ਪੰਚਕੂਲਾ ਵਿੱਚ 25 ਅਗਸਤ 2017 ਨੂੰ ਹੋਈ ਹਿੰਸਾ ਮਾਮਲੇ ਵਿੱਚ ਕੋਰਟ ਨੇ 19 ਵਿਅਕਤੀਆਂ ਨੂੰ ਬਰੀ ਕਰ ਦਿੱਤਾ। ਕੋਰਟ ਨੂੰ ਆਰੋਪ ਸਾਬਤ ਨਾ ਹੋਣ ਕਾਰਨ ਇਹ ਫੈਸਲਾ ਸੁਣਾਇਆ। ਮਾਮਲੇ ਵਿੱਚ 27 ਗਵਾਹ ਪੇਸ਼ ਹੋਏ, ਪਰ ਕਿਸੇ ਨੇ ਵੀ ਆਰੋਪੀਆਂ ਨੂੰ ਪਹਿਚਾਣਿਆ ਨਹੀਂ।
ਸ਼ਿਕਾਇਤਕਰਤਾ ਡੀਐਸਪੀ ਅਨਿਲ ਕੁਮਾਰ, ਡਿਊਟੀ ਮਜਿਸਟਰੇਟ ਮਲਿਕ ਅਤੇ ਤਤਕਾਲ ਡੀਆਈਜੀ ਸੰਗੀਤਾ ਕਾਲੀਆ ਨੇ ਵੀ ਆਰੋਪੀਆਂ ਦੀ ਪਛਾਣ ਨਾ ਕੀਤੀ। ਇਸ ਤੋਂ ਪਹਿਲਾਂ 9 ਅਪ੍ਰੈਲ ਨੂੰ 29 ਵਿਅਕਤੀਆਂ ਨੂੰ ਵੀ ਬਰੀ ਕੀਤਾ ਗਿਆ ਸੀ।
ਪੁਲਿਸ ਨੇ ਆਰੋਪੀਆਂ ਦੇ ਕਬੂਲਨਾਮੇ ਅਤੇ ਘਟਨਾ ਸਥਲ ਦੀ ਨਿਸ਼ਾਨਦੇਹੀ ਦੇ ਅਧਾਰ ’ਤੇ ਕੇਸ ਮਜ਼ਬੂਤ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਕੋਰਟ ਨੇ ਇਸ ਨੂੰ ਨਾਕਾਫ਼ੀ ਮੰਨਿਆ। 26 ਅਗਸਤ 2017 ਨੂੰ ਤਿਆਰ ਕੀਤਾ ਘਟਨਾ ਸਥਲ ਦਾ ਨਕਸ਼ਾ ਵੀ ਮਾਨਯ ਨਹੀਂ ਸੀ।
ਕੋਰਟ ਨੇ ਕਿਹਾ ਕਿ ਧਾਰਾ 188 ਅਤੇ 353 ਦੇ ਤਹਿਤ ਮੁਕਦਮਾ ਦਰਜ ਕਰਨ ਲਈ ਵਿਸ਼ੇਸ਼ ਸ਼ਿਕਾਇਤ ਜ਼ਰੂਰੀ ਸੀ, ਜੋ ਨਹੀਂ ਕੀਤੀ ਗਈ, ਇਸ ਲਈ ਐਫਆਈਆਰ ਕਾਨੂੰਨੀ ਤੌਰ ’ਤੇ ਗ਼ਲਤ ਸੀ। ਬਰਾਮਦ ਕੀਤੇ ਡੰਡੇ ਅਤੇ ਪੱਥਰ ਆਮ ਬਜ਼ਾਰ ਵਿੱਚ ਮਿਲਣ ਵਾਲੇ ਸਨ ਅਤੇ ਬਰਾਮਦੀ ਸਮੇਂ ਕੋਈ ਸੁਤੰਤਰ ਗਵਾਹ ਵੀ ਮੌਜੂਦ ਨਹੀਂ ਸੀ।
ਕੀ ਹੈ ਮਾਮਲਾ
ਪੰਚਕੂਲਾ ਵਿੱਚ ਹਿੰਸਾ ਦੇ ਨਾਲ ਜੁੜਿਆ ਹੋਇਆ ਜਿਸ ਦੇ ਵਿੱਚ ਡੇਰਾ ਸੱਚਾ ਸੌਦਾ ਦੇ ਸਮਰਥਕਾਂ ’ਤੇ ਆਰੋਪ ਲੱਗੇ ਸਨ ਕਿ 25 ਅਗਸਤ 2017 ਨੂੰ ਪੰਚਕੂਲਾ ਵਿੱਚ ਡੇਰਾ ਸਮਰਥਕਾਂ ਨੇ ਭੀੜ ਤੇ ਪੁਲਿਸ ਦੇ ਹਮਲਾ ਕਰ ਦਿੱਤਾ ਸੀ। ਭੀੜ ਦੇ 4000 ਤੋਂ 5000 ਲੋਕ ਦੱਸੇ ਜਾ ਰਹੇ ਹਨ ਜਿਨਾਂ ਦੇ ਕੋਲ ਡੰਡੇ ਤੇ ਲੋਹੇ ਦੀਆਂ ਪਾਈਪਾਂ ਪੱਥਰ ਮੌਜੂਦ ਸੀ।
ਡਿਊਟੀ ਮਜਿਸਟਰੇਟ ਡਾਕਟਰ ਸਰਿਤਾ ਮਲਿਕ ਦੇ ਆਦੇਸ਼ ’ਤੇ ਪੁਲਿਸ ਨੇ ਅੱਥਰੂ ਗੈਸ ਦੇ ਗੋਲੇ ਛੱਡੇ ਸਨ ਅਤੇ ਹਵਾਈ ਫਾਇਰ ਵੀ ਕੀਤੇ ਸੀ। ਲੇਕਿਨ ਭੀੜ ਨੂੰ ਕਾਬੂ ਨਹੀਂ ਕੀਤਾ ਜਾ ਸਕਿਆ ਸੀ ਇਸ ਦੌਰਾਨ ਸਰਕਾਰੀ ਅਤੇ ਨਿੱਜੀ ਸੰਪੱਤੀ ਨੂੰ ਵੀ ਨੁਕਸਾਨ ਪਹੁੰਚਿਆ ਸੀ ਅਤੇ ਪੁਲਿਸ ਕਰਮੀ ਵੀ ਜ਼ਖ਼ਮੀ ਹੋਏ ਸਨ। ਜਿਸ ’ਤੇ ਸੈਕਟਰ 5 ਪੁਲਿਸ ਥਾਣੇ ਵਿੱਚ 26 ਅਗਸਤ 2017 ਨੂੰ ਐਫ਼ਆਈਆਰ ਦਰਜ ਕੀਤੀ ਗਈ ਸੀ।
