The Khalas Tv Blog India ਸੌਂ ਰਹੀ 18 ਸਾਲਾ ਲੜਕੀ ਦੀ ਸੱਪ ਨੇ ਡਸਣ ਨਾਲ ਗਈ ਜਾਨ ; ਪਿਤਾ ਨੇ ਡੰਡੇ ਨਾਲ ਮਾਰ ਦਿੱਤਾ
India

ਸੌਂ ਰਹੀ 18 ਸਾਲਾ ਲੜਕੀ ਦੀ ਸੱਪ ਨੇ ਡਸਣ ਨਾਲ ਗਈ ਜਾਨ ; ਪਿਤਾ ਨੇ ਡੰਡੇ ਨਾਲ ਮਾਰ ਦਿੱਤਾ

snake bite

ਸੌਂ ਰਹੀ 18 ਸਾਲਾ ਲੜਕੀ ਦੀ ਸੱਪ ਨੇ ਡਸਣ ਨਾਲ ਗਈ ਜਾਨ ; ਪਿਤਾ ਨੇ ਡੰਡੇ ਨਾਲ ਮਾਰ ਦਿੱਤਾ

ਪਾਣੀਪਤ : ਘਰ ਵਿੱਚ ਸੌਂ ਰਹੀ ਇੱਕ ਇੱਕ ਲੜਕੀ ਨੂੰ ਸੱਪ ਦੇ ਡਸਣ(snake bite) ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੀੜਤ ਬੱਚੀ ਨੂੰ ਤੁਰੰਤ ਸਰਕਾਰੀ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਇਹ ਘਟਨਾ ਹਰਿਆਣਾ ਦੇ ਪਾਣੀਪਤ(Panipat) ਜ਼ਿਲ੍ਹੇ ਦੇ ਪਿੰਡ ਮਤਲੌਡਾ ਦੇ ਬਾੜਾ ਮੁਹੱਲੇ ਦੇ ਇੱਕ ਘਰ ਵਿੱਚ ਵਾਪਰੀ ਹੈ। ਜਾਣਕਾਰੀ ਮੁਤਾਬਿਕ ਘਰ ਵਿੱਚ ਸੌਂ ਰਹੀ ਇੱਕ ਲੜਕੀ ਨੂੰ ਸੱਪ ਨੇ ਡੰਗ ਮਾਰਿਆ ਤਾਂ ਉਹ ਰੋ ਪਈ। ਜਦੋਂ ਉਸਨੇ ਅੱਖਾਂ ਖੋਲ੍ਹੀਆਂ ਤਾਂ ਉਸਨੇ ਦੇਖਿਆ ਕਿ ਉਸਦੀ ਬਾਂਹ ਦੁਆਲੇ ਸੱਪ ਲਪੇਟਿਆ ਹੋਇਆ ਸੀ। ਡੱਸਣ ਤੋਂ ਬਾਅਦ ਸੱਪ ਉੱਥੋਂ ਚਲਾ ਗਿਆ। ਜਦੋਂ ਰਿਸ਼ਤੇਦਾਰਾਂ ਨੂੰ ਪਤਾ ਲੱਗਾ ਤਾਂ ਸੱਪ ਦੀ ਭਾਲ ਕੀਤੀ ਤਾਂ ਇਹ ਘਰ ਦੇ ਬੈੱਡ ਹੇਠਾਂ ਸੀ। ਜਿਸ ਤੋਂ ਬਾਅਦ ਉਸ ਨੂੰ ਡੰਡਿਆਂ ਨਾਲ ਮਾਰ ਦਿੱਤਾ।

ਮਾਮਲੇ ਦੀ ਸੂਚਨਾ ਪੁਲਿਸ ਨੂੰ ਦੇ ਦਿੱਤੀ ਗਈ ਹੈ। ਪੁਲਿਸ ਨੇ ਪਰਿਵਾਰਕ ਮੈਂਬਰਾਂ ਦੇ ਬਿਆਨਾਂ ਦੇ ਆਧਾਰ ‘ਤੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਮਾਮਲੇ ਸਬੰਧੀ ਜਾਣਕਾਰੀ ਦਿੰਦਿਆਂ ਸੁਭਾਸ਼ ਨੇ ਦੱਸਿਆ ਕਿ ਉਹ ਤਿੰਨ ਬੱਚਿਆਂ ਦਾ ਪਿਤਾ ਹੈ। ਜਿਸ ਵਿੱਚ ਸਭ ਤੋਂ ਵੱਡੀ ਬੇਟੀ ਕੋਮਲ (18) ਸੀ। ਉਸ ਦੇ ਦੋ ਛੋਟੇ ਪੁੱਤਰ ਹਨ।

ਸ਼ਨੀਵਾਰ ਸਵੇਰੇ 4 ਵਜੇ ਦੇ ਕਰੀਬ ਉਸ ਦੀ ਬੇਟੀ ਕੋਮਲ ਨੂੰ ਬਾਂਹ ‘ਤੇ ਦਰਦ ਮਹਿਸੂਸ ਹੋਇਆ। ਜਿਸ ਤੋਂ ਬਾਅਦ ਉਸ ਨੇ ਉੱਠ ਕੇ ਦੇਖਿਆ ਕਿ ਉਸ ਦੀ ਬਾਂਹ ‘ਤੇ ਸੱਪ ਲਪੇਟਿਆ ਹੋਇਆ ਸੀ। ਉਸ ਨੇ ਰੌਲਾ ਪਾਇਆ ਤਾਂ ਦੋਵੇਂ ਭਰਾ ਵੀ ਉਠ ਗਏ, ਜਿਨ੍ਹਾਂ ਨੇ ਤੁਰੰਤ ਪਿਤਾ ਨੂੰ ਦੱਸਿਆ ਕਿ ਘਰ ‘ਚ ਸੱਪ ਹੈ ਅਤੇ ਉਸ ਨੇ ਭੈਣ ਨੂੰ ਡੰਗਿਆ ਹੈ। ਉਸ ਨੂੰ ਤੁਰੰਤ ਸਿਵਲ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਪਿਤਾ ਨੇ ਸੱਪ ਨੂੰ ਵੀ ਡੰਡਿਆਂ ਨਾਲ ਮਾਰਿਆ। ਸੱਪ ਦੀ ਨਸਲ ਕੋਮਨ ਕਰੈਤ ਸੀ।

ਇਸ ਦੇ ਨਾਲ ਹੀ ਪੁਲਿਸ ਨੇ ਦੱਸਿਆ ਕਿ ਲਾਸ਼ ਦਾ ਪੋਸਟਮਾਰਟਮ ਕਰਵਾ ਕੇ ਵਾਰਸਾਂ ਦੇ ਹਵਾਲੇ ਕਰ ਦਿੱਤੀ ਗਈ ਹੈ। ਇਸ ਮਾਮਲੇ ਵਿੱਚ ਆਈਪੀਸੀ ਦੀ ਧਾਰਾ 174 ਤਹਿਤ ਕਾਰਵਾਈ ਕੀਤੀ ਗਈ ਹੈ।

Exit mobile version