ਅੰਮ੍ਰਿਤਸਰ : ਪਾਕਿਸਤਾਨ ਨਾਲ ਲੱਗਦੇ ਸਰਹੱਦੀ ਸੂਬਿਆਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵਿੱਚ 31 ਮਈ, 2025 ਨੂੰ ਸਿਵਲ ਡਿਫੈਂਸ ਮੌਕ ਡ੍ਰਿਲ ਕੀਤੀ ਜਾਵੇਗੀ। ਪੰਜਾਬ ਵਿੱਚ ਇਸ ਨੂੰ ਆਪ੍ਰੇਸ਼ਨ ਸ਼ੀਲਡ ਦੇ ਨਾਮ ਹੇਠ ਕਰਵਾਇਆ ਜਾਵੇਗਾ। ਅੰਮ੍ਰਿਤਸਰ ਵਿੱਚ ਸ਼ਾਮ 8:00 ਤੋਂ 8:30 ਵਜੇ ਤੱਕ ਬਲੈਕਆਊਟ ਅਭਿਆਸ ਹੋਵੇਗਾ, ਜਿਸ ਵਿੱਚ ਵਾਲਡ ਸਿਟੀ, ਅੰਮ੍ਰਿਤਸਰ ਹਵਾਈ ਅੱਡਾ ਅਤੇ ਪਿੰਡਾਂ ਨੂੰ ਛੋਟ ਦਿੱਤੀ ਗਈ ਹੈ।
ਵਧੀਕ ਡਿਪਟੀ ਕਮਿਸ਼ਨਰ ਅਮਿਤ ਸਰੀਨ ਨੇ ਦੱਸਿਆ ਕਿ ਇਹ ਅਭਿਆਸ ਸੰਕਟ ਸਮੇਂ ਸਹਿਯੋਗ ਵਧਾਉਣ ਲਈ ਹੈ। ਸਾਇਰਨ ਵੱਜਣ ‘ਤੇ ਸ਼ਹਿਰ ਵਾਸੀਆਂ ਨੂੰ ਸਾਰੀਆਂ ਬਾਹਰੀ ਲਾਈਟਾਂ, ਸਮੇਤ ਆਟੋਮੈਟਿਕ ਅਤੇ ਇਨਵਰਟਰ ਲਾਈਟਾਂ, ਬੰਦ ਕਰਨੀਆਂ ਪੈਣਗੀਆਂ।
Major Amit Sareen, PCS, Additional Deputy Commissioner, Urban Developement Amritsar clarifying regarding a mock drill exercise and blackout which will be conducted on 31st May 2025 as a precautionary measure for emergency preparedness. pic.twitter.com/WW0QHEpZSN
— Deputy Commissioner Amritsar (@dc_amritsar) May 30, 2025
ਘਰ ਅੰਦਰ ਲਾਈਟਾਂ ਜਗਾਉਣ ਲਈ ਮੋਟੇ ਪਰਦੇ ਵਰਤਣੇ ਜ਼ਰੂਰੀ ਹਨ ਤਾਂ ਜੋ ਰੌਸ਼ਨੀ ਬਾਹਰ ਨਾ ਜਾਵੇ। ਬਲੈਕਆਊਟ ਦੌਰਾਨ ਜ਼ਮੀਨੀ ਮੰਜ਼ਿਲ ਸਭ ਤੋਂ ਸੁਰੱਖਿਅਤ ਹੈ, ਅਤੇ ਸ਼ੀਸ਼ੇ ਦੀਆਂ ਖਿੜਕੀਆਂ ਤੋਂ ਦੂਰ ਰਹਿਣਾ ਚਾਹੀਦਾ। ਪ੍ਰਸ਼ਾਸਨ ਨੇ ਛੱਤਾਂ, ਗਲੀਆਂ ਜਾਂ ਖੁੱਲ੍ਹੀਆਂ ਥਾਵਾਂ ‘ਤੇ ਨਾ ਜਾਣ ਦੀ ਸਲਾਹ ਦਿੱਤੀ ਹੈ। ਸੜਕ ‘ਤੇ ਯਾਤਰਾ ਕਰਨ ਵਾਲਿਆਂ ਨੂੰ ਵਾਹਨਾਂ ਦੀਆਂ ਲਾਈਟਾਂ ਬੰਦ ਕਰਕੇ ਸਾਈਡ ‘ਤੇ ਰੁਕਣਾ ਹੋਵੇਗਾ। ਇਸ ਤੋਂ ਪਹਿਲਾਂ, ਸ਼ਾਮ 6:00 ਤੋਂ 7:00 ਵਜੇ ਤੱਕ ਰਣਜੀਤ ਐਵੀਨਿਊ ਦੇ ਦੁਸਹਿਰਾ ਗਰਾਊਂਡ ਵਿੱਚ ਮੌਕ ਡ੍ਰਿਲ ਹੋਵੇਗੀ।
ਕੀ ਕਰਨਾ ਹੈ:
- ਸਾਰੀਆਂ ਲਾਈਟਾਂ (ਮੁੱਖ, ਇਨਵਰਟਰ, ਆਟੋਮੈਟਿਕ) ਬੰਦ ਕਰੋ।
- ਪਰਦੇ ਬੰਦ ਕਰਕੇ ਰੌਸ਼ਨੀ ਬਾਹਰ ਜਾਣ ਤੋਂ ਰੋਕੋ।
- ਮੋਬਾਈਲ, ਟਾਰਚ, ਪਾਵਰ ਬੈਂਕ ਵਰਗੀਆਂ ਜ਼ਰੂਰੀ ਚੀਜ਼ਾਂ ਚਾਰਜ ਰੱਖੋ।
- ਗੁਆਂਢੀਆਂ ਅਤੇ ਬੱਚਿਆਂ ਨੂੰ ਸੂਚਿਤ ਕਰੋ।
- ਜ਼ਰੂਰੀ ਸਮਾਨ (ਪਾਣੀ, ਟਾਰਚ, ਦਸਤਾਵੇਜ਼) ਤਿਆਰ ਰੱਖੋ।
- ਸੜਕ ‘ਤੇ ਸਾਇਰਨ ਵੱਜਣ ‘ਤੇ ਵਾਹਨ ਰੋਕੋ ਅਤੇ ਲਾਈਟਾਂ ਬੰਦ ਕਰੋ।
ਕੀ ਨਹੀਂ ਕਰਨਾ:
ਕੋਈ ਲਾਈਟ ਜਾਂ ਸਕ੍ਰੀਨ ਨਾ ਜਗਾਓ।
ਸਾਇਰਨ ਵੱਜਣ ਤੋਂ ਬਾਅਦ ਗੱਡੀ ਜਾਂ ਪੈਦਲ ਨਾ ਚੱਲੋ।
ਖਿੜਕੀਆਂ ਜਾਂ ਦਰਵਾਜ਼ੇ ਨਾ ਖੋਲ੍ਹੋ।
ਅਫਵਾਹਾਂ ‘ਤੇ ਵਿਸ਼ਵਾਸ ਨਾ ਕਰੋ; ਸਰਕਾਰੀ ਹਦਾਇਤਾਂ ਦੀ ਪਾਲਣਾ ਕਰੋ।
ਇਹ ਅਭਿਆਸ ਸੁਰੱਖਿਆ ਅਤੇ ਸਹਿਯੋਗ ਵਧਾਉਣ ਲਈ ਮਹੱਤਵਪੂਰਨ ਹੈ।