ਬਿਊਰੋ ਰਿਪੋਰਟ (28 ਅਕਤੂਬਰ, 2025): ਪੰਜਾਬ ਨੇ ਸ਼ਤਰੰਜ ਵਿੱਚ ਇੱਕ ਨਵਾਂ ਮੀਲ ਪੱਥਰ ਹਾਸਲ ਕੀਤਾ ਹੈ, ਜਦੋਂ ਜਲੰਧਰ ਦਾ ਨਮਿਤਬੀਰ ਸਿੰਘ ਵਾਲੀਆ (Namitbir Singh Walia) ਸੂਬੇ ਦੇ ਇਤਿਹਾਸ ਵਿੱਚ ਦੂਜਾ ਅੰਤਰਰਾਸ਼ਟਰੀ ਮਾਸਟਰ (International Master – IM) ਬਣ ਗਿਆ ਹੈ।
ਵਾਲੀਆ ਨੇ ਇਹ ਪ੍ਰਾਪਤੀ ਫਰਾਂਸ ਵਿੱਚ ਹੋਏ ਤੀਸਰੇ ਐਨੀਮੇਸ ਇੰਟਰਨੈਸ਼ਨਲ ਮਾਸਟਰਜ਼ ਟੂਰਨਾਮੈਂਟ ਵਿੱਚ ਆਪਣਾ ਆਖਰੀ IM ਨੌਰਮ ਹਾਸਲ ਕਰਕੇ ਕੀਤੀ, ਜਿੱਥੇ ਉਹ ਸਮੁੱਚੇ ਤੌਰ ’ਤੇ ਚੌਥੇ ਸਥਾਨ ’ਤੇ ਰਿਹਾ।
ਉਸ ਦੇ ਕੋਚ ਕੰਵਰਜੀਤ ਸਿੰਘ (Kanwarjit Singh) ਨੇ ਫੇਸਬੁੱਕ ’ਤੇ ਇੱਕ ਪੋਸਟ ਰਾਹੀਂ ਇਸ ਮਹਾਨ ਪ੍ਰਾਪਤੀ ਦਾ ਐਲਾਨ ਕੀਤਾ।
ਇਹ ਉਪਲੱਬਧੀ ਜਲੰਧਰ ਦੇ ਹੀ ਦੂਸ਼ਿਅੰਤ ਸ਼ਰਮਾ ਤੋਂ ਲਗਭਗ ਚਾਰ ਸਾਲ ਬਾਅਦ ਆਈ ਹੈ, ਜਿਨ੍ਹਾਂ ਨੇ 1 ਫਰਵਰੀ 2022 ਨੂੰ ਪੰਜਾਬ ਦਾ ਪਹਿਲਾ ਇੰਟਰਨੈਸ਼ਨਲ ਮਾਸਟਰ ਬਣ ਕੇ ਇਤਿਹਾਸ ਰਚਿਆ ਸੀ। ਸ਼ਰਮਾ ਨੇ ਰੂਸ ਦੇ IM ਆਰਟੇਮ ਸਾਡੋਵਸਕੀ (IM Artem Sadovsky) ਨੂੰ ਹਰਾ ਕੇ 2,400 ਰੇਟਿੰਗ ਦਾ ਅੰਕੜਾ ਪਾਰ ਕੀਤਾ ਸੀ।
ਨਮਿਤਬੀਰ ਵਾਲੀਆ ਦੀ ਇਸ ਪ੍ਰਾਪਤੀ ਨਾਲ ਪੰਜਾਬ ਦੇ ਸ਼ਤਰੰਜ ਖੇਡ ਜਗਤ ਨੂੰ ਵੱਡਾ ਹੁਲਾਰਾ ਮਿਲਿਆ ਹੈ।
