ ਮੁੜ ਤੋਂ ਗਠਜੋੜ ਦੀ ਗੱਲਬਾਤ ਸ਼ੁਰੂ ਹੋ ਗਈ ਹੈ । ਨਿਤੀਸ਼ ਦੇ ਚੱਲੇ ਜਾਣ ਦੇ ਬਾਅਦ ਬਿਹਾਰ ਵਿੱਚ RJD,ਕਾਂਗਰਸ ਅਤੇ ਖੱਬੇਪੱਖੀ ਪਾਰਟੀਆਂ ਮਿਲ ਕੇ ਚੋਣ ਲੜਨਗੀਆਂ ।
