ਬਿਊਰੋ ਰਿਪੋਰਟ: ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਛੱਤੀਸਗੜ੍ਹ ਦੇ ਭਿਲਾਈ ਵਿੱਚ ਸਾਬਕਾ ਮੁੱਖ ਮੰਤਰੀ ਭੂਪੇਸ਼ ਬਘੇਲ ਦੇ ਪੁੱਤਰ ਚੈਤਨਿਆ ਬਘੇਲ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ। ਨਿਊਜ਼ ਏਜੰਸੀ ਏਐਨਆਈ ਦੇ ਅਨੁਸਾਰ, ਇਹ ਗ੍ਰਿਫ਼ਤਾਰੀ ਸ਼ਰਾਬ ਘੁਟਾਲੇ ਨਾਲ ਸਬੰਧਤ ਮਨੀ ਲਾਂਡਰਿੰਗ ਮਾਮਲੇ ਵਿੱਚ ਕੀਤੀ ਗਈ ਹੈ। ਹਾਲਾਂਕਿ, ਇਸਦੀ ਅਧਿਕਾਰਤ ਤੌਰ ’ਤੇ ਪੁਸ਼ਟੀ ਨਹੀਂ ਹੋਈ ਹੈ।
ਈਡੀ ਨੇ ਚੈਤਨਿਆ ਬਘੇਲ ਨੂੰ ਰਾਏਪੁਰ ਦੀ ਵਿਸ਼ੇਸ਼ ਅਦਾਲਤ ਵਿੱਚ ਪੇਸ਼ ਕੀਤਾ। ਅਦਾਲਤ ਨੇ ਚੈਤਨਿਆ ਨੂੰ 5 ਦਿਨਾਂ ਦੇ ਈਡੀ ਰਿਮਾਂਡ ’ਤੇ ਭੇਜ ਦਿੱਤਾ ਹੈ। ਈਡੀ ਦੀ ਟੀਮ ਰਾਏਪੁਰ ਦਫ਼ਤਰ ਵਿੱਚ ਚੈਤਨਿਆ ਤੋਂ ਪੁੱਛਗਿੱਛ ਕਰੇਗੀ। ਇਸ ਦੌਰਾਨ, ਕਾਂਗਰਸ ਦੇ ਸਾਰੇ ਵੱਡੇ ਆਗੂ ਭੂਪੇਸ਼ ਬਘੇਲ ਦੇ ਬੰਗਲੇ ਵਿੱਚ ਮੀਟਿੰਗ ਲਈ ਰਵਾਨਾ ਹੋ ਗਏ ਹਨ।
ਭੁਪੇਸ਼ ਬਘੇਲ ਨੇ X ’ਤੇ ਪੋਸਟ ਕੀਤਾ ਅਤੇ ਲਿਖਿਆ- ED ਆ ਗਿਆ ਹੈ। ਅੱਜ ਵਿਧਾਨ ਸਭਾ ਸੈਸ਼ਨ ਦਾ ਆਖਰੀ ਦਿਨ ਹੈ। ਅਡਾਨੀ ਲਈ ਤਮਨਾਰ ਵਿੱਚ ਕੱਟੇ ਜਾ ਰਹੇ ਦਰੱਖਤਾਂ ਦਾ ਮੁੱਦਾ ਅੱਜ ਉਠਾਇਆ ਜਾਣਾ ਸੀ। ‘ਸਾਹਿਬ’ ਨੇ ਭਿਲਾਈ ਰਿਹਾਇਸ਼ ’ਤੇ ED ਭੇਜ ਦਿੱਤਾ ਹੈ।
ਵਿਧਾਨ ਸਭਾ ਜਾਂਦੇ ਸਮੇਂ ਭੁਪੇਸ਼ ਬਘੇਲ ਨੇ ਕਿਹਾ- ਪਿਛਲੀ ਵਾਰ ਮੇਰੇ ਜਨਮਦਿਨ ’ਤੇ ਈਡੀ ਭੇਜੀ ਗਈ ਸੀ। ਇਸ ਵਾਰ ਮੇਰੇ ਪੁੱਤਰ ਦੇ ਜਨਮਦਿਨ ’ਤੇ ਮੋਦੀ-ਸ਼ਾਹ ਨੇ ਆਪਣੇ ਮਾਲਕ ਨੂੰ ਖੁਸ਼ ਕਰਨ ਲਈ ਈਡੀ ਭੇਜੀ ਹੈ। ਭੁਪੇਸ਼ ਬਘੇਲ ਨਾ ਤਾਂ ਝੁਕੇਗਾ ਅਤੇ ਨਾ ਹੀ ਡਰੇਗਾ। ਅੱਜ ਅਡਾਨੀ ਦਾ ਮੁੱਦਾ ਵਿਧਾਨ ਸਭਾ ਵਿੱਚ ਉਠਾਇਆ ਜਾਵੇਗਾ, ਇਸੇ ਲਈ ਈਡੀ ਭੇਜੀ ਗਈ ਹੈ।
जन्मदिन का जैसा तोहफ़ा मोदी और शाह जी देते हैं वैसा दुनिया के किसी लोकतंत्र में और कोई नहीं दे सकता।
मेरे जन्मदिन पर दोनों परम आदरणीय नेताओं ने मेरे सलाहकार और दो ओएसडी के घरों पर ईडी भेजी थी।
और अब मेरे बेटे चैतन्य के जन्मदिन पर मेरे घर पर ईडी की टीम छापामारी कर रही है।
इन…
— Bhupesh Baghel (@bhupeshbaghel) July 18, 2025
ਰਾਜਾ ਵੜਿੰਗ ਨੇ ਜਤਾਇਆ ਰੋਸ
ਇਸ ਮਾਮਲੇ ਸਬੰਧੀ ਪੋਸਟ ਸ਼ੇਅਰ ਕਰਦਿਆਂ ਪੰਜਾਬ ਕਾਂਗਰਸ ਪ੍ਰਧਾਨ ਰਾਜਾ ਵੜਿੰਗ ਨੇ ਕਿਹਾ ਕਿ ਹਰ ਚੀਜ਼ ਦੀ ਇੱਕ ਸੀਮਾ ਹੁੰਦੀ ਹੈ ਪਰ ਵਿਰੋਧੀ ਆਗੂਆਂ ਨੂੰ ਈਡੀ ਵੱਲੋਂ ਤੰਗ ਕਰਨ ਦੀ ਕੋਈ ਸੀਮਾ ਨਹੀਂ। ਉਨ੍ਹਾਂ ਕਿਹਾ ਕਿ ਈਡੀ ਵੱਲੋਂ ਸੀਨੀਅਰ ਕਾਂਗਰਸ ਆਗੂ ਅਤੇ ਛੱਤਤੀਸਗੜ੍ਹ ਦੇ ਪੂਰਵ ਮੁੱਖ ਮੰਤਰੀ ਦੀਆਂ ਰਹਾਇਸ਼ਾਂ ਅਤੇ ਹੋਰ ਥਾਵਾਂ ’ਤੇ ਛਾਪੇਮਾਰੀ ਨੂੰ ਇੱਕ ਨਿਯਮਤ ਕਾਰਵਾਈ ਬਣਾਏ ਜਾਣਾ ਹੈਰਾਨੀਜਨਕ ਹੈ। ਵੜਿੰਗ ਨੇ ਕਿਹਾ ਕਿ ਅਸੀਂ ਭਗੇਲ ਸਾਹਿਬ ਦੇ ਨਾਲ ਏਕਤਾ ਵਿੱਚ ਖੜ੍ਹੇ ਹਾਂ।
There’s a limit to everything but not to the ED’s harassment of the opposition leaders.
It is surprising the way the ED has made it a periodical exercise to carry out raids on the residences and other premises associated with the senior @INCIndia leader and former Chhattisgarh…
— Amarinder Singh Raja Warring (@RajaBrar_INC) July 18, 2025
