ਬਿਉਰੋ ਰਿਪੋਰਟ – ਜਲੰਧਰ (Jalandhar) ਦੇ ਪਾਸ਼ ਇਲਾਕੇ ਮਾਡਲ ਟਾਊਨ (Model Town) ਵਿੱਚ ਸੜਕ ਦੁਰਘਟਨਾ ਵਿੱਚ ਪਿਓ-ਪੁੱਤ ਦੀ ਦਰਦਨਾਕ ਮੌਤ ਹੋ ਗਈ ਹੈ । 2 ਕਾਰਾਂ ਦੀ SUV ਦੇ ਨਾਲ ਜ਼ਬਰਦਸਤ ਟੱਕਰ ਹੋਈ,ਪਿਓ-ਪੁੱਤ ਸੜਕ ਦੇ ਕਿਨਾਰੇ ਖੜੇ ਸਨ,ਪਾਰਟੀ ਤੋਂ ਘਰ ਪਰਤਨ ਦੀ ਤਿਆਰੀ ਕਰ ਰਹੇ ਸਨ ਇਸੇ ਦੌਰਾਨ ਉਹ ਹਾਦਸੇ ਦਾ ਸ਼ਿਕਾਰ ਹੋ ਗਏ ।
ਆਲੇ-ਦੁਆਲੇ ਖੜੇ ਲੋਕਾਂ ਦੇ ਮੁਤਾਬਿਕ ਦੋਵੇਂ ਕਾਰਾਂ ਦੀ ਰਫਤਾਰ ਕਾਫੀ ਤੇਜ਼ ਸੀ । ਕਾਰ ਦਾ ਕੰਟਰੋਲ ਨਹੀਂ ਹੋ ਸਕਿਆ ਅਤੇ ਇਹ ਹਾਦਸਾ ਹੋ ਗਿਆ । ਮਿਲੀ ਜਾਣਕਾਰੀ ਦੇ ਮੁਤਾਬਿਕ ਬ੍ਰੇਜ਼ਾ ਕਾਰ ਦੇ ਪਰਖੱਚੇ ਉੱਡ ਗਏ । ਦੂਜੀ ਵੈਨਯੂ ਕਾਰ ਅਤੇ ਤੀਜ XUV ਕਾਰ ਨੂੰ ਵੀ ਕਾਫੀ ਨੁਕਸਾਨ ਹੋਇਆ ਹੈ ।
ਇਹ ਹਾਦਸਾ ਮਾਡਲ ਟਾਊਨ ਦੇ ਮਾਲ ਰੋਡ ਸਥਿਤ ਥਿੰਦ ਆਈ ਹਸਪਤਾਲ ਦੇ ਬਾਹਰ ਹੋਇਆ ਹੈ । ਘਟਨਾ ਵਿੱਚ ਦੋਵਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ । ਮ੍ਰਿਤਕਾਂ ਦੀ ਪਹਿਚਾਣ ਮਕਦੂਮਪੁਰਾ ਦੇ 53 ਸਾਲ ਦੇ ਸੰਦੀਪ ਸ਼ਰਮਾ ਅਤੇ 17 ਸਾਲ ਦੇ ਸਨਨ ਦੇ ਰੂਪ ਵਿੱਚ ਹੋਈ ਹੈ । ਹਾਦਸੇ ਦੇ ਸਮੇਂ ਪਿਤਾ-ਪੁੱਤਰ ਦੋਵੇ ਪਾਰਟੀ ਤੋਂ ਘਰ ਪਰਤ ਰਹੇ ਸਨ ਅਤੇ ਸੜਕ ਦੇ ਕੰਢੇ ਖੜੇ ਸਨ।
