ਬਿਊਰੋ ਰਿਪੋਰਟ : ਇੰਡੋ ਕੈਨੇਡੀਅਨ ਗਾਇਕ ਸ਼ੁੱਭਨੀਤ ਸਿੰਘ ਦੇ ਮੁੰਬਈ ਵਿੱਚ ਪੋਸਟ ਪਾੜ ਦਿੱਤੇ ਗਏ ਹਨ। ਬੀਜੇਪੀ ਦੇ ਵਰਕਰਾਂ ਨੇ ਇਹ ਕੰਮ ਕੀਤਾ ਹੈ ਉਨ੍ਹਾਂ ਨੇ ਚਿਤਾਵਨੀ ਦਿੱਤੀ ਹੈ ਕਿ ਉਹ ਸ਼ੁੱਭਨੀਤ ਦਾ ਸ਼ੋਅ ਮੁੰਬਈ ਵਿੱਚ ਨਹੀਂ ਹੋਣ ਦੇਣਗੇ । ਇਸੇ ਮਹੀਨੇ 23 ਅਤੇ 25 ਸਤੰਬਰ ਨੂੰ ਸ਼ੁੱਭਨੀਤ ਸਿੰਘ ਦਾ ਸ਼ੋਅ ਮੁੰਬਈ ਵਿੱਚ ਹੋਣਾ ਸੀ, ਇਸੇ ਦੇ ਪੋਸਟਰ ਸ਼ਹਿਰ ਵਿੱਚ ਲਗੇ ਸਨ । ਸ਼ੁੱਭਨੀਤ ਇਸ ਵੇਲੇ ਭਾਰਤ ਦੇ ਦੌਰੇ ‘ਤੇ ਹਨ ਅਤੇ ਕਈ ਸ਼ਹਿਰਾਂ ਵਿੱਚ ਉਨ੍ਹਾਂ ਦੇ ਸ਼ੋਅ ਹੋਣ ਜਾ ਰਹੇ ਹਨ । ਬੀਜੇਪੀ ਦਾ ਇਲਜ਼ਾਮ ਹੈ ਕਿ ਉਹ ਖਾਲਿਸਤਾਨ ਦੇ ਹਮਾਇਤੀ ਹਨ ਅਤੇ ਕੁਝ ਮਹੀਨੇ ਪਹਿਲਾਂ ਉਨ੍ਹਾਂ ਨੇ ਸੋਸ਼ਲ ਮੀਡੀਆ ‘ਤੇ ਭਾਰਤ ਖਿਲਾਫ ਕਈ ਪੋਸਟਾਂ ਸ਼ੇਅਰ ਕੀਤੀ ਸੀ ਜਿਸ ਵਿੱਚ ਭਾਰਤ ਦੇ ਨਕਸ਼ੇ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕੀਤਾ ਗਿਆ ਸੀ । ਨਕਸ਼ੇ ਵਿੱਚ ਪੰਜਾਬ ਅਤੇ ਜੰਮੂ-ਕਸ਼ਮੀਰ ਨੂੰ ਕੱਢ ਦਿੱਤਾ ਗਿਆ ਸੀ । ਇਸ ਤੋਂ ਇਲਾਵਾ ਉਹ ਭਾਰਤ ਸਰਕਾਰ ਖਿਲਾਫ ਵੀ ਪੋਸਟ ਸ਼ੇਅਰ ਕਰਦੇ ਰਹਿੰਦੇ ਹਨ ।
ਮੁੰਬਈ ਭਾਰਤੀ ਯੁਵਾ ਮੋਰਚਾ ਨੇ ਸ਼ੁੱਭਨੀਤ ਦੇ ਖਿਲਾਫ ਪੁਲਿਸ ਨੂੰ ਸ਼ਿਕਾਇਤ ਵੀ ਦਿੱਤੀ ਅਤੇ FIR ਦਰਜ ਕਰਨ ਦੀ ਮੰਗ ਵੀ ਕੀਤੀ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਸ਼ੁੱਭਨੀਤ ਵੱਲੋਂ ਜਿਹੜੇ ਪੋਸਟਰ ਸ਼ੇਅਰ ਕੀਤੇ ਜਾ ਰਹੇ ਹਨ ਉਸ ਨਾਲ ਯੂਥ ਨੂੰ ਗਲਤ ਸੁਨੇਹਾ ਜਾ ਰਿਹਾ ਹੈ । ਉਹ ਭਾਰਤ ਵਿਰੋਧੀ ਗਤਿਵਿਦਿਆਂ ਵਿੱਚ ਸ਼ਾਮਲ ਹਨ । ਮੁੰਬਈ ਭਾਰਤੀ ਯੁਵਾ ਮੋਰਚੇ ਦਾ ਕਹਿਣਾ ਹੈ ਕਿ ਅਸੀਂ ਫਿਲਹਾਲ ਸ਼ਾਂਤੀ ਨਾਲ ਪ੍ਰਦਰਸ਼ਨ ਕਰ ਰਹੇ ਹਾਂ ਜੇਕਰ ਸ਼ੋਅ ਦੇ ਪ੍ਰਬੰਧਕਾਂ ਨੇ ਫਿਰ ਵੀ ਸ਼ੋਅ ਕਰਨ ਦੀ ਹਿੰਮਤ ਵਿਖਾਈ ਤਾਂ ਇਸ ਦੇ ਖਿਲਾਫ ਪ੍ਰਦਰਸ਼ਨ ਤੇਜ਼ ਕੀਤਾ ਜਾਵੇਗਾ ਅਤੇ ਕਿਸੇ ਵੀ ਸੂਰਤ ਵਿੱਚ ਸ਼ੋਅ ਨਹੀਂ ਹੋਣ ਦਿੱਤਾ ਜਾਵੇਗਾ ।
ਕੌਣ ਹੈ ਸ਼ੁੱਭਨੀਤ ਸਿੰਘ
ਗਾਇਕ ਸ਼ੁੱਭਨੀਤ ਸਿੰਘ ਇੰਡੋ ਕੈਨੇਡੀਅਨ ਹਨ ਉਹ ਗਾਣੇ ਲਿਖਣ ਦੇ ਨਾਲ ਰੈਪਰ ਵੀ ਹਨ । 2021 ਵਿੱਚ We ROLLI ਗਾਣੇ ਨਾਲ ਕਾਫੀ ਮਸ਼ਹੂਰ ਹੋਏ । ਇਸ ਤੋਂ ਬਾਅਦ ਸ਼ੁੱਭ ਦਾ 2021 ਵਿੱਚ ਹੀ ELEVATED ਅਤੇ 2022 ਵਿੱਚ NO LOVE ਗਾਣਾ ਆਇਆ ਸੀ । ਸ਼ੁੱਭਨੀਤ ਦਾ ਜਨਮ ਨੰਗਰ ਸ਼ਹਿਰ ਵਿੱਚ ਹੋਇਆ ਸੀ,ਪੰਜਾਬ ਵਿੱਚ ਸਕੂਲੀ ਪੜਾਈ ਕਰਨ ਤੋਂ ਬਾਅਦ ਸ਼ੁੱਭਨੀਤ ਕੈਨੇਡਾ ਚੱਲਾ ਗਿਆ ਸੀ । ਰੈਪਰ ਹਨੀ ਸਿੰਘ ਨੇ ਵੀ ਸ਼ੁੱਭਨੀਤ ਦੀ ਗਾਇਕੀ ਦੀ ਤਾਰੀਫ ਕਰਦੇ ਹੋਏ ਉਸ ਨੂੰ ਭਵਿੱਖ ਦਾ ਗਾਇਕ ਦੱਸਿਆ ਸੀ । ਸ਼ੁੱਭਨੀਤ ਦਾ ਭਰਾ ਪੰਜਾਬ ਵਿੱਚ ਮਸ਼ਹੂਰ ਐਂਕਰ ਹੈ ਅਤੇ ਉਸ ਦਾ ਨਾਂ ਹੈ ਰਵਨੀਤ ਸਿੰਘ । ਸ਼ੁੱਭਨੀਤ ਦੇ ਮਾਤਾ ਪਿਤਾ ਦੋਵੇ ਕਾਲਜ ਵਿੱਚ ਪ੍ਰੋਫੈਸਰ ਹਨ ।
