FIFA World Cup 2022 Final: ਫੀਫਾ ਵਿਸ਼ਵ ਕੱਪ 2022 ਦਾ ਫਾਈਨਲ ਮੈਚ ਨੂੰ ਲੈ ਹਰ ਪਾਸੇ ਖੂਬ ਚਰਚਾ ਹੋ ਰਹੀ ਹੈ। ਇਸ ਵਾਰ ਇਹ ਬੇਹੱਦ ਖਾਸ ਰਿਹਾ। ਦਰਅਸਲ, ਲੁਸੇਲ ਸਟੇਡੀਅਮ ਵਿੱਚ ਅਰਜਨਟੀਨਾ ਅਤੇ ਫਰਾਂਸ ਦੀਆਂ ਟੀਮਾਂ ਆਹਮੋ-ਸਾਹਮਣੇ ਹੋਈਆਂ। ਇਸ ਮੈਚ ਵਿੱਚ ਅਰਜਨਟੀਨਾ ਨੇ ਪੈਨਲਟੀ ਸ਼ੂਟਆਊਟ ਵਿੱਚ 4-2 ਨਾਲ ਜਿੱਤ ਦਰਜ ਕੀਤੀ। ਇਸ ਜਿੱਤ ਦੇ ਨਾਲ ਹੀ ਲਿਓਨੇਲ ਮੇਸੀ ਦਾ ਵਿਸ਼ਵ ਕੱਪ ਜਿੱਤਣ ਦਾ ਸੁਪਨਾ ਪੂਰਾ ਹੋ ਗਿਆ। ਫੁੱਟਬਾਲ ਨੂੰ ਦੁਨੀਆ ਦੀ ਸਭ ਤੋਂ ਮਸ਼ਹੂਰ ਖੇਡ ਮੰਨਿਆ ਜਾਂਦਾ ਹੈ, ਇਸ ਲਈ ਪੂਰੀ ਦੁਨੀਆ ਦੀ ਨਜ਼ਰ ਫੀਫਾ ਵਿਸ਼ਵ ਕੱਪ 2022 ‘ਤੇ ਸੀ। ਵਿਸ਼ਵ ਕੱਪ ਟਰਾਫੀ ਜਿੱਤਣ ਵਾਲੀ ਟੀਮ ਖਿਤਾਬ ਦੇ ਨਾਲ-ਨਾਲ ਕਰੋੜਾਂ ਰੁਪਏ ਲੈ ਰਹੀ ਹੈ। ਫੀਫਾ ਵਿਸ਼ਵ ਕੱਪ ਦੀ ਇਨਾਮੀ ਰਾਸ਼ੀ ਬਹੁਤ ਜ਼ਿਆਦਾ ਹੈ ਅਤੇ ਨਾ ਸਿਰਫ ਜੇਤੂ ਟੀਮ ਸਗੋਂ ਉਪ ਜੇਤੂ ਟੀਮ ਵੀ ਅਮੀਰ ਹੋ ਗਈ।
ਮੈਚ ਦੀ ਸ਼ੁਰੂਆਤ ਤੋਂ ਹੀ ਅਰਜਨਟੀਨਾ ਨੇ ਸ਼ਾਨਦਾਰ ਖੇਡ ਦਾ ਪ੍ਰਦਰਸ਼ਨ ਕੀਤਾ ਅਤੇ 23ਵੇਂ ਮਿੰਟ ‘ਚ ਹੀ ਉਸ ਨੇ ਬੜ੍ਹਤ ਹਾਸਲ ਕਰ ਲਈ। ਫਰਾਂਸ ਵੱਲੋਂ ਫਾਊਲ ਕੀਤੇ ਜਾਣ ਤੋਂ ਬਾਅਦ ਅਰਜਨਟੀਨਾ ਨੂੰ ਪੈਨਲਟੀ ਕਿੱਕ ਮਿਲੀ ਅਤੇ ਉਸ ‘ਤੇ ਲਿਓਨਲ ਮੈਸੀ ਨੇ ਗੋਲ ਕਰਕੇ ਅਰਜਨਟੀਨਾ ਨੂੰ ਬੜ੍ਹਤ ਦਿਵਾਈ। 13 ਮਿੰਟ ਬਾਅਦ ਅਰਜਨਟੀਨਾ ਨੇ ਇੱਕ ਹੋਰ ਗੋਲ ਕਰਕੇ ਮੈਚ ਵਿੱਚ 2-0 ਦੀ ਬੜ੍ਹਤ ਬਣਾ ਲਈ। ਏਂਜਲ ਡੀ ਮਾਰੀਆ ਨੇ ਸ਼ਾਨਦਾਰ ਗੋਲ ਕੀਤਾ ਅਤੇ ਸਕੋਰ 2-0 ਕਰ ਦਿੱਤਾ।
ਪਹਿਲੇ 80 ਮਿੰਟ ਤੱਕ ਅਰਜਨਟੀਨਾ ਆਰਾਮ ਨਾਲ ਆਪਣੀ ਲੀਡ ਬਰਕਰਾਰ ਰੱਖ ਰਿਹਾ ਸੀ ਪਰ ਫਿਰ ਕਾਇਲੀਅਨ ਐਮਬਾਪੇ ਨੇ ਅਰਜਨਟੀਨਾ ‘ਤੇ ਤਬਾਹੀ ਮਚਾ ਦਿੱਤੀ। ਐਮਬਾਪੇ ਨੇ 80ਵੇਂ ਮਿੰਟ ਵਿੱਚ ਪੈਨਲਟੀ ਕਿੱਕ ’ਤੇ ਗੋਲ ਕਰਕੇ ਇਸ ਨੂੰ 2-1 ਕਰ ਦਿੱਤਾ ਅਤੇ ਅਗਲੇ ਹੀ ਮਿੰਟ ਵਿੱਚ ਬਰਾਬਰੀ ਕਰ ਲਈ। ਮਿਡਫੀਲਡ ਤੋਂ ਮਿਲੇ ਸ਼ਾਨਦਾਰ ਪਾਸ ‘ਤੇ ਐਮਬਾਪੇ ਨੇ ਵਧੀਆ ਤਰੀਕੇ ਨਾਲ ਗੇਂਦ ‘ਤੇ ਕੰਟਰੋਲ ਕੀਤਾ ਅਤੇ ਵਾਲੀ ‘ਤੇ ਗੋਲ ਕਰਕੇ ਸਕੋਰ 2-2 ਕਰ ਦਿੱਤਾ। ਇਸ ਤੋਂ ਬਾਅਦ ਕਿਸੇ ਵੀ ਟੀਮ ਵੱਲੋਂ ਕੋਈ ਗੋਲ ਨਹੀਂ ਹੋਇਆ ਅਤੇ ਮੈਚ 30 ਮਿੰਟ ਦੇ ਵਾਧੂ ਸਮੇਂ ਵਿੱਚ ਚਲਾ ਗਿਆ।
ਵਾਧੂ ਸਮੇਂ ਦੇ ਪਹਿਲੇ 15 ਮਿੰਟਾਂ ਵਿੱਚ ਅਰਜਨਟੀਨਾ ਨੇ ਗੋਲ ਕਰਨ ਦੇ ਕਈ ਮੌਕੇ ਬਣਾਏ ਪਰ ਉਹ ਇੱਕ ਦਾ ਵੀ ਫਾਇਦਾ ਨਹੀਂ ਉਠਾ ਸਕਿਆ। ਹਾਲਾਂਕਿ ਦੂਜੇ ਹਾਫ ‘ਚ ਸਟਾਰ ਖਿਡਾਰੀ ਲਿਓਨਲ ਮੈਸੀ ਨੇ ਅਰਜਨਟੀਨਾ ਲਈ ਸਭ ਕੁਝ ਦੇ ਦਿੱਤਾ। ਵਾਧੂ ਸਮੇਂ ਦੇ ਦੂਜੇ ਅੱਧ ਦੇ ਤੀਜੇ ਮਿੰਟ ਵਿੱਚ, ਅਰਜਨਟੀਨਾ ਨੇ ਸ਼ਾਨਦਾਰ ਹਮਲਾ ਕੀਤਾ ਅਤੇ ਇਸ ‘ਤੇ ਮੈਸੀ ਨੇ ਗੋਲ ਕਰਕੇ ਅਰਜਨਟੀਨਾ ਨੂੰ 3-2 ਨਾਲ ਅੱਗੇ ਕਰ ਦਿੱਤਾ। ਵਾਧੂ ਸਮੇਂ ਦੇ ਦੂਜੇ ਅੱਧ ਦੀ ਸਮਾਪਤੀ ਤੋਂ ਠੀਕ ਪਹਿਲਾਂ, ਐਮਬਾਪੇ ਨੇ ਪੈਨਲਟੀ ‘ਤੇ ਇਕ ਹੋਰ ਗੋਲ ਕਰਕੇ ਆਪਣੀ ਹੈਟ੍ਰਿਕ ਪੂਰੀ ਕੀਤੀ ਅਤੇ ਸਕੋਰ 3-3 ਨਾਲ ਬਰਾਬਰ ਕਰ ਦਿੱਤਾ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਰਜਨਟੀਨਾ ਦੇ ਜਿੱਤ ‘ਤੇ ਉਨ੍ਹਾਂ ਨੂੰ ਵਧਾਈ ਦਿੱਤੀ । PM ਮੋਦੀ ਨੇ ਟਵੀਟ ਕਰਕੇ ਕਿਹਾ- ਇਸ ਨੂੰ ਸਭ ਤੋਂ ਰੋਮਾਂਚਕ ਫੁੱਟਬਾਲ ਮੈਚਾਂ ਵਿੱਚੋਂ ਇੱਕ ਵਜੋਂ ਯਾਦ ਰੱਖਿਆ ਜਾਵੇਗਾ! ਅਰਜਨਟੀਨਾ ਨੂੰ ਫੀਫਾ ਵਿਸ਼ਵ ਕੱਪ ਚੈਂਪੀਅਨ ਬਣਨ ‘ਤੇ ਵਧਾਈਆਂ ! ਉਸ ਨੇ ਪੂਰੇ ਟੂਰਨਾਮੈਂਟ ਦੌਰਾਨ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਹੈ। ਅਰਜਨਟੀਨਾ ਅਤੇ ਮੇਸੀ ਦੇ ਲੱਖਾਂ ਭਾਰਤੀ ਪ੍ਰਸ਼ੰਸਕ ਮਹਾਨ ਜਿੱਤ ਲਈ ਖੁਸ਼ ਹਨ! ਇਸ ਦੇ ਨਾਲ ਹੀ ਪੀਐਮ ਮੋਦੀ ਨੇ ਫਰਾਂਸ ਨੂੰ ਵੀ ਵਧਾਈ ਦਿੱਤੀ। ਉਨ੍ਹਾਂ ਲਿਖਿਆ- ਫੀਫਾ ਵਿਸ਼ਵ ਕੱਪ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਲਈ ਫਰਾਂਸ ਨੂੰ ਵਧਾਈ! ਉਸ ਨੇ ਫਾਈਨਲ ਤੱਕ ਪਹੁੰਚ ਕੇ ਆਪਣੀ ਖੇਡ ਕਲਾ ਨਾਲ ਫੁੱਟਬਾਲ ਪ੍ਰਸ਼ੰਸਕਾਂ ਨੂੰ ਖੁਸ਼ ਕੀਤਾ।
This will be remembered as one of the most thrilling Football matches! Congrats to Argentina on becoming #FIFAWorldCup Champions! They’ve played brilliantly through the tournament. Millions of Indian fans of Argentina and Messi rejoice in the magnificent victory! @alferdez
— Narendra Modi (@narendramodi) December 18, 2022
ਅਰਜਨਟੀਨਾ ਦੀ ਜਿੱਤ ‘ਤੇ ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ ਕਿਹਾ- ਕਿੰਨੀ ਖੂਬਸੂਰਤ ਖੇਡ ਹੈ ! ਰੋਮਾਂਚਕ ਜਿੱਤ ‘ਤੇ ਅਰਜਨਟੀਨਾ ਨੂੰ ਵਧਾਈ। ਵਧੀਆ ਖੇਡਿਆ, ਫਰਾਂਸ. ਮੇਸੀ ਅਤੇ ਐਮਬਾਪੇ ਦੋਵੇਂ ਸੱਚੇ ਚੈਂਪੀਅਨ ਵਾਂਗ ਖੇਡੇ ! ਫੀਫਾ ਵਿਸ਼ਵ ਕੱਪ ਫਾਈਨਲ ਇਕ ਵਾਰ ਫਿਰ ਦਿਖਾਉਂਦਾ ਹੈ ਕਿ ਕਿਵੇਂ ਸਰਹੱਦਾਂ ਤੋਂ ਬਿਨਾਂ ਖੇਡਾਂ ਇਕਜੁੱਟ ਹੁੰਦੀਆਂ ਹਨ!
What a beautiful game! Congratulations to Argentina for a thrilling victory. Well played, France.
Both Messi & Mbappé played like true champions! #FIFAWorldCupFinal shows yet again how sports unites, sans boundaries! pic.twitter.com/I1xX5ogpwE
— Rahul Gandhi (@RahulGandhi) December 18, 2022
