ਚੰਡੀਗੜ੍ਹ ਪੁਲਿਸ ਵਿੱਚ ਵੱਡੇ ਪੱਧਰ ’ਤੇ ਫੇਰਬਦਲ ਕਰਦਿਆਂ ਕਈ ਅਧਿਕਾਰੀਆਂ ਨੂੰ ਅਸਥਾਈ ਤੌਰ ’ਤੇ ਨਵੀਆਂ ਜ਼ਿੰਮੇਵਾਰੀਆਂ ਸੌਂਪੀਆਂ ਗਈਆਂ ਹਨ। ਸੋਮਵਾਰ ਰਾਤ ਨੂੰ ਸ਼ਹਿਰ ਦੇ ਦੋ ਡੀਐਸਪੀ ਅਤੇ 15 ਇੰਸਪੈਕਟਰਾਂ ਦੇ ਤਬਾਦਲੇ ਕਰ ਦਿੱਤੇ ਗਏ। ਇਹ ਹੁਕਮ ਐਸ.ਪੀ.ਕੇਤਨ ਬਾਂਸਲ ਵੱਲੋਂ ਜਾਰੀ ਕੀਤੇ ਗਏ ਹਨ।
ਇੰਸਪੈਕਟਰ ਮਨਿੰਦਰ ਸਿੰਘ ਨੂੰ ਹਾਈ ਕੋਰਟ ਤੋਂ ਆਪਰੇਸ਼ਨ ਸੈੱਲ ਦਾ ਇੰਚਾਰਜ ਨਿਯੁਕਤ ਕੀਤਾ ਗਿਆ ਸੀ ਅਤੇ ਇੰਸਪੈਕਟਰ (ਓਆਰਪੀ) ਸਤਵਿੰਦਰ ਸਿੰਘ ਨੂੰ ਪੀਸੀਆਰ ਤੋਂ ਕ੍ਰਾਈਮ ਬ੍ਰਾਂਚ ਦਾ ਇੰਚਾਰਜ ਨਿਯੁਕਤ ਕੀਤਾ ਗਿਆ ਸੀ।
ਚਾਰ ਇੰਸਪੈਕਟਰਾਂ ਨੂੰ ਲਗਾਇਆ ਐਸ.ਐਚ.ਓ
ਇੰਸਪੈਕਟਰ ਬਲਦੇਵ ਕੁਮਾਰ ਨੂੰ ਆਈ.ਸੀ. ਕੰਪਿਊਟਰ ਸੈਕਸ਼ਨ ਅਤੇ ਕੰਟੀਨ ਦੇ ਇੰਚਾਰਜ ਤੋਂ ਐਸ.ਐਚ.ਓ ਏ.ਟੀ.ਐਫ. (ਐਂਟੀ ਨਾਰਕੋਟਿਕਸ ਡਿਟੈਕਸ਼ਨ ਫੋਰਸ), ਰੋਹਿਤ ਕੁਮਾਰ ਨੂੰ ਏ. ਸਿਕਿਓਰਿਟੀ ਤੋਂ ਥਾਣੇਦਾਰ ਅਤੇ ਇੰਸਪੈਕਟਰ ਜਸਬੀਰ ਸਿੰਘ ਨੂੰ ਮਲੋਆ ਦਾ ਐੱਸਐੱਚਓ ਹਾਈ ਕੋਰਟ ਮੋਨੀਟਰਿੰਗ ਸੈੱਲ ਤੋਂ ਨਿਯੁਕਤ ਕੀਤਾ ਗਿਆ ਹੈ।
ਇੰਸਪੈਕਟਰ ਮਲਕੀਤ ਸਿੰਘ ਨੂੰ ਟ੍ਰੈਫਿਕ ਤੋਂ ਪੀ.ਓ ਅਤੇ ਸੰਮਨ ਸਟਾਫ਼ ਨੂੰ ਭੇਜਿਆ ਗਿਆ ਹੈ। ਇਸ ਤੋਂ ਇਲਾਵਾ ਸੈਕਟਰ 34 ਥਾਣੇ ਤੋਂ ਇੰਸਪੈਕਟਰ ਲਖਬੀਰ ਸਿੰਘ ਨੂੰ ਐਸਐਚਓ ਟਰੈਫਿਕ ਅਤੇ ਅਪਰੇਸ਼ਨ ਸੈੱਲ ਇੰਚਾਰਜ ਤੋਂ ਸ਼ੇਰ ਸਿੰਘ ਨੂੰ ਪੀਓ ਅਤੇ ਸੰਮਨ ਸਟਾਫ ਨਿਯੁਕਤ ਕੀਤਾ ਗਿਆ ਹੈ।
ਇੰਸਪੈਕਟਰ ਰਾਜਦੀਪ ਸਿੰਘ ਦਾ ਤਬਾਦਲਾ ਪੁਲਿਸ ਲਾਈਨ ਤੋਂ ਸੁਰੱਖਿਆ ਵਿੰਗ, ਆਰਤੀ ਗੋਇਲ ਨੂੰ ਪੀ.ਸੀ.ਆਰ. ਤੋਂ ਹਾਈਕੋਰਟ ਸੁਰੱਖਿਆ, ਦਯਾ ਰਾਮ ਨੂੰ ਸੀ.ਡੀ.ਆਈ. ਤੋਂ ਸੀ.ਡੀ.ਆਈ ਅਤੇ ਵਧੀਕ ਚਾਰਜ ਆਰ.ਆਈ.ਲਾਈਨ, ਜਦਕਿ ਸਰਿਤਾ ਰਾਏ ਨੂੰ ਪੁਲਿਸ ਲਾਈਨ ਤੋਂ ਤਬਦੀਲ ਕੀਤਾ ਗਿਆ ਹੈ ਅਤੇ ਕੰਪਿਊਟਰ ਸੈੱਲ ਅਤੇ ਕੰਟੀਨ ਦਾ ਚਾਰਜ ਦਿੱਤਾ ਗਿਆ।
