ਪੰਜਾਬ ਵਿੱਚ ਮਾਨ ਸਰਕਾਰ ਦੀ ਸਿੱਖਿਆ ਕ੍ਰਾਂਤੀ ਦੇ ਚਲਦਿਆਂ ਲੁਧਿਆਣਾ ਉਪ ਚੋਣ ਵਿੱਚ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਸੰਜੀਵ ਅਰੋੜਾ ਨੇ ਇੱਕ ਸਕੂਲ ਦਾ ਉਦਘਾਟਨ ਕੀਤਾ ਜੋ ਵਿਵਾਦਾਂ ਚ ਘਿਰ ਗਿਆ ਹੈ।
ਇੱਕ ਵੱਡਾ ਦਾਅਵਾ ਕਰਦਿਆਂ ਜਲੰਧਰ ਛਾਉਣੀ ਤੋਂ ਕਾਂਗਰਸੀ ਵਿਧਾਇਕ ਪ੍ਰਗਟ ਸਿੰਘ ਨੇ ਉਸੇ ਸਕੂਲ ਦੀ ਇੱਕ ਹੋਰ ਫੋਟੋ ਸਾਂਝੀ ਕੀਤੀ ਹੈ, ਜਿਸ ਵਿੱਚ ਉਨ੍ਹਾਂ ਨੇ ਇਹ ਦਾਅਵਾ ਕੀਤਾ ਹੈ ਕਿ ਇਹ ਉਹੀ ਸਕੂਲ ਹੈ ਜਿਸਦਾ ਉਦਘਾਟਨ ਆਪ ਦੇ ਮਰਹੂਮ ਵਿਧਾਇਕ ਗੁਰਪ੍ਰੀਤ ਸਿੰਘ ਗੋਗੀ ਪਹਿਲਾਂ ਹੀ ਕਰ ਚੁੱਕੇ ਸੀ ਜਦੋਂ ਉਹ ਜਿਉਂਦੇ ਸਨ। MLA ਪ੍ਰਗਟ ਸਿੰਘ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਗੁਪਰਪ੍ਰੀਤ ਗੋਦੀ ਵੱਲੋਂ ਕੀਤੇ ਉਦਘਾਟਨ ਦੀਆਂ ਅਤੇ ਸੰਜੀਵ ਅਰੋੜਾ ਵੱਲੋਂ ਕੀਤੇ ਉਦਘਾਟਨ ਦੀਆਂ, ਦੋਵਾਂ ਵੇਲਿਆਂ ਦੀਆਂ ਫੋਟੋਆਂ ਵੀ ਸਾਂਝੀਆਂ ਕੀਤੀਆਂ ਹਨ।
Same school, same classrooms — inaugurated twice. First by late MLA Gurpreet Gogi Ji, now by the AAP candidate. Isn’t this an insult to Gogi Ji’s memory and service? Isn’t it disrespecting the inauguration already done? The NGO that built the classrooms had its name erased. This… pic.twitter.com/hb6kxEui8n
— Pargat Singh (@PargatSOfficial) April 19, 2025
ਪ੍ਰਗਟ ਸਿੰਘ ਨੇ ਲਿਖਿਆ ਕਿ ਇੱਕੋ ਸਕੂਲ, ਇੱਕੋ ਕਲਾਸਰੂਮ ਦੋ ਵਾਰ ਉਦਘਾਟਨ। ਪਹਿਲਾਂ ਸਵਰਗੀ MLA ਗੁਰਪ੍ਰੀਤ ਗੋਗੀ ਜੀ ਨੇ, ਹੁਣ AAP ਉਮੀਦਵਾਰ ਨੇ। ਕੀ ਇਹ ਗੋਗੀ ਜੀ ਦੀ ਯਾਦ ਅਤੇ ਸੇਵਾ ਦਾ ਅਪਮਾਨ ਨਹੀਂ? ਕੀ ਇਹ ਪਹਿਲਾਂ ਕੀਤੇ ਉਦਘਾਟਨ ਦੀ ਬੇਇੱਜਤੀ ਨਹੀਂ? ਜਿਸ NGO ਨੇ ਕਲਾਸਰੂਮ ਬਣਾਏ, ਉਸ ਦਾ ਨਾਮ ਮਿਟਾ ਦਿੱਤਾ। ਇਹ ‘ਸਿੱਖਿਆ ਕ੍ਰਾਂਤੀ’ ਨਹੀਂ, ਇਹ ਨੀਂਹ ਪੱਥਰਾਂ ਦੀ ਸਿਆਸਤ ਹੈ।
