ਚੰਡੀਗੜ੍ਹ : ਚੰਡੀਗੜ੍ਹ ਯੂਨੀਵਰਸਿਟੀ ਦੀ ਵਾਇਰਲ ਹੋਈ ਵੀਡੀਓ(Chandigarh University MMS Case) ਦੇ ਮਾਮਲੇ ‘ਚ ਪੁਲਿਸ ਨੂੰ ਇੱਕ ਹੌਰ ਖੁਲਾਸਾ ਹੋਇਆ ਹੈ। ਇਸ ਮਾਮਲੇ ਵਿੱਚ ਚੌਥਾ ਸ਼ੱਕੀ ਵਿਅਕਤੀ ਹੁਸ਼ਿਆਰਪੁਰ ਦਾ ਫੌਜੀ ਜਵਾਨ ਨਿਕਲਿਆ। ਮੁਕੇਰੀਆ ਦਾ ਰਹਿਣ ਵਾਲਾ ਮੋਹਿਤ ਨਾਮ ਦਾ ਵਿਅਕਤੀ ਜੰਮੂ ਯੂਨਿਟ ਵਿੱਚ ਫੌਜੀ ਹੈ। ਇਸ ਖ਼ਬਰ ਦਾ ਖੁਲਾਸਾ ਨਿਊਜ-18 ਨੇ ਕੀਤਾ ਹੈ। ਜਿਸ ਦੀ ਰਿਪੋਰਟ ਮੁਤਾਬਿਕ ਪੁਲਿਸ ਮੋਹਿਤ ਕੁਮਾਰ ਦੀ ਵੀ ਭਾਲ ਕਰ ਰਹੀ ਸੀ। ਜਦੋਂ ਪੁਲਿਸ ਉਸ ਦੇ ਘਰ ਪਹੁੰਚੀ ਤਾਂ ਪਤਾ ਲੱਗਾ ਕਿ ਉਹ ਫੌਜ ‘ਚ ਤਾਇਨਾਤ ਸੀ। ਜਦੋਂ ਵਾਰਡਨ ਮੁਲਜ਼ਮ ਲੜਕੀ ਤੋਂ ਵੀਡੀਓ ਬਾਰੇ ਪੁੱਛਗਿੱਛ ਕਰ ਰਿਹਾ ਸੀ ਤਾਂ ਲੜਕੀ ਨੂੰ ਵਾਰ-ਵਾਰ ਮੋਬਾਇਲ ਨੰਬਰ 6269275576 ਤੋਂ ਕਾਲਾਂ ਆ ਰਹੀਆਂ ਸਨ, ਜਿਸ ‘ਤੇ ਕਥਿਤ ਤੌਰ ‘ਤੇ ਸ਼ਿਮਲਾ ਤੋਂ ਗ੍ਰਿਫਤਾਰ ਕੀਤਾ ਰੰਕਜ ਵਰਮਾ ਦੀ ਡੀ.ਪੀ. ਲੱਗੀ ਹੋਈ ਸੀ, ਇਸ ਨੰਬਰ ‘ਤੇ ਮੁਲਜ਼ਮ ਨਾਲ ਲਗਾਤਾਰ ਚੈਟ ਕਰ ਰਿਹਾ ਸੀ ਅਤੇ ਉਹ ਲੜਕੀ ਨੂੰ ਵੀਡੀਓ ਡਿਲੀਟ ਕਰਨ ਦੀ ਧਮਕੀ ਦੇ ਰਿਹਾ ਸੀ। ਇਹ ਨੰਬਰ ਮੋਹਿਤ ਦੀ ਆਈਡੀ ‘ਤੇ ਚੱਲ ਰਿਹਾ ਸੀ।
ਆਰਮੀ ਇੰਟੈਲੀਜੈਂਸ ਪੁੱਛਗਿੱਛ ਕਰ ਰਹੀ ਹੈ
ਮੋਹਿਤ ਦੀ ਪਛਾਣ ਤੋਂ ਬਾਅਦ ਹੁਣ ਆਰਮੀ ਇੰਟੈਲੀਜੈਂਸ ਉਸ ਤੋਂ ਪੁੱਛਗਿੱਛ ਕਰ ਰਹੀ ਹੈ। ਆਰਮੀ ਇੰਟੈਲੀਜੈਂਸ ਜਾਂਚ ਕਰ ਰਹੀ ਹੈ ਕਿ ਇਸ ਮਾਮਲੇ ‘ਚ ਮੋਹਿਤ ਦੀ ਕੀ ਭੂਮਿਕਾ ਸੀ। ਇੱਥੇ ਪੰਜਾਬ ਪੁਲਿਸ ਹੁਣ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਆਰਮੀ ਦੇ ਜਵਾਨ ਨਾਲ ਮੁਲਜ਼ਮ ਲੜਕੀ ਦੇ ਸਬੰਧ ਕਿਵੇਂ ਬਣੇ। ਉਹ ਲੜਕੀ ਨੂੰ ਵਾਰ-ਵਾਰ ਵੀਡੀਓ ਡਿਲੀਟ ਕਰਨ ਲਈ ਕਿਉਂ ਕਹਿ ਰਿਹਾ ਸੀ। ਜੰਮੂ ਪੁਲਿਸ ਮੁਲਜ਼ਮ ਮੋਹਿਤ ਤੋਂ ਵੀ ਪੁੱਛਗਿੱਛ ਕਰ ਰਹੀ ਹੈ।
ਵੀਡੀਓ ਸਕੈਂਡਲ ‘ਚ ਰੰਕਜ ਦੀ ਡੀ.ਪੀ
ਵੀਡੀਓ ਲੀਕ ਮਾਮਲੇ ਵਿੱਚ, ਸ਼ੱਕੀ ਰੰਕਜ ਵਰਮਾ ਦੇ ਭਰਾ ਨੇ ਦਾਅਵਾ ਕੀਤਾ ਸੀ ਕਿ ਰੰਕਜ ਸ਼ੱਕੀ ਸੰਨੀ ਮਹਿਤਾ ਨੂੰ ਨਹੀਂ ਜਾਣਦਾ ਹੈ ਅਤੇ ਰੰਕਜ ਦੀ ਡਿਸਪਲੇ ਤਸਵੀਰ ਦੀ ਵੀਡੀਓ ਸ਼ੇਅਰ ਕਰਨ ਲਈ ਇੱਕ ਅਣਜਾਣ ਨੰਬਰ ਦੁਆਰਾ ਦੁਰਵਰਤੋਂ ਕੀਤੀ ਗਈ ਸੀ। ਭਰਾ ਨੇ ਮੀਡੀਆ ਨੂੰ ਦਿੱਤੇ ਬਿਆਨ ਵਿੱਚ ਕਿਹਾ ਕਿ ਉਸਨੇ 18 ਸਤੰਬਰ ਨੂੰ ਆਪਣੀ ਡਿਸਪਲੇਅ ਤਸਵੀਰ ਦੀ ਵਰਤੋਂ ਕਰਕੇ ਫੋਨ ਨੰਬਰ ਟਰੇਸ ਕਰਨ ਲਈ ਪੁਲਿਸ ਕੋਲ ਪਹੁੰਚ ਕੀਤੀ ਸੀ। ਦੋਸ਼ ਲਗਾਇਆ ਜਾ ਰਿਹਾ ਹੈ ਕਿ ਰੰਕਜ ਵਰਮਾ ਸੰਨੀ ਤੋਂ ਮਿਲੇ ਵੀਡੀਓ ਨੂੰ ਹੋਰਾਂ ਨੂੰ ਫਾਰਵਰਡ ਕਰਦਾ ਸੀ। ਪੁਲਿਸ ਨੂੰ ਜਾਂਚ ਕਰਨੀ ਚਾਹੀਦੀ ਹੈ ਕਿ ਇਹ ਵੀਡੀਓ ਕਿਸ ਫ਼ੋਨ ਨੰਬਰ ‘ਤੇ ਭੇਜੇ ਗਏ ਸਨ। ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਜਾਂਚ ਤੋਂ ਬਾਅਦ ਫੋਰੈਂਸਿਕ ਡਾਟਾ ਨਾਲ ਜਾਂਚ ਦੀ ਪੁਸ਼ਟੀ ਕੀਤੀ ਜਾਵੇਗੀ।
