ਨਵੀਂ ਦਿੱਲੀ : ਯੂਟਿਊਬ ਨੇ ਜੁਲਾਈ-ਸਤੰਬਰ ਤਿਮਾਹੀ ਦੌਰਾਨ ਕੰਪਨੀ ਦੇ ਕਮਿਊਨਿਟੀ ਦਿਸ਼ਾ-ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਲਈ ਭਾਰਤ ਵਿੱਚ 1.7 ਮਿਲੀਅਨ ਵੀਡੀਓਜ਼ ਨੂੰ ਹਟਾ ਦਿੱਤਾ ਹੈ। ਗੂਗਲ ਦੀ ਮਲਕੀਅਤ ਵਾਲੀ ਕੰਪਨੀ ਨੇ ਮੰਗਲਵਾਰ ਨੂੰ ਇਸ ਦੀ ਜਾਣਕਾਰੀ ਦਿੱਤੀ ਹੈ । 2022 ਦੀ ਤੀਜੀ ਤਿਮਾਹੀ ਲਈ ਯੂਟਿਊਬ ਦੀ ਇਨਫੋਰਸਮੈਂਟ ਰਿਪੋਰਟ ਦੇ ਅਨੁਸਾਰ, ਜੁਲਾਈ ਅਤੇ ਸਤੰਬਰ 2022 ਦੇ ਵਿਚਕਾਰ YouTube ਦੇ ਕਮਿਊਨਿਟੀ ਦਿਸ਼ਾ ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਲਈ 1.7 ਮਿਲੀਅਨ ਵੀਡੀਓਜ਼ ਨੂੰ ਹਟਾ ਦਿੱਤਾ ਗਿਆ ਹੈ।
ਵਿਸ਼ਵ ਪੱਧਰ ‘ਤੇ, ਯੂਟਿਊਬ ਨੇ ਇਨ੍ਹਾਂ ਦਿਸ਼ਾ-ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਲਈ ਆਪਣੇ ਪਲੇਟਫਾਰਮ ਤੋਂ 5.6 ਮਿਲੀਅਨ ਵੀਡੀਓ ਹਟਾ ਦਿੱਤੇ ਗਏ ਹਨ। ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਮਸ਼ੀਨ ਦੁਆਰਾ ਫੜੇ ਗਏ 36 ਫੀਸਦੀ ਵੀਡੀਓਜ਼ ਨੂੰ ਤੁਰੰਤ ਡਿਲੀਟ ਕਰ ਦਿੱਤਾ ਗਿਆ। ਯਾਨੀ ਉਨ੍ਹਾਂ ਨੂੰ ਇੱਕ ਵੀ ‘view’ ਨਹੀਂ ਮਿਲਿਆ। ਇਸ ਦੇ ਨਾਲ ਹੀ 31 ਫੀਸਦੀ ਵੀਡੀਓਜ਼ ਨੂੰ ਇਕ ਤੋਂ 10 ‘ਵਿਊਜ਼’ ਦੇ ਵਿਚਕਾਰ ਹਟਾ ਦਿੱਤਾ ਗਿਆ। ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਪਲੇਟਫਾਰਮ ਦੁਆਰਾ ਦਿਸ਼ਾ ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਲਈ 73.7 ਕਰੋੜ ਕੁਮੈਂਟਾਂ ਨੂੰ ਵੀ ਹਟਾ ਦਿੱਤਾ ਗਿਆ ਹੈ।
ਇਸ ਤੋਂ ਪਹਿਲਾਂ, ਯੂਟਿਊਬ ਨੇ ਭਾਰਤ ਵਿੱਚ 2022 ਦੇ ਪਹਿਲੇ ਤਿੰਨ ਮਹੀਨਿਆਂ ਵਿੱਚ 11 ਲੱਖ ਤੋਂ ਵੱਧ ਵੀਡੀਓਜ਼ ਨੂੰ ਡਿਲੀਟ ਕੀਤਾ ਸੀ। ਇਸ ਤੋਂ ਇਲਾਵਾ, ਯੂਟਿਊਬ ਨੇ 2022 ਦੀ ਪਹਿਲੀ ਤਿਮਾਹੀ ਵਿੱਚ ਕਮਿਊਨਿਟੀ ਦਿਸ਼ਾ-ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਲਈ 4.4 ਮਿਲੀਅਨ ਤੋਂ ਵੱਧ ਅਕਾਊਂਟ ਨੂੰ ਵੀ ਡਿਲੀਟ ਕਰ ਦਿੱਤਾ ਹੈ।
ਇਹਨਾਂ ਵਿੱਚੋਂ ਜ਼ਿਆਦਾਤਰ ਚੈਨਲਾਂ ਨੂੰ ਕੰਪਨੀ ਦੀਆਂ ਸਪੈਮ ਨੀਤੀਆਂ ਦੀ ਉਲੰਘਣਾ ਕਰਨ ਕਰਕੇ ਹਟਾ ਦਿੱਤਾ ਗਿਆ ਸੀ। ਰਿਪੋਰਟ ਮੁਤਾਬਿਕ ਗੂਗਲ ਦੀ ਕੰਪਨੀ ਯੂਟਿਊਬ ਤੋਂ 90% ਤੋਂ ਜ਼ਿਆਦਾ ਵੀਡੀਓਜ਼ ਨੂੰ ਫਰਜ਼ੀ ਹੋਣ ਕਾਰਨ ਹਟਾ ਦਿੱਤਾ ਗਿਆ ਸੀ।
ਇਸ ਦੇ ਨਾਲ ਹੀ, ਯੂਟਿਊਬ ‘ਤੇ ਹਿੰਸਕ ਸਮੱਗਰੀ ਪੋਸਟ ਕਰਨ, ਸੁਰੱਖਿਆ ਅਤੇ ਗੋਪਨੀਯਤਾ ਦਿਸ਼ਾ-ਨਿਰਦੇਸ਼ਾਂ ਨੂੰ ਹਟਾਉਣ ਕਾਰਨ ਕਈ ਵੀਡੀਓਜ਼ ਨੂੰ ਵੀ ਹਟਾ ਦਿੱਤਾ ਗਿਆ ਸੀ। YouTube ਨੇ ਉਸ ਸਮਗਰੀ ਨੂੰ ਹਟਾ ਦਿੱਤਾ ਹੈ ਜੋ ਦੁਬਾਰਾ ਪੋਸਟ ਕੀਤੀ ਗਈ ਸੀ, ਵਾਰ-ਵਾਰ ਨਿਸ਼ਾਨਾ ਬਣਾਇਆ ਗਿਆ ਸੀ।
ਕੁਝ ਚੈਨਲ ਜਾਂ ਵੀਡੀਓ ਉਪਭੋਗਤਾਵਾਂ ਨੂੰ ਕੁਝ ਹੋਰ ਦੇਣ ਦਾ ਵਾਅਦਾ ਕਰਦੇ ਹਨ, ਅਤੇ ਫਿਰ ਉਹਨਾਂ ਨੂੰ ਕਿਸੇ ਹੋਰ ਸਾਈਟ ਤੇ ਰੀਡਾਇਰੈਕਟ ਕੀਤਾ ਜਾਂਦਾ ਹੈ, ਤਾਂ ਜੋ ਉਹਨਾਂ ਨੂੰ ਕਲਿੱਕ ਮਿਲੇ, ਅਤੇ ਉਹ ਇਸ ਤੋਂ ਪੈਸੇ ਕਮਾ ਸਕਣ।
