ਮੱਧ ਪ੍ਰਦੇਸ਼ ਦੇ ਉਜੈਨ ‘ਚ ਮਹਾਕਾਲ ਮੰਦਰ ‘ਚ ਸੋਮਵਾਰ ਸਵੇਰੇ ਭਸਮ ਆਰਤੀ ਦੌਰਾਨ ਪਾਵਨ ਅਸਥਾਨ ‘ਚ ਲੱਗੀ ਅੱਗ ‘ਚ ਪੁਜਾਰੀ ਸਮੇਤ 14 ਲੋਕ ਝੁਲਸ ਗਏ। ਭਸਮ ਆਰਤੀ ਦੌਰਾਨ ਅਬੀਰ-ਗੁਲਾਲ ਲਗਾਇਆ ਜਾ ਰਿਹਾ ਸੀ। ਇਸ ਦੌਰਾਨ ਅੱਗ ਲੱਗ ਗਈ। ਸਾਰਿਆਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਇਲਾਜ ਜਾਰੀ ਹੈ। ਸਮੇਂ ਸਿਰ ਅੱਗ ‘ਤੇ ਕਾਬੂ ਪਾ ਲਿਆ ਗਿਆ। ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਇਸ ਘਟਨਾ ਦਾ ਨੋਟਿਸ ਲਿਆ ਹੈ। ਸੀਐਮ ਮੋਹਨ ਯਾਦਵ ਨੇ ਵੀ ਜਾਇਜ਼ਾ ਲਿਆ ਹੈ। ਖ਼ਬਰ ਹੈ ਕਿ ਮੋਹਨ ਯਾਦਵ ਉਜੈਨ ਪਹੁੰਚ ਸਕਦੇ ਹਨ।
ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਟਵੀਟ ਕਰਕੇ ਕਿਹਾ, ‘ਮੁੱਖ ਮੰਤਰੀ ਸ਼੍ਰੀ ਮੋਹਨ ਯਾਦਵ ਨਾਲ ਗੱਲ ਕੀਤੀ ਅਤੇ ਉਜੈਨ ਦੇ ਸ਼੍ਰੀ ਮਹਾਕਾਲ ਮੰਦਰ ‘ਚ ਅੱਗ ਲੱਗਣ ਦੀ ਘਟਨਾ ਬਾਰੇ ਜਾਣਕਾਰੀ ਲਈ। ਸਥਾਨਕ ਪ੍ਰਸ਼ਾਸਨ ਜ਼ਖਮੀਆਂ ਨੂੰ ਸਹਾਇਤਾ ਅਤੇ ਇਲਾਜ ਮੁਹੱਈਆ ਕਰਵਾ ਰਿਹਾ ਹੈ। ਮੈਂ ਜ਼ਖਮੀਆਂ ਦੇ ਜਲਦੀ ਠੀਕ ਹੋਣ ਦੀ ਬਾਬਾ ਮਹਾਕਾਲ ਅੱਗੇ ਅਰਦਾਸ ਕਰਦਾ ਹਾਂ।” ਜ਼ਖਮੀਆਂ ਦੀ ਪਛਾਣ ਸਤਿਆਨਾਰਾਇਣ ਸੋਨੀ, ਚਿੰਤਾਮਣੀ, ਰਮੇਸ਼, ਅੰਸ਼ ਸ਼ਰਮਾ, ਸ਼ੁਭਮ, ਵਿਕਾਸ, ਮਹੇਸ਼ ਸ਼ਰਮਾ, ਮਨੋਜ ਸ਼ਰਮਾ, ਸੰਜੇ, ਆਨੰਦ, ਸੋਨੂੰ ਰਾਠੌਰ, ਰਾਜਕੁਮਾਰ ਬੈਸ ਵਜੋਂ ਹੋਈ ਹੈ।
उज्जैन के श्री महाकाल मंदिर में आग लगने की घटना के संबंध में मुख्यमंत्री श्री @DrMohanYadav51 जी से बात कर जानकारी ली। स्थानीय प्रशासन घायलों को सहायता व उपचार उपलब्ध करवा रहा है। मैं बाबा महाकाल से घायलों के शीघ्र स्वस्थ होने की कामना करता हूँ।
— Amit Shah (Modi Ka Parivar) (@AmitShah) March 25, 2024
14 ਜ਼ਖਮੀਆਂ ‘ਚੋਂ ਕੁੱਲ 9 ਲੋਕਾਂ ਨੂੰ ਸਵੇਰੇ 9 ਵਜੇ ਤੱਕ ਇੰਦੌਰ ਰੈਫਰ ਕਰ ਦਿੱਤਾ ਗਿਆ ਹੈ। ਉਜੈਨ ਦੇ ਕਮਿਸ਼ਨਰ ਸੰਜੇ ਗੁਪਤਾ ਜ਼ਖਮੀਆਂ ਦਾ ਹਾਲ-ਚਾਲ ਜਾਣਨ ਲਈ ਜ਼ਿਲਾ ਹਸਪਤਾਲ ਪਹੁੰਚੇ। ਕੁਲੈਕਟਰ ਨੀਰਜ ਕੁਮਾਰ ਸਿੰਘ ਨੇ ਕਿਹਾ ਕਿ ਮਾਮਲੇ ਦੀ ਮੈਜਿਸਟ੍ਰੇਟ ਜਾਂਚ ਦੇ ਹੁਕਮ ਦੇ ਦਿੱਤੇ ਗਏ ਹਨ। ਜਾਂਚ ਟੀਮ ਵਿੱਚ ਏਡੀਐਮ ਅਨੁਕਲ ਜੈਨ, ਏਡੀਐਮ ਮ੍ਰਿਣਾਲ ਮੀਨਾ ਸ਼ਾਮਲ ਹਨ ਜੋ ਜਲਦੀ ਹੀ ਰਿਪੋਰਟ ਸੌਂਪਣਗੇ। ਕੁਲੈਕਟਰ ਨੇ ਦੱਸਿਆ ਕਿ ਮੰਦਰ ਵਿੱਚ ਦਰਸ਼ਨ ਪ੍ਰਬੰਧ ਸੁਚਾਰੂ ਢੰਗ ਨਾਲ ਚੱਲ ਰਹੇ ਹਨ।
Fire breaks out during Bhasma Aarti at Ujjain Mahakal temple, 13 injured
Read @ANI Story | https://t.co/i8MbakZApv#UjjainMahakal #fire #MadhyaPradesh pic.twitter.com/YPU8jyfLdw
— ANI Digital (@ani_digital) March 25, 2024
ਪੁਜਾਰੀ ਅਨੀਸ਼ ਸ਼ਰਮਾ ਨੇ ਕਿਹਾ, “ਮਹਾਕਾਲ ਮੰਦਰ ਦੇ ਪਰਿਸਰ ਵਿੱਚ ਰਵਾਇਤੀ ਹੋਲੀ ਮਨਾਈ ਜਾ ਰਹੀ ਸੀ। ਪਾਵਨ ਅਸਥਾਨ ‘ਚ ਗੁਲਾਲ ਦੀ ਵਰਤੋਂ ਕਾਰਨ ਅੱਗ ਲੱਗ ਗਈ। ਮੰਦਰ ਦਾ ਪੁਜਾਰੀ ਜ਼ਖਮੀ ਹੋ ਗਿਆ ਹੈ। ਜ਼ਖਮੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ ਹੈ।” ਸਥਾਨਕ ਮੀਡੀਆ ਰਿਪੋਰਟਾਂ ਮੁਤਾਬਕ ਇਹ ਹਾਦਸਾ ਭਸਮ ਆਰਤੀ ਦੌਰਾਨ ਗੁਲਾਲ ਪਾਉਂਦੇ ਸਮੇਂ ਵਾਪਰਿਆ।
ਗੁਲਾਲ ਪਾਵਨ ਅਸਥਾਨ ‘ਚ ਬਲ ਰਹੇ ਦੀਵੇ ‘ਤੇ ਡਿੱਗਿਆ ਅਤੇ ਉਸ ਨੂੰ ਅੱਗ ਲੱਗ ਗਈ। ਪਾਵਨ ਅਸਥਾਨ ਵਿੱਚ ਫੈਲੇ ਗੁਲਾਲ ਨੂੰ ਅੱਗ ਲੱਗ ਗਈ।
NDTV ਦੀ ਰਿਪੋਰਟ ਮੁਤਾਬਕ ਇਸ ਘਟਨਾ ਨਾਲ ਉੱਥੇ ਮੌਜੂਦ ਲੋਕਾਂ ‘ਚ ਹਫੜਾ-ਦਫੜੀ ਫੈਲ ਗਈ। ਘਟਨਾ ਦੀ ਜਾਣਕਾਰੀ ਦਿੰਦੇ ਹੋਏ ਉਜੈਨ ਦੇ ਕੁਲੈਕਟਰ ਨੀਰਜ ਕੁਮਾਰ ਸਿੰਘ ਨੇ ਦੱਸਿਆ ਕਿ ਅੱਗ ‘ਤੇ ਕਾਬੂ ਪਾ ਲਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਅੱਗ ਲੱਗਣ ਦੀ ਇਸ ਘਟਨਾ ਕਾਰਨ ਲੋਕ ਮਾਮੂਲੀ ਝੁਲਸ ਗਏ ਹਨ। ਕੋਈ ਵੀ ਗੰਭੀਰ ਜ਼ਖਮੀ ਨਹੀਂ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਵਿਸ਼ਵ ਪ੍ਰਸਿੱਧ ਮਹਾਕਾਲੇਸ਼ਵਰ ਦੇ ਵਿਹੜੇ ਵਿੱਚ ਐਤਵਾਰ ਸ਼ਾਮ ਨੂੰ ਹੋਲੀ ਦਾ ਤਿਉਹਾਰ ਸ਼ੁਰੂ ਹੋ ਗਿਆ ਸੀ। ਇੱਥੇ ਸਭ ਤੋਂ ਪਹਿਲਾਂ ਸ਼ਾਮ ਦੀ ਆਰਤੀ ਦੌਰਾਨ ਹਜ਼ਾਰਾਂ ਸ਼ਰਧਾਲੂਆਂ ਨੇ ਬਾਬਾ ਮਹਾਕਾਲ ਨਾਲ ਗੁਲਾਲ ਦੀ ਹੋਲੀ ਖੇਡੀ। ਇਸ ਤੋਂ ਬਾਅਦ ਹੋਲਿਕਾ ਦਹਨ ਕੀਤਾ ਗਿਆ।
