‘ਦ ਖ਼ਾਲਸ ਬਿਊਰੋ (ਪੁਨੀਤ ਕੌਰ) :- ਦਿੱਲੀ ਦੀਆਂ ਸਰਹੱਦਾਂ ‘ਤੇ ਦੇਸ਼ ਦੇ ਕਿਸਾਨ ਖੇਤੀ ਕਾਨੂੰਨਾਂ ਦੇ ਖਿਲਾਫ ਲਗਾਤਾਰ ਲੜ ਰਹੇ ਹਨ। ਕਿਸਾਨੀ ਅੰਦੋਲਨ ਨੂੰ ਦੇਸ਼ ਦੇ ਹਰ ਹਿੱਸੇ ਤੋਂ ਪੂਰਾ ਸਮਰਥਨ ਮਿਲ ਰਿਹਾ ਹੈ। ਹੁਣ ਕਿਸਾਨਾਂ ਨੇ ਆਪਣੀ ਆਵਾਜ਼ ਨੂੰ ਸੋਸ਼ਲ ਮੀਡੀਆ ਦੇ ਸਹਾਰੇ ਦੇਸ਼ ਅਤੇ ਦੁਨੀਆ ਤੱਕ ਪਹੁੰਚਾਉਣ ਦੇ ਲਈ ਆਪਣਾ ਇੱਕ ਅਕਾਊਂਟ ਬਣਾਇਆ ਹੈ।
ਮੋਰਚੇ ਨੂੰ ਭਰਵਾਂ ਹੁੰਗਾਰਾ ਦੇਣ ਲਈ ਸਾਰਿਆਂ ਦਾ ਧੰਨਵਾਦ, Digital ਮਾਧਿਅਮ ਰਹੀ ਜੁੜੀ ਅਵਾਜ਼ਾਂ ਹਾਲੇ ਲੱਖਾਂ ਚ ਨੇ ਤੇ ਇਸਨੂੰ ਕਰੋੜਾਂ ਚ ਲੈ ਕੇ ਜਾਣ ਦੀ ਜਿੰਮੇਵਾਰੀ ਤੁਹਾਡੀ ਹੈ
ਇਸ ਕਰਕੇ ਇਸਨੂੰ ਵੱਧ ਤੋਂ ਵੱਧ share ਕਰੋ ਅਤੇ ਕਰਵਾਓ pic.twitter.com/5jQfA1PrAu
— Kisan Ekta Morcha (@kisanektamorcha) December 18, 2020
ਕਿਸਾਨਾਂ ਨੇ ਆਪਣੇ ਇਸ ਅਕਾਊਂਟ ਦਾ ਨਾਮ ਕਿਸਾਨ ਏਕਤਾ ਮੋਰਚਾ ਰੱਖਿਆ ਹੈ। ਇਸ ਅਕਾਊਂਟ ਦੇ ਜ਼ਰੀਏ ਕਿਸਾਨ ਕਿਸਾਨੀ ਅੰਦੋਲਨ ਦੀ ਸਾਰੀ ਜਾਣਕਾਰੀ ਦੇਣਗੇ।
ਨੌਜਵਾਨ ਕਿਸਾਨਾਂ ਨੇ ਤਿਆਰ ਕੀਤੀ IT ਸੈੱਲ
ਨੌਜਵਾਨ ਕਿਸਾਨ ਇਸ ਅੰਦੋਲਨ ਦੇ ਜ਼ਰੀਏ ਪੂਰੀ IT ਸੈੱਲ ਤਿਆਰ ਕਰ ਰਹੇ ਹਨ। ਇਸ IT ਸੈੱਲ ਨੇ ਫੇਸਬੁੱਕ, ਟਵਿੱਟਰ, ਇੰਸਟਾਗਰਾਮ ਅਤੇ ਸਨੈਪਚੈਟ ‘ਤੇ ਅਕਾਊਂਟ ਬਣਾਏ ਹਨ। ਇਨ੍ਹਾਂ ਅਕਾਊਂਟਸ ਦੇ ਜ਼ਰੀਏ ਕਿਸਾਨੀ ਅੰਦੋਲਨ ਦੀ ਸਾਰੀ ਜਾਣਕਾਰੀ ਲੋਕਾਂ ਤੱਕ ਪਹੁੰਚਾਈ ਜਾਵੇਗੀ। ਹੁਣ ਤੱਕ ਇਸ ਅਕਾਊਂਟ ਨੂੰ ਹਜ਼ਾਰ ਤੋਂ ਜ਼ਿਆਦਾ ਕਿਸਾਨਾਂ ਨੇ ਫੋਲੋ ਕਰ ਲਿਆ ਹੈ।
