ਮੈਕਸੀਕੋ ਦੇ ਗੁਆਨਾਜੁਆਟੋ ਰਾਜ ਦੇ ਇਰਾਪੁਆਟੋ ਸ਼ਹਿਰ ਵਿੱਚ ਮੰਗਲਵਾਰ ਰਾਤ ਸੇਂਟ ਜੌਨ ਦ ਬੈਪਟਿਸਟ ਤਿਉਹਾਰ ਦੌਰਾਨ ਭਿਆਨਕ ਗੋਲੀਬਾਰੀ ਹੋਈ। ਇਸ ਹਮਲੇ ਵਿੱਚ 12 ਲੋਕਾਂ ਦੀ ਮੌਤ ਹੋ ਗਈ ਅਤੇ 20 ਦੇ ਕਰੀਬ ਜ਼ਖਮੀ ਹੋਏ। ਮਰਨ ਵਾਲਿਆਂ ਵਿੱਚ 8 ਪੁਰਸ਼, 2 ਔਰਤਾਂ ਅਤੇ ਇੱਕ 17 ਸਾਲ ਦਾ ਨਾਬਾਲਗ ਸ਼ਾਮਲ ਹੈ। ਸਥਾਨਕ ਪ੍ਰਸ਼ਾਸਨ ਅਨੁਸਾਰ, ਲੋਕ ਸੜਕ ‘ਤੇ ਨੱਚ-ਗਾ ਕੇ ਜਸ਼ਨ ਮਨਾ ਰਹੇ ਸਨ ਜਦੋਂ ਅਚਾਨਕ ਹਮਲਾਵਰਾਂ ਨੇ ਅੰਨ੍ਹੇਵਾਹ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ। ਸੋਸ਼ਲ ਮੀਡੀਆ ‘ਤੇ ਵਾਇਰਲ ਵੀਡੀਓ ਵਿੱਚ ਗੋਲੀਬਾਰੀ ਦੌਰਾਨ ਲੋਕਾਂ ਦੇ ਭੱਜਣ ਅਤੇ ਡਰ ਦਾ ਮਾਹੌਲ ਦਿਖਾਈ ਦਿੰਦਾ ਹੈ।
ਰਾਸ਼ਟਰਪਤੀ ਕਲਾਉਡੀਆ ਸ਼ੀਨਬੌਮ ਨੇ ਇਸ ਨੂੰ “ਬਹੁਤ ਦੁਖਦਾਈ” ਕਰਾਰ ਦਿੰਦਿਆਂ ਜਾਂਚ ਦੀ ਗੱਲ ਕਹੀ। ਇਰਾਪੁਆਟੋ ਦੇ ਅਧਿਕਾਰੀ ਰੋਡੋਲਫੋ ਗੋਮੇਜ਼ ਸਰਵੈਂਟਸ ਨੇ ਪ੍ਰੈਸ ਕਾਨਫਰੰਸ ਵਿੱਚ ਦੱਸਿਆ ਕਿ ਮਰਨ ਵਾਲਿਆਂ ਦੀ ਗਿਣਤੀ 12 ਹੋ ਗਈ ਹੈ ਅਤੇ ਕਈ ਜ਼ਖਮੀਆਂ ਦੀ ਹਾਲਤ ਗੰਭੀਰ ਹੈ।
A mass shooting in Irapuato, Mexico, killed at least 11 people, including a 17-year-old, and injured 20 more. The attack occurred during a Catholic celebration. Guanajuato, the state’s location, is known for violent gang activity. President Sheinbaum called it “very… pic.twitter.com/wkpm1ZVsM1
— Info Room (@InfoR00M) June 25, 2025
ਸਥਾਨਕ ਸਰਕਾਰ ਨੇ ਹਮਲੇ ਨੂੰ ਕਾਇਰਤਾਪੂਰਨ ਦੱਸਿਆ ਅਤੇ ਸੁਰੱਖਿਆ ਬਲ ਹਮਲਾਵਰਾਂ ਦੀ ਭਾਲ ਕਰ ਰਹੇ ਹਨ। ਘਟਨਾ ਸਥਾਨ ‘ਤੇ ਖੂਨ ਦੇ ਧੱਬੇ ਅਤੇ ਗੋਲੀਆਂ ਦੇ ਛੇਕ ਸਾਫ ਦਿਖਾਈ ਦਿੱਤੇ। ਗੁਆਨਾਜੁਆਟੋ, ਜੋ ਮੈਕਸੀਕੋ ਦਾ ਸਭ ਤੋਂ ਹਿੰਸਕ ਰਾਜ ਹੈ, ਵਿੱਚ ਇਹ ਹਮਲਾ ਨਸ਼ਾ ਮਾਫੀਆ ਅਤੇ ਸੰਗਠਿਤ ਅਪਰਾਧ ਨਾਲ ਜੁੜਿਆ ਮੰਨਿਆ ਜਾ ਰਿਹਾ ਹੈ।
