ਅਮਰੀਕਾ ਦੇ ਨਿਆਂ ਵਿਭਾਗ ਨੇ ਐਲੋਨ ਮਸਕ ਦੀ ਮੁਹਿੰਮ ਅਮਰੀਕਾ ਪੀਏਸੀ ਨੂੰ ਚੇਤਾਵਨੀ ਪੱਤਰ ਭੇਜਿਆ ਹੈ। ਅਮਰੀਕੀ ਨਿਆਂ ਵਿਭਾਗ ਨੇ ਟਰੰਪ ਦੇ ਸਮਰਥਨ ਵਿੱਚ ਐਲੋਨ ਮਸਕ ਦੇ ਚੋਣ ਪ੍ਰਚਾਰ ਸੰਗਠਨ ਨੂੰ ਪੱਤਰ ਲਿਖਿਆ ਹੈ।
ਪੱਤਰ ਵਿੱਚ ਲਿਖਿਆ ਗਿਆ ਹੈ ਕਿ ਵੋਟਰਾਂ ਨੂੰ ਪ੍ਰਤੀ ਦਿਨ 10 ਲੱਖ ਅਮਰੀਕੀ ਡਾਲਰ ਦੇਣ ਦੀ ਮਸਕ ਦੀ ਯੋਜਨਾ ਕਾਨੂੰਨਾਂ ਦੀ ਉਲੰਘਣਾ ਦੇ ਘੇਰੇ ਵਿੱਚ ਆ ਸਕਦੀ ਹੈ। ਚਿੱਠੀ ਭੇਜਣ ਦੀ ਪੁਸ਼ਟੀ ਬੀਬੀਸੀ ਨਾਲ ਸਬੰਧਤ ਸੀਬੀਐਸ ਨਿਊਜ਼ ਨੇ ਕੀਤੀ ਹੈ। ਐਲੋਨ ਮਸਕ ਦੀ ਚੋਣ ਮੁਹਿੰਮ ਨੂੰ ਭੇਜੇ ਜਾਣ ਵਾਲੇ ਪੱਤਰ ਦੀ ਜਾਣਕਾਰੀ ਸਭ ਤੋਂ ਪਹਿਲਾਂ ਸੀਐਨਐਨ ਦੁਆਰਾ ਸਾਂਝੀ ਕੀਤੀ ਗਈ ਸੀ।
ਐਲੋਨ ਮਸਕ ਦੀ ਮੁਹਿੰਮ ਅਮਰੀਕਾ ਪੀਏਸੀ ਦੀ ਇਸ ਇਨਾਮ ਯੋਜਨਾ ਵਿੱਚ, ਸੱਤ ਸਵਿੰਗ ਰਾਜਾਂ ਵਿੱਚ ਰਜਿਸਟਰਡ ਵੋਟਰਾਂ ਨੂੰ ਇੱਕ ਪਟੀਸ਼ਨ ‘ਤੇ ਦਸਤਖਤ ਕਰਨ ਦੀ ਅਪੀਲ ਕੀਤੀ ਗਈ ਹੈ। ਚੋਣਾਂ ਤੱਕ ਹਰ ਰੋਜ਼ ਪਟੀਸ਼ਨ ‘ਤੇ ਦਸਤਖਤ ਕਰਨ ਵਾਲੇ ਕਿਸੇ ਵੀ ਵਿਅਕਤੀ ਨੂੰ 10 ਲੱਖ ਅਮਰੀਕੀ ਡਾਲਰ ਦਿੱਤੇ ਜਾਣਗੇ।
ਕੁਝ ਕਾਨੂੰਨੀ ਮਾਹਿਰਾਂ ਨੇ ਪਹਿਲਾਂ ਹੀ ਕਿਹਾ ਸੀ ਕਿ ਇਹ ਇਨਾਮੀ ਸਕੀਮ ਗੈਰ-ਕਾਨੂੰਨੀ ਹੋ ਸਕਦੀ ਹੈ। 19 ਅਕਤੂਬਰ ਨੂੰ ਪੈਨਸਿਲਵੇਨੀਆ ਵਿੱਚ ਇੱਕ ਸਮਾਗਮ ਵਿੱਚ ਇੱਕ ਵਿਅਕਤੀ ਨੂੰ ਲਾਟਰੀ ਦਾ ਪਹਿਲਾ ਚੈੱਕ ਦਿੱਤਾ ਗਿਆ ਸੀ।
