ਚੰਡੀਗੜ੍ਹ : ਬੀਤੇ ਦਿਨ ‘ਛੱਠ ਪੂਜਾ’ ਤਿਉਹਾਰ ਮਨਾਇਆ ਗਿਆ ਪਰ ਚੰਡੀਗੜ੍ਹ ਦੀ ਸੈਕਟਰ 42 ਦੀ ਝੀਲ ਦਾ ਨਜ਼ਾਰਾ ਦੇਖਣ ਵਾਲਾ ਸੀ। ਇੱਥੋਂ ਦੇ ਸੈਕਟਰ-42 ਸਥਿਤ ਨਿਊ ਲੇਕ ਵਿੱਚ ਸ਼ਰਧਾਵਾਨਾਂ ਦਾ ਸੈਲਾਬ ਉਮੜਿਆ। ਸ਼ਹਿਰ ਦੇ ਹੋਰਨਾਂ ਥਾਵਾਂ ਉੱਤੇ ਪ੍ਰਬੰਧ ਹੋਣ ਦੇ ਬਾਵਜੂਦ ਇੱਥੇ ਸਭ ਤੋਂ ਵੱਧ ਭੀੜ ਦੇਖੀ ਗਈ।
ਵੱਡੀ ਗਿਣਤੀ ਪੁਰਵਾਂਚਲ ਵਾਸੀਆਂ ਨੇ ਪੁੱਜ ਨੇ ਡੁੱਬਦੇ ਸੂਰਜ ਨੂੰ ਅਰਪਿਤ ਕੀਤਾ। ਸੋਮਵਾਰ ਨੂੰ ਚੜ੍ਹਦੇ ਸੂਰਜ ਨੂੰ ਅਰਘ ਭੇਟ ਕਰਕੇ ਪੂਜਾ ਅਰਚਨਾ ਕੀਤੀ ਜਾਵੇਗੀ। ਛੱਠ ਪੂਜਾ ਨੂੰ ਲੈ ਕੇ ਸ਼ਰਧਾਲੂਆਂ ਵਿੱਚ ਭਾਰੀ ਉਤਸ਼ਾਹ ਸੀ। ਚੰਡੀਗੜ੍ਹ ਟ੍ਰੈਫਿਕ ਪੁਲੀਸ ਵੱਲੋਂ ਖਾਸ ਐਡਵਾਈਜ਼ਰੀ ਜਾਰੀ ਕਰਦਿਆਂ ਸੈਕਟਰ 42 ਹੋਟਲ ਮੈਨੇਜਮੈਂਟ ਇੰਸਟੀਚਿਊਟ ਨੂੰ ਜਾਣ ਵਾਲੀ ਸੜਕ ਨੂੰ ਸੈਕਟਰ 41/42 ਦੇ ਮੋੜ ਤੋਂ ਬੰਦ ਕਰ ਦਿੱਤਾ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਸੂਰਜ ਦੀ ਪੂਜਾ ਨਾਲ ਚਾਰ ਦਿਨਾਂ ਦਾ ਛੱਠ ਪੂਜਾ ਤਿਉਹਾਰ ‘ਨਹਾਓ -ਖਾਓ ਨਾਲ ਸ਼ੁਰੂ ਹੁੰਦਾ ਹੈ ਅਤੇ ਚੜ੍ਹਦੇ ਸੂਰਜ ਨੂੰ ਦੀ ਪੂਜਾ ਕਰਨ ਨਾਲ ਸਮਾਪਤ ਹੁੰਦਾ ਹੈ।
ਇੱਥੇ ਅੱਜ ਮੇਅਰ ਸਰਬਜੀਤ ਕੌਰ, ਚੰਡੀਗੜ੍ਹ ਨਿਗਮ ਕਮਿਸ਼ਨਰ ਅਨੰਦਿਤਾ ਮਿਤਰਾ, ਇਲਾਕਾ ਕੌਂਸਲਰ ਜਸਬੀਰ ਸਿੰਘ ਬੰਟੀ, ਕੌਂਸਲਰ ਗੁਰਪ੍ਰੀਤ ਸਿੰਘ ਗਾਬੀ, ਗੁਰਬਖਸ਼ ਰਾਵਤ, ਪ੍ਰੇਮਲਤਾ ਅਤੇ ਹਰਦੀਪ ਸਿੰਘ ਬੁਟੇਰਲਾ ਸਮੇਤ ਛੱਠ ਪੂਜਾ ਸਭਾ ਦੇ ਚੇਅਰਮੈਨ ਰਜਿੰਦਰ ਕੁਮਾਰ ਅਤੇ ਸੁਨੀਲ ਗੁਪਤਾ ਨੇ ਮੌਕੇ ’ਤੇ ਪੁੱਜ ਕੇ ਛੱਠ ਪੂਜਾ ਵਿੱਚ ਹਿੱਸਾ ਲਿਆ।
ਵਰਾਤੀ ਆਪਣੇ ਪਰਿਵਾਰ ਨਾਲ ਛਠ ਘਾਟ ਪਹੁੰਚੀ। ਕੁਝ ਪਰਿਵਾਰ ਬੈਂਡ-ਵਾਜੇ ਨਾਲ ਘਾਟਾਂ ‘ਤੇ ਪਹੁੰਚੇ ਅਤੇ ਕੁਝ ਮੱਥਾ ਟੇਕਣ ਆਏ। ਵਾਰਤਾ ਦੇ ਪਰਿਵਾਰਕ ਮੈਂਬਰ ਸਿਰ ‘ਤੇ ਪੂਜਾ ਯਾਤਰਾ (ਟੋਕਰੀ) ਲੈ ਕੇ ਗੀਤ ਗਾਉਂਦੇ ਹੋਏ ਘਾਟ ‘ਤੇ ਪਹੁੰਚੇ। ਔਰਤਾਂ ਤੋਂ ਇਲਾਵਾ ਪੁਰਸ਼ਾਂ ਨੇ ਵੀ ਵਰਤ ਰੱਖਿਆ ਅਤੇ ਭਗਵਾਨ ਭਾਸਕਰ ਨੂੰ ਅਰਘ ਭੇਟ ਕੀਤੀ। ਸੈਕਟਰ-42 ਸਥਿਤ ਨਵੀਂ ਝੀਲ ਵਿਖੇ ਦੁਪਹਿਰ ਤਿੰਨ ਵਜੇ ਤੋਂ ਪਹਿਲਾਂ ਹੀ ਸ਼ਰਧਾਲੂ ਪੁੱਜਣੇ ਸ਼ੁਰੂ ਹੋ ਗਏ। ਆਲੇ-ਦੁਆਲੇ ਬਣੇ ਘਾਟਾਂ ‘ਤੇ ਭਾਰੀ ਭੀੜ ਸੀ।
ਪੂਰਵਾਂਚਲ ਵੈਲਫੇਅਰ ਐਸੋਸੀਏਸ਼ਨ ਅਤੇ ਬਿਹਾਰ ਪ੍ਰੀਸ਼ਦ ਚੰਡੀਗੜ੍ਹ ਵੱਲੋਂ ਨਵੀਂ ਝੀਲ ਵਿਖੇ ਪੰਡਾਲ ਲਗਾਇਆ ਗਿਆ। ਦੋਵੇਂ ਜਥੇਬੰਦੀਆਂ ਵੱਲੋਂ ਐਤਵਾਰ ਸਵੇਰੇ ਨਵੀਂ ਝੀਲ ਵਿਖੇ ਪੂਜਾ ਅਰਚਨਾ ਕੀਤੀ ਗਈ ਅਤੇ ਝੀਲ ਵਿੱਚ ਗੰਗਾ ਜਲ ਡੋਲ੍ਹਿਆ ਗਿਆ। ਇਸ ਤੋਂ ਇਲਾਵਾ ਰਾਮਦਰਬਾਰ, ਮਲੋਆ, ਹੱਲੋਮਾਜਰਾ, ਦਰਵਾਜ਼ਾ, ਵਿਕਾਸ ਨਗਰ, ਇੰਦਰਾ ਕਲੋਨੀ, ਸੈਕਟਰ-47 ਸਮੇਤ ਸ਼ਹਿਰ ਦੇ ਹੋਰਨਾਂ ਹਿੱਸਿਆਂ ਵਿੱਚ ਵੀ ਛੱਠ ਦਾ ਤਿਉਹਾਰ ਸ਼ਰਧਾ ਨਾਲ ਮਨਾਇਆ ਗਿਆ। ਸਾਰੇ ਘਾਟਾਂ ‘ਤੇ ਸ਼ਰਧਾਲੂਆਂ ਦੀ ਭਾਰੀ ਭੀੜ ਸੀ। ਸੁਰੱਖਿਆ ਲਈ ਥਾਂ-ਥਾਂ ਪੁਲੀਸ ਫੋਰਸ ਤਾਇਨਾਤ ਸੀ। ਮੈਟਲ ਡਿਟੈਕਟਰ ਵੀ ਲਗਾਏ ਗਏ ਸਨ।
ਸੈਕਟਰ-42 ਦੀ ਝੀਲ ’ਤੇ ਛੱਠ ਪੂਜਾ ਲਈ ਕੁੱਲ 13 ਘਾਟ ਬਣਾਏ ਗਏ ਹਨ। ਇਸ ਤੋਂ ਪਹਿਲਾਂ ਪ੍ਰਸ਼ਾਸਨ ਵੱਲੋਂ ਛੱਠ ਦੇ ਤਿਉਹਾਰ ਨੂੰ ਲੈ ਕੇ ਸੈਕਟਰ 42 ਦੀ ਨਵੀਂ ਝੀਲ ਦੀ ਸਫਾਈ ਕਰਵਾਉਣ ਤੋਂ ਬਾਅਦ ਦੋ ਟਿਊਬਵੈੱਲਾਂ ਨਾਲ ਝੀਲ ਵਿੱਚ ਪਾਣੀ ਭਰਿਆ ਗਿਆ। ਝੀਲ ਦੇ ਪੂਰੇ ਇਲਾਕੇ ਨੂੰ ਰੰਗ ਬਿਰੰਗੀ ਰੌਸ਼ਨੀਆਂ ਨਾਲ ਸਜਾਇਆ ਗਿਆ ਹੈ।
ਇੱਥੇ ਅੱਜ ਵੱਡੀ ਗਿਣਤੀ ਪੁਰਵਾਂਚਲ ਵਾਸੀਆਂ ਨੇ ਪੁੱਜ ਕੇ ਰਵਾਇਤੀ ਢੰਗ ਨਾਲ ਛੱਠ ਪੂਜਾ ਕੀਤੀ। ਇਸ ਦੇ ਨਾਲ ਹੀ ਮਲੋਆ ਦੇ ਬੱਸ ਸਟੈਂਡ ਨੇੜੇ ਵੀ ਬਣਾਏ ਗਏ ਆਰਜ਼ੀ ਘਾਟ ’ਤੇ ਪੂਰਵਾਂਚਲ ਦੇ ਲੋਕਾਂ ਦਾ ਇਕੱਠ ਰਿਹਾ। ਇੱਥੇ ਵੀ ਛੱਠ ਦਾ ਤਿਉਹਾਰ ਸ਼ਰਧਾ ਨਾਲ ਮਨਾਇਆ ਜਾ ਰਿਹਾ ਹੈ। ਇਸ ਤੋਂ ਇਲਾਵਾ ਸ਼ਹਿਰ ਦੇ ਹੋਰ ਇਲਾਕਿਆਂ ਵਿੱਚ ਵੀ ਛੱਠ ਪੂਜਾ ਨੂੰ ਲੈ ਕੇ ਪ੍ਰਬੰਧ ਕੀਤੇ ਗਏ ਹਨ।
