LPG Price Cut: ਤੇਲ ਮਾਰਕੀਟਿੰਗ ਕੰਪਨੀਆਂ ਨੇ ਮਹਿੰਗਾਈ ਤੋਂ ਰਾਹਤ ਦਿੰਦੇ ਹੋਏ LPG ਸਿਲੰਡਰਾਂ ਦੀਆਂ ਕੀਮਤਾਂ ਕਟੌਤੀ ਕਰ ਦਿੱਤੀ ਦਰਅਸਲ, 19 ਕਿਲੋਗ੍ਰਾਮ ਵਾਲੇ ਵਪਾਰਕ (ਕਮਰਸ਼ੀਅਲ) ਐੱਲ. ਪੀ. ਜੀ. ਸਿਲੰਡਰਾਂ ਦੀਆਂ ਕੀਮਤਾਂ ਘੱਟ ਗਈਆਂ ਹਨ। 1 ਨਵੰਬਰ ਤੋਂ ਵਪਾਰਕ ਗੈਸ ਸਿਲੰਡਰ 5 ਰੁਪਏ ਸਸਤਾ ਹੋ ਗਿਆ ਹੈ।
ਦਰਅਸਲ, ਪਿਛਲੇ ਮਹੀਨੇ, ਅਕਤੂਬਰ ਵਿੱਚ, ਵਪਾਰਕ ਸਿਲੰਡਰਾਂ ਦੀ ਕੀਮਤ ਵਿੱਚ ਲਗਭਗ 15 ਰੁਪਏ ਦਾ ਵਾਧਾ ਕੀਤਾ ਗਿਆ ਸੀ, ਜਿਸ ਨਾਲ ਹੋਟਲਾਂ, ਰੈਸਟੋਰੈਂਟਾਂ ਅਤੇ ਛੋਟੇ ਕਾਰੋਬਾਰਾਂ ‘ਤੇ ਮਹਿੰਗਾਈ ਦਾ ਬੋਝ ਵਧ ਗਿਆ ਸੀ। ਹਾਲਾਂਕਿ, ਨਵੰਬਰ ਦੇ ਸ਼ੁਰੂ ਵਿੱਚ, ਸਰਕਾਰ ਨੇ 19 ਕਿਲੋਗ੍ਰਾਮ ਵਪਾਰਕ ਸਿਲੰਡਰਾਂ ਦੀ ਕੀਮਤ ₹4.5 ਘਟਾ ਕੇ ₹6.5 ਕਰ ਕੇ ਕੁਝ ਰਾਹਤ ਦਿੱਤੀ। ਇੰਡੀਅਨ ਆਇਲ ਦੀ ਵੈੱਬਸਾਈਟ ਦੇ ਅਨੁਸਾਰ, ਦਿੱਲੀ ਵਿੱਚ 19 ਕਿਲੋਗ੍ਰਾਮ ਵਪਾਰਕ ਗੈਸ ਸਿਲੰਡਰ ਦੀ ਕੀਮਤ ਹੁਣ ₹1590.50 ਹੈ। ਇਹ ਪਿਛਲੇ ਮਹੀਨੇ ਨਾਲੋਂ ₹5 ਘੱਟ ਹੈ, ਜਦੋਂ ਕੀਮਤ ₹1595.50 ਪ੍ਰਤੀ ਸਿਲੰਡਰ ਸੀ।
ਕੋਲਕਾਤਾ ਵਿੱਚ ਸਭ ਤੋਂ ਵੱਡੀ ਕਟੌਤੀ
ਕੋਲਕਾਤਾ ਵਿੱਚ ਵਪਾਰਕ ਸਿਲੰਡਰਾਂ ਦੀ ਕੀਮਤ ਸਭ ਤੋਂ ਵੱਧ ₹6.5 ਘਟਾ ਦਿੱਤੀ ਗਈ ਹੈ। 19 ਕਿਲੋਗ੍ਰਾਮ ਸਿਲੰਡਰ ਹੁਣ ਇੱਥੇ ₹1694 ਵਿੱਚ ਉਪਲਬਧ ਹੈ, ਜੋ ਅਕਤੂਬਰ ਵਿੱਚ ₹1700.50 ਸੀ। ਇਸ ਤੋਂ ਇਲਾਵਾ, ਮੁੰਬਈ ਵਿੱਚ 19 ਕਿਲੋਗ੍ਰਾਮ LPG ਸਿਲੰਡਰ ਦੀ ਨਵੀਂ ਦਰ ₹1542 ਹੈ, ਜੋ ਪਿਛਲੇ ਮਹੀਨੇ ਨਾਲੋਂ ₹5 ਘੱਟ ਹੈ। ਜਦੋਂ ਕਿ ਚੇਨਈ ਵਿੱਚ ਇਸਦੀ ਕੀਮਤ 1750 ਰੁਪਏ ਰੱਖੀ ਗਈ ਹੈ, ਜੋ ਕਿ ਅਕਤੂਬਰ ਦੇ ਮੁਕਾਬਲੇ 4.5 ਰੁਪਏ ਘੱਟ ਹੈ।
ਘਰੇਲੂ ਸਿਲੰਡਰ ਦੀਆਂ ਕੀਮਤਾਂ ’ਤ ਨਹੀਂ ਹੋਇਆ ਕੋਈ ਬਦਲਾਅ
ਜਦੋਂ ਕਿ ਵਪਾਰਕ ਸਿਲੰਡਰ ਸਸਤੇ ਹੋ ਗਏ ਹਨ, ਪਰ ਆਮ ਖਪਤਕਾਰਾਂ ਲਈ ਰਸੋਈ ਗੈਸ ਦੀਆਂ ਕੀਮਤਾਂ ਵਿੱਚ ਕੋਈ ਰਾਹਤ ਨਹੀਂ ਮਿਲੀ ਹੈ। 14.2 ਕਿਲੋਗ੍ਰਾਮ ਘਰੇਲੂ ਐਲਪੀਜੀ ਸਿਲੰਡਰ ਦੀ ਕੀਮਤ ਅਪ੍ਰੈਲ 2025 ਤੋਂ ਸਥਿਰ ਰਹੀ ਹੈ।
