ਬਿਉਰੋ ਰਿਪੋਰਟ : ਭਾਰਤ ਨੇ ਇਤਿਹਾਸ ਰੱਚ ਦਿੱਤਾ ਹੈ । ਚੰਦਰਯਾਨ 3 ਦੇ ਵਿਕਰਮ ਲੈਂਡਰ ਨੇ ਚੰਦਰਮਾ ਦੇ ਸਾਊਥ ਪੋਲ ‘ਤੇ ਸਫਲਤਾ ਨਾਲ ਲੈਂਡਿੰਗ ਕਰ ਲਈ ਹੈ । ਚੰਨ ਦੇ ਇਸ ਹਿੱਸੇ ਵਿੱਚ ਉਤਰਨ ਵਾਲਾ ਭਾਰਤ ਪਹਿਲਾਂ ਦੇਸ਼ ਬਣ ਗਿਆ ਹੈ । ਜਦਕਿ ਚੰਨ ਦੇ ਕਿਸੇ ਵੀ ਹਿੱਸੇ ਵਿੱਚ ਲੈਂਡ ਕਰਨ ਵਾਲਾ ਭਾਰਤ ਚੌਥਾ ਦੇਸ਼ ਬਣ ਗਿਆ ਹੈ । ਇਸ ਤੋਂ ਪਹਿਲਾਂ ਅਮਰੀਕਾ,ਰੂਸ ਅਤੇ ਚੀਨ ਨੇ ਇਹ ਕਾਮਯਾਬੀ ਹਾਸਲ ਕੀਤੀ ਸੀ।
ਹੁਣ ਸਾਰਿਆਂ ਨੂੰ ਵਿਕਰਮ ਲੈਂਡਿੰਗ ਤੋਂ ਪ੍ਰਗਿਆਨ ਰੋਵਲ ਦੇ ਬਾਹਰ ਆਉਣ ਦਾ ਇੰਤਜ਼ਾਰ ਹੈ । ਮਿੱਟੀ ਦਾ ਗੁਬਾਰ ਸ਼ਾਂਤ ਹੋਣ ਦੇ ਬਾਅਦ ਇਹ ਬਾਹਰ ਆਵੇਗਾ । ਵਿਕਰਮ ਅਤੇ ਪ੍ਰਗਿਆਨ ਇੱਕ ਦੂਜੇ ਦੀ ਫੋਟੋ ਖਿੱਚ ਕੇ ਧਰਤੀ ‘ਤੇ ਭੇਜਣਗੇ ।
ਭਾਰਤ ਤੋਂ ਪਹਿਲਾ ਰੂਸ ਦੇ ਨਾਂ ਇਹ ਰਿਕਾਰਡ ਹੋ ਸਕਦਾ ਸੀ । ਰੂਸ ਨੇ ਚੰਨ ਦੇ ਦੱਖਣੀ ਹਿੱਸੇ ਵਿੱਚ ਆਪਣਾ ਲੂਨਾ-25 ਭੇਜਿਆ ਸੀ ਪਰ 21 ਅਗਸਤ ਨੂੰ ਇਸ ਦੀ ਲੈਂਡਿੰਗ ਹੋਣ ਵਾਲੀ ਸੀ ਪਰ ਅਖੀਰਲੇ ਆਰਬਿਟ ਬਦਲ ਦੇ ਸਮੇਂ ਇਹ ਭਟਕ ਗਿਆ ਅਤੇ ਚੰਨ ਦੀ ‘ਤੇ ਕਰੈਸ਼ ਹੋ ਗਿਆ।
ਚੰਦਰਯਾਨ- 3 ਨੇ 20 ਮਿੰਟ ਵਿੱਚ ਚੰਦਰਮਾ ਦੇ ਅੰਤਿਮ ਆਰਬਿਟ ਵਿੱਚ 25 ਕਿਲੋਮੀਟਰ ਦਾ ਸਫਰ ਪੂਰਾ ਕੀਤਾ । ਲੈਂਡਰ ਨੂੰ ਹੋਲੀ-ਹੋਲੀ ਹੇਠਾਂ ਉਤਾਰਿਆ ਗਿਆ । 5 ਵਜਕੇ 30 ਮਿੰਟ ‘ਤੇ ਸ਼ੁਰੂਆਤ ਵਿੱਚ ਰਫ ਲੈਂਡਿੰਗ ਕਾਮਯਾਬ ਰਹੀ ਸੀ । ਇਸ ਦੇ ਬਾਅਦ 5 ਵਜਕੇ 44 ਮਿੰਟ ‘ਤੇ ਲੈਂਡਰ ਨੇ ਵਰਟਿਕਲ ਲੈਂਡਿੰਗ ਕੀਤੀ । ਜਦੋਂ ਚੰਦਰਮਾ ਤੋਂ ਦੂਰੀ 3 ਕਿਲੋਮੀਟਰ ਰਹਿ ਗਈ ਸੀ । ਆਖਿਰਕਾਰ ਲੈਂਡਰ ਨੇ 6 ਵਜਕੇ 4 ਮਿੰਟ ‘ਤੇ ਚੰਨ ‘ਤੇ ਪਹਿਲਾਂ ਕਦਮ ਰੱਖ ਦਿੱਤਾ । ਇਸ ਤਰ੍ਹਾਂ ਚੰਨ ਦੇ ਦੱਖਣੀ ਹਿੱਸੇ ਵਿੱਚ ਲੈਂਡ ਕਰਨ ਵਾਲਾ ਭਾਰਤ ਦੁਨੀਆ ਦਾ ਪਹਿਲਾਂ ਦੇਸ਼ ਬਣ ਗਿਆ ।
ਚੰਦਰਯਾਨ 3 ਆਂਧਰਾ ਪ੍ਰਦੇਸ਼ ਦੇ ਸ੍ਰੀ ਹਰੀਕੋਟਾ ਤੋਂ 14 ਜੁਲਾਈ ਨੂੰ 3 ਵਜਕੇ 35 ਮਿੰਟ ‘ਤੇ ਲਾਂਚ ਹੋਇਆ ਸੀ ਇਸ ਨੂੰ ਚੰਨ ‘ਤੇ ਲੈਂਡ ਕਰਨ ਦੇ ਲਈ 41 ਦਿਨ ਦਾ ਸਮਾਂ ਲੱਗਿਆ । ਧਰਤੀ ਤੋਂ ਦੂਰ ਚੰਨ ਦੀ ਕੁੱਲ ਦੂਰੀ 3 ਲੱਖ 84 ਹਜ਼ਾਰ ਕਿਲੋਮੀਟਰ ਹੈ ।
ਲੈਡਿੰਗ ਤੋਂ ਬਾਅਦ ਹੁਣ ਕੀ ਹੋਵੇਗਾ ?
1. ਡਸਟ ਸੈਟਲ ਹੋਣ ਦੇ ਬਾਅਦ ਵਿਕਰਮ ਚਾਲੂ ਹੋਵੇਗਾ ਅਤੇ ਸਿਗਨਲ ਭੇਜੇਗਾ
2. ਫਿਰ ਰੈਪ ਖੁੱਲਣਗੇ ਅਤੇ ਪ੍ਰਗਿਆਨ ਰੋਵਰ ਰੈਂਪ ਤੋਂ ਚੰਨ ਦੀ ਸਤਿਹ ‘ਤੇ ਆਵੇਗਾ
3 . ਚੰਨ ‘ਤੇ ਲੈਂਡਰ ਦੇ ਟਾਇਰ ਮਿੱਟੀ ‘ਤੇ ਅਸ਼ੋਕ ਸਤੰਭ ਅਤੇ ISRO ਦੀ ਛਾਪ ਛੱਡਣਗੇ ।
4. ਵਿਕਰਮ ਲੈਂਡਰ ਪ੍ਰਗਿਆਨ ਦੀ ਫੋਟੋ ਖਿੱਚ ਕੇ ਪ੍ਰਗਿਆਨ ਵਿਕਰਮ ਦੀ ਧਰਤੀ ‘ਤੇ ਭੇਜੇਗਾ
ਪ੍ਰਧਾਨ ਮੰਤਰੀ ਨੇ ਦੱਸਿਆ ਇਤਿਹਾਸਿਕ ਕਦਮ
ਦੱਖਣੀ ਅਫਰੀਕਾ ਦੇ ਦੌਰੇ ‘ਤੇ ਗਏ ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਇਸ ਇਤਿਹਾਸਿਕ ਮੌਕੇ ਵੀਡੀਓ ਕਾਨਫਰੈਂਸਿੰਗ ਦੇ ਜ਼ਰੀਏ ਜੁੜੇ । ਉਨ੍ਹਾਂ ਨੇ ਕਿਹਾ ਭਾਰਤ ਦੇ ਲਈ ਇਤਿਹਾਸਕ ਮੌਕਾ ਹੈ। ਉਨ੍ਹਾਂ ਕਿਹਾ ਚੰਦਾ ਮਾਮਾ ਹੁਣ ਦੂਰ ਦੇ ਨਹੀਂ ਰਹੇ । ਇੱਕ ਟੂਰ ਦੇ ਹਨ । ਪ੍ਰਧਾਨ ਮੰਤਰੀ ਨੇ ਵਿਗਿਆਨਿਕਾਂ ਨੂੰ ਵਧਾਈ ਦਿੱਤੀ । ਉਨ੍ਹਾਂ ਕਿਹਾ ਇਹ ਇਤਿਹਾਸਕ ਦਿਨ ਭਾਰਤ ਨੂੰ ਨਵੀਂ ਉਰਜਾ ਅਤੇ ਵਿਸ਼ਵਾਸ਼ ਦੇਵੇਗਾ । ਇਹ ਅੰਮ੍ਰਿਤਕਾਲ ਦਾ ਅੰਮ੍ਰਿਤ ਮਹੋਤਸਵ ਹੈ । ਅਸੀਂ ਧਰਤੀ ‘ਤੇ ਇਸ ਦੀ ਯੋਜਨਾ ਬਣਾਈ ਅਤੇ ਚੰਨ ‘ਤੇ ਜਾਕੇ ਪੂਰਾ ਕੀਤਾ । ਅਸੀਂ ਪੁਲਾੜ ‘ਤੇ ਨਵੇਂ ਭਾਰਤ ਦੀ ਉਡਾਨ ਦੇ ਗਵਾਹ ਹਨ ।
ਚੰਦਰਾਯਾਨ 3 ਅਹਿਮ ਕਿਉਂ ?
ਚੰਦਰਯਾਨ 3 ਸਿਰਫ ਭਾਰਤ ਲਈ ਨਹੀਂ ਬਲਕਿ ਪੂਰੀ ਦੁਨੀਆ ਦੇ ਲਈ ਅਹਿਮ ਹੈ । ਲੈਂਡਰ ਚੰਦਰਮਾ ਦੇ ਅਜਿਹੇ ਖੇਤਰ ਵਿੱਚ ਪਹੁੰਚਿਆ ਹੈ ਜਿਸ ਬਾਰੇ ਹਾਲੇ ਜਾਣਾਕਰੀ ਨਹੀਂ ਹੈ । ਇਸ ਮਿਸ਼ਨ ਨਾਲ ਧਰਤੀ ਦੇ ਇਕਲੌਤੇ ਕੁਦਰਤੀ ਸੈਟਲਾਈਟ ਬਾਰੇ ਸਮਝਣ ਵਿੱਚ ਵਾਧਾ ਕਰੇਗਾ । ਇਹ ਸਿਰਫ ਚੰਦਰਮਾ ਹੀ ਨਹੀਂ ਬਲਕਿ ਹੋਰ ਗ੍ਰਹਿ ਬਾਰੇ ਵੀ ਭਵਿੱਖ ਵਿੱਚ ਹੋਣ ਵਾਲੀਆਂ ਖੋਜਾਂ ਲਈ ਰਾਹ ਖੋਲ੍ਹੇਗਾ।
