ਬਿਉਰੋ ਰਿਪੋਰਟ : 1 ਨਵੰਬਰ ਦੀ ਮਹਾਂਡਿਬੇਟ ਵਿੱਚ ਵਿਰੋਧੀ ਧਿਰਾਂ ਵਿੱਚੋ ਕੌਣ-ਕੌਣ ਸ਼ਾਮਲ ਹੋਵੇਗਾ, ਇਸ ਨੂੰ ਲੈਕੇ ਹੁਣ ਵੀ ਸਸਪੈਂਸ ਹੈ ਪਰ ਆਮ ਆਦਮੀ ਪਾਰਟੀ ਨੇ ਸੁਨੀਲ ਜਾਖੜ ਨੂੰ ਨਵੀਂ ਆਫਰ ਭੇਜੀ ਹੈ । ਆਪ ਦੇ ਬੁਲਾਰੇ ਮਾਲਵਿੰਦਰ ਸਿੰਘ ਕੰਗ ਨੇ ਕਿਹਾ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਸੁਨੀਲ ਜਾਖੜ ਨੂੰ 30 ਮਿੰਟ ਦੀ ਥਾਂ 50 ਤੋਂ 55 ਮਿੰਟ ਦੇਣ ਦਾ ਫੈਸਲਾ ਲਿਆ ਹੈ । ਕੰਗ ਨੇ ਕਿਹਾ ਕਿਉਂਕਿ ਜਾਖੜ ਸਾਬ੍ਹ ਕਾਂਗਰਸ ਅਤੇ ਬੀਜੇਪੀ ਦੇ ਪ੍ਰਧਾਨ ਵੀ ਰਹੇ ਹਨ ਇਸ ਲਈ ਦੋਵਾਂ ਪਾਸੇ ਤੋਂ ਉਹ ਆਪਣਾ ਪੱਖ ਰੱਖ ਸਕਦੇ ਹਨ । ਆਪ ਦੇ ਬੁਲਾਰੇ ਨੇ ਸੁਨੀਲ ਜਾਖੜ ਨੂੰ 2016 ਦਾ ਬਿਆਨ ਯਾਦ ਕਰਵਾਉਂਦੇ ਹੋਏ ਕਿਹਾ ਕਾਂਗਰਸ ਵਿੱਚ ਰਹਿੰਦੇ ਹੋਏ ਉਨ੍ਹਾਂ ਨੇ ਦਾਅਵਾ ਕੀਤਾ ਕਿ ਜੇਕਰ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਚਾਉਣ ਤਾਂ SYL ਦਾ ਮਸਲਾ 2 ਮਿੰਟ ਵਿੱਚ ਹੱਲ ਹੋ ਸਕਦਾ ਹੈ । ਹਰਿਆਣਾ ਵਿੱਚ ਉਨ੍ਹਾਂ ਦੀ ਸਰਕਾਰ ਹੈ ਕੇਂਦਰ ਵਿੱਚ ਸਰਕਾਰ ਹੈ ਅਤੇ ਹੁਣ ਤਾਂ ਉਹ ਪੰਜਾਬ ਬੀਜੇਪੀ ਦੇ ਸੂਬਾ ਪ੍ਰਧਾਨ ਹਨ, ਉਹ ਕਿਉਂ ਪਿੱਛੇ ਹੱਟ ਰਹੇ ਹਨ । ਕੰਗ ਨੇ ਕਿਹਾ ਸੁਨੀਲ ਜਾਖੜ ਬਹਾਨੇ ਬਣਾਉਣੇ ਛੱਡਣ ਅਤੇ ਕਿਉਂ ਨਹੀਂ ਹੁਣ ਉਹ ਪੰਜਾਬ ਦੇ ਹੱਕ ਵਿੱਚ ਪ੍ਰਧਾਨ ਮੰਤਰੀ ਕੋਲੋ ਫੈਸਲਾ ਕਰਵਾਉਂਦੇ ਹਨ । ਕਿਉਂ ਪੀਸੀ ਕਰਕੇ ਡਰਾਮੇਬਾਜੀ ਕਰ ਰਹੇ ਹੋ । ਜੇਕਰ ਹਿੰਮਤ ਹੈ ਤਾਂ 1 ਨਵੰਬਰ ਵਾਲੀ ਸਾਰਥਕ ਡਿਬੇਟ ਵਿੱਚ ਜ਼ਰੂਰ ਆਓ। ਆਪ ਦੇ ਬੁਲਾਰੇ ਮਾਲਵਿੰਦਰ ਸਿੰਘ ਕੰਗ ਨੇ ਬਿਕਰਮ ਸਿੰਘ ਮਜੀਠੀਆਂ ਨੂੰ ਵੀ ਚੁਣੌਤੀ ਦਿੱਤੀ ਹੈ ।
ਕੱਲ ਨੂੰ ਹੋਣ ਵਾਲੀ ਮਹਾ ਬਹਿਸ ਤੋਂ ਪਹਿਲਾਂ ਵਿਰੋਧੀ ਪਾਰਟੀਆਂ ਦਾ ਰਵੱਈਆ ਅਸਲ ਮੁੱਦਿਆਂ ‘ਤੇ ਚਰਚਾ ਤੋਂ ਭੱਜਣ ਵਾਲਾ ਹੈ
ਮੈਂ ਇੱਕ ਵਾਰ ਫੇਰ ਤੋਂ ਵਿਰੋਧੀ ਧਿਰ ਦੇ ਲੀਡਰਾਂ ਨੂੰ ਕਹਿਣਾ ਚਾਹੁੰਦਾ ਹਾਂ ਕਿ ਉਹ ਇਸ ਬਹਿਸ ‘ਚ ਜ਼ਰੂਰ ਸ਼ਾਮਲ ਹੋਣ
—@kang_malvinder#MaiPunjabBoldaHan pic.twitter.com/zET85swJG2
— AAP Punjab (@AAPPunjab) October 31, 2023
ਕੰਗ ਦੀ ਮਜੀਠੀਆ ਨੂੰ ਚੁਣੌਤੀ
ਪੰਜਾਬ ਆਪ ਦੇ ਬੁਲਾਰੇ ਮਾਲਵਿੰਦਰ ਸਿੰਘ ਕੰਗ ਨੇ ਬਿਕਰਮ ਸਿੰਘ ਮਜੀਠੀਆ ਨੂੰ ਚੁਣੌਤੀ ਦਿੰਦੇ ਹੋਏ ਕਿਹਾ ਕਿ ਤੁਸੀਂ ਕਹਿੰਦੇ ਹੋ ਕਿ ਅਸੀਂ ਪੰਜਾਬ ਦੇ ਨਾਲ ਖੜੇ ਨਹੀਂ । ਮੈਂ ਤੁਹਾਨੂੰ ਚੁਣੌਤੀ ਦਿੰਦਾ ਹਾਂ ਕਿ ਤੁਸੀਂ ਸੁਖਬੀਰ ਬਾਦਲ ਦੇ ਹੱਥ ਉਹ ਪੇਪਰ ਲੈਕੇ ਭੇਜੋ ਜਿਸ ਵਿੱਚ ਸਾਬਿਤ ਹੋ ਸਕੇ ਅਸੀਂ ਸੁਪਰੀਮ ਕੋਰਟ ਵਿੱਚ ਪੰਜਾਬ ਦੇ ਨਾਲ ਨਹੀਂ ਖੜੇ ਹੋਏ । ਅਸੀਂ ਅਦਾਲਤ ਵਿੱਚ ਕਿਹਾ ਹੈ ਕਿ ਅਸੀਂ ਤਾਂ ਨਹਿਰ ਬਣਾਉਣ ਲਈ ਤਿਆਰ ਸੀ ਪਰ ਵਿਰੋਧੀ ਨਹੀਂ ਮੰਨ ਦੇ ਸਨ । ਸਿਰਫ਼ ਇਨ੍ਹਾਂ ਹੀ ਨਹੀਂ ਕੰਗ ਨੇ ਕਿਹਾ ਤੁਸੀਂ ਸੁਖਬੀਰ ਸਿੰਘ ਬਾਦਲ ਦੇ ਹੱਥ ਗੁਰੂਗਰਾਮ ਦੇ ਆਪਣੇ 5 ਸਟਾਰ ਹੋਟਲ ਦੀ ਰਜਿਸਟਰੀ ਵੀ ਲੈਕੇ ਭੇਜਣਾ,ਨਹੀਂ ਤਾਂ ਸਾਡੇ ਕੋਲ ਤਾਂ ਹੈ । ਕੰਗ ਨੇ ਕਿਹਾ ਇਸ ਤੋਂ ਇਲਾਵਾ ਮਾਨ ਸਰਕਾਰ ਨੇ ਜੇਕਰ ਪੰਜਾਬ ਦੇ ਖਿਲਾਫ ਕੋਈ ਫੈਸਲਾ ਲਿਆ ਹੈ ਉਸ ਦੇ ਦਸਤਾਵੇਜ਼ ਵੀ ਸੁਖਬੀਰ ਸਿੰਘ ਬਾਦਲ ਲੈਕੇ ਆਉਣ, ਇੱਥੇ-ਉੱਥੇ ਝੂਠ ਬੋਲਣ ਨਾਲ ਕੁਝ ਨਹੀਂ ਹੋਵੇਗਾ ।
ਬਿਕਰਮ ਸਿੰਘ ਮਜੀਠੀਆ ਨੇ ਕੇਜਰੀਵਾਲ ਦਾ ਮੁਆਫੀਨਾਮਾ ਪੇਸ਼ ਕੀਤਾ
ਅਕਾਲੀ ਦਲ ਦੇ ਸੀਨੀਅਰ ਆਗੂ ਬਿਕਰਮ ਸਿੰਘ ਮਜੀਠੀਆ ਨੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੂੰ ਚੁਣੌਤੀ ਦਿੰਦੇ ਹੋਏ ਕਿਹਾ ਸੀ ਜੇਕਰ ਹਿੰਮਤ ਹੈ ਤਾਂ ਸਾਡੀ ਦੱਸੀ ਹੋਈ ਥਾਂ ‘ਤੇ ਡਿਬੇਟ ਲਈ ਪਹੁੰਚਣ । ਤੁਸੀਂ ਮੁੱਖ ਮੰਤਰੀ ਹੋ ਲੋਕਾਂ ਦੇ ਸਵਾਲਾਂ ਦਾ ਜਵਾਬ ਦੇਣ ਲਈ ਕਿਸੇ ਵੀ ਥਾਂ ‘ਤੇ ਆ ਸਕਦੇ ਹੋ ,ਤੁਹਾਨੂੰ ਕਿਸ ਚੀਜ਼ ਦਾ ਡਰ ਹੈ । ਮਜੀਠੀਆ ਨੇ ਕਿਹਾ ਜਿਸ ਥਾਂ ‘ਤੇ ਮੁੱਖ ਮੰਤਰੀ ਮਾਨ ਨੇ ਡਿਬੇਟ ਰੱਖੀ ਹੈ ਉੱਥੇ ਜੱਜ ਵੀ ਉਹ ਆਪ ਹਨ,ਲੋਕ ਵੀ ਉਨ੍ਹਾਂ ਦੇ ਹਨ । ਇਸ ਦੇ ਜਵਾਬ ਵਿੱਚ ਆਪ ਨੇ ਕਿਹਾ ਸੀ ਕਿ ‘ਸਾਰੇ ਪੰਜਾਬ ਨੂੰ ਨਸ਼ਿਆਂ ਦੀ ਦਲਦਲ ‘ਚ ਧੱਕਣ ਵਾਲੇ ਤੇ ਨਸ਼ਾ ਤਸਕਰੀ ਦੇ ਕੇਸ ‘ਚ ਜਮਾਨਤ ‘ਤੇ ਚੱਲ ਰਿਹਾ ਬੰਦਾ ਤਾਂ ਘੱਟੋ-ਘੱਟ ਪੰਜਾਬ ਦੇ ਭਲੇ ਜਾਂ ਪੰਜਾਬ ਦੀ ਕਾਨੂੰਨੀ ਵਿਵਸਥਾ ਬਾਰੇ ਕੋਈ ਗੱਲ ਨਾ ਹੀ ਕਰੇ’। ਆਪ ਦੇ ਇਸ ਬਿਆਨ ‘ਤੇ ਬਿਕਰਮ ਸਿੰਘ ਮਜੀਠੀਆ ਨੇ ਕੇਜਰੀਵਾਲ ਦੀ ਫੋਟੋ ਦੇ ਨਾਲ ਉਨ੍ਹਾਂ ਦੇ ਮੁਆਫੀਨਾਮਾ ਵੀ ਭੇਜ ਦਿੱਤਾ । ਜਿਸ ਵਿੱਚ ਡਰੱਗ ਮਾਮਲੇ ਨੂੰ ਲੈਕੇ ਆਪ ਸੁਪਰੀਮੋ ਨੇ ਮਜੀਠੀਆ ਤੋਂ ਮੁਆਫੀ ਮੰਗੀ ਸੀ ।
https://t.co/XNntr4kTq8 pic.twitter.com/lKNGx7ef7k
— Bikram Singh Majithia (@bsmajithia) October 31, 2023
ਆਪ ਨੇ ਪ੍ਰਤਾਪ ਸਿੰਘ ਬਾਜਵਾ ਨੂੰ ਦੱਸਿਆ ਏਜੰਡਾ
ਆਪ ਦੇ ਬੁਲਾਰੇ ਮਾਲਵਿੰਦਰ ਸਿੰਘ ਕੰਗ ਨੇ ਕਿਹਾ ਆਗੂ ਵਿਰੋਧੀ ਧਿਰ ਪ੍ਰਤਾਪ ਸਿੰਘ ਬਾਜਵਾ ਸਾਬ੍ਹ ਕਹਿੰਦੇ ਹਨ ਕਿ ਸਾਨੂੰ ਏਜੰਡਾ ਨਹੀਂ ਦੱਸਿਆ ਗਿਆ ਜਦੋਂ ਡਿਬੇਟ ਲਈ ਮੁੱਖ ਮੰਤਰੀ ਮਾਨ ਨੇ ਸੱਦਾ ਦਿੱਤਾ ਸੀ ਤਾਂ ਕਹਿ ਦਿੱਤਾ ਸੀ ਕਿ ਪੰਜਾਬ ਦੇ ਹਰ ਮੁੱਦੇ ਭਾਵੇ ਉਹ ਪਾਣੀਆਂ ਦਾ ਹੋਵੇ,ਗੁਰਬਾਣੀ ਦੇ ਏਕਾ ਅਧਿਕਾਰ ਦਾ ਮੁੱਦਾ ਹੋਵੇ। ਜਵਾਨੀ,ਕਿਸਾਨੀ,ਵਪਾਰ ਹਰ ਮੁੱਦੇ ‘ਤੇ ਚਰਚਾ ਹੋਵੇਗੀ। ਪ੍ਰਤਾਪ ਸਿੰਘ ਬਾਜਵਾ ਨੇ ਡਿਬੇਟ ਵਿੱਚ ਸ਼ਾਮਲ ਹੋਣ ਦਾ ਐਲਾਨ ਕਰਦੇ ਹੋਏ ਕੁਝ ਸ਼ਰਤਾ ਰੱਖਿਆ ਸਨ ਜਿਸ ਵਿੱਚ ਉਨ੍ਹਾਂ ਨੇ ਮੰਚ ਦੇ ਸੰਚਾਲਨ ਨੂੰ ਬਦਲਣ ਦੇ ਨਾਲ ਡਿਬੇਟ ਤੋਂ ਪਹਿਲਾਂ ਚੰਡੀਗੜ੍ਹ ਵਿੱਚ ਏਜੰਡਾਂ ਤੈਅ ਕਰਨ ਦੇ ਲਈ ਮੀਟਿੰਗ ਬੁਲਾਉਣ ਦੀ ਸਲਾਹ ਦਿੱਤੀ ਸੀ । ਉਧਰ ਅਕਾਲੀ ਦਲ ਨੇ ਵੀ ਡਿਬੇਟ ਵਿੱਚ ਹਿੱਲਾ ਲੈਣ ਤੋਂ ਪਹਿਲਾਂ ਕੁਝ ਸ਼ਰਤਾਂ ਰੱਖਿਆ ਸਨ ।
ਸੁਨੀਲ ਜਾਖੜ ਨੇ ਲੁਧਿਆਣਾ ਵਿੱਚ ਪੁਲਿਸ ਦੀ ਤਾਇਨਾਤੀ ‘ਤੇ ਚੁੱਕੇ ਸਵਾਲ
ਸੁਨੀਲ ਜਾਖੜ ਨੇ ਲੁਧਿਆਣਾ ਵਿੱਚ ਪੁਲਿਸ ਦੀ ਵੱਡੀ ਗਿਣਤੀ ਵਿੱਚ ਤਾਇਨਾਤੀ ਨੂੰ ਲੈਕੇ ਸਵਾਲ ਚੁੱਕੇ ਦੇ ਹੋਏ ਲਿਖਿਆ ‘ਭਗਵਾਨ ਕ੍ਰਿਸ਼ਨ ਨੇ ਜਨਤਕ ਖੇਤਰ ਵਿੱਚ ਅਰਜੁਨ ਨਾਲ ਕਰਤੱਵ ਅਤੇ ਧਰਮ ਦੇ ਵਿਚਾਰਾਂ ‘ਤੇ ਬਹਿਸ ਕੀਤੀ। ਸਿੱਖ ਗੁਰੂਆਂ ਨੇ ਗੋਸ਼ਟੀ ਦੀ ਮਹਾਨ ਪਰੰਪਰਾ ਕਾਇਮ ਕੀਤੀ,ਅਮਰਤਿਆ ਸੇਨ ਦੀ ਦਲੀਲਵਾਦੀ ਭਾਰਤੀ ਗਲੈਡੀਏਟਰ ਸ਼ੈਲੀ ਵਿੱਚ ਬਹਿਸ ਨਹੀਂ ਕਰਦੇ,ਜਨਤਕ ਬਹਿਸ ਕੋਈ ਖੂਨੀ ਖੇਡ ਨਹੀਂ ਹੈ, ਸ਼੍ਰੀਮਾਨ ਮੁੱਖ ਮੰਤਰੀ,ਜਨਤਕ ਬਹਿਸ ਦੇ ਵਿਚਾਰ ਨੂੰ ਸਸਤਾ ਨਾ ਕਰੋ ਕਿਉਂਕਿ ਤੁਹਾਡੀ ਪੁਲਿਸ ਨੇ ਲੁਧਿਆਣਾ ਨੂੰ ਛਾਵਨੀ ਵਿੱਚ ਬਦਲ ਦਿੱਤਾ ਹੈ,’ਵੀ.ਵੀ.ਆਈ.ਪੀ.’ ਪ੍ਰੋਗਰਾਮ ਦੀ ਤਿਆਰੀ ਲਈ ਨਹੀਂ ਬਲਕਿ ਆਮ ਆਦਮੀ ਨੂੰ ਪੀਏਯੂ ਪਹੁੰਚਣ ਤੋਂ ਰੋਕਣ ਲਈ’।
Lord Krishna debated ideas of duty & dharma with Arjuna in public domain.
Sikh gurus set the great tradition of ‘goshti’.
Amartya Sen’s Argumentative Indians do not debate in gladiator style.
Public debate is not a bloody sport, Mr Chief Minister.
Do not cheapen the idea of… pic.twitter.com/N8hviC2uHa— Sunil Jakhar (@sunilkjakhar) October 31, 2023
