ਆਦਮਪੁਰ : ਬੀਤੀ ਸ਼ਾਮ ਆਦਮਪੁਰ ਏਅਰਪੋਰਟ ‘ਤੇ ਸਟਾਰ ਏਅਰਲਾਈਨਜ਼ ਦੀ ਫਲਾਈਟ ਨੰਬਰ ਐੱਸ5 (234) ‘ਚ ਬੰਬ ਮਿਲਣ ਦੀ ਖਬਰ ਨਾਲ ਜਲੰਧਰ ‘ਚ ਹੜਕੰਪ ਮਚ ਗਿਆ। ਅਜਿਹਾ ਹੋਇਆ ਕਿ ਸਟਾਰ ਏਅਰਲਾਈਨਜ਼ ਦੀਆਂ ਕੁੱਲ ਚਾਰ ਉਡਾਣਾਂ ਵਿੱਚ ਬੰਬ ਹੋਣ ਦੀ ਸੂਚਨਾ ਮਿਲੀ। ਜਿਸ ਵਿੱਚ ਆਦਮਪੁਰ ਹਿੰਦ ਦੀ ਇੱਕ ਫਲਾਈਟ ਵੀ ਸ਼ਾਮਲ ਸੀ।
ਹਾਲਾਂਕਿ ਜਦੋਂ ਆਦਮਪੁਰ ‘ ਫਲਾਈਟ ਦੀ ਜਾਂਚ ਕੀਤੀ ਗਈ ਤਾਂ ਉਸ ‘ਚ ਕੁਝ ਵੀ ਸ਼ੱਕੀ ਨਹੀਂ ਮਿਲਿਆ। ਸੂਚਨਾ ਦੇ ਆਧਾਰ ‘ਤੇ ਪੁਲਸ ਅਤੇ ਏਅਰਪੋਰਟ ਦੇ ਨਿੱਜੀ ਸੁਰੱਖਿਆ ਗਾਰਡਾਂ ਵੱਲੋਂ ਪੂਰੇ ਏਅਰਪੋਰਟ ਦੀ ਤਲਾਸ਼ੀ ਵੀ ਲਈ ਗਈ, ਪਰ ਕੁਝ ਨਹੀਂ ਮਿਲਿਆ। ਫਿਲਹਾਲ ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਹੁਣ ਤੱਕ ਦੀ ਜਾਂਚ ‘ਚ ਇਹ ਸਾਰੀ ਜਾਣਕਾਰੀ ਅਫਵਾਹ ਹੀ ਨਿਕਲੀ ਹੈ।
4 ਜਹਾਜ਼ਾਂ ‘ਚ ਬੰਬ ਹੋਣ ਦੀ ਸੂਚਨਾ ਸੀ
ਪ੍ਰਾਪਤ ਜਾਣਕਾਰੀ ਅਨੁਸਾਰ ਅਧਿਕਾਰੀਆਂ ਨੂੰ ਕਰੀਬ ਚਾਰ ਉਡਾਣਾਂ ਵਿੱਚ ਬੰਬ ਹੋਣ ਦੀ ਸੂਚਨਾ ਮਿਲੀ ਸੀ। ਇਨ੍ਹਾਂ ਵਿੱਚੋਂ ਇੱਕ ਰਾਜਸਥਾਨ ਦਾ ਕਿਸ਼ਨਗੜ੍ਹ ਹਵਾਈ ਅੱਡਾ ਅਤੇ ਦੂਜਾ ਜਲੰਧਰ ਦਾ ਆਦਮਪੁਰ ਹਵਾਈ ਅੱਡਾ ਸੀ। ਦੱਸ ਦਈਏ ਕਿ ਜਿਸ ਫਲਾਈਟ ‘ਚ ਬੰਬ ਹੋਣ ਦੀ ਧਮਕੀ ਦਿੱਤੀ ਗਈ ਸੀ, ਉਸ ‘ਚ ਕਰੀਬ 53 ਯਾਤਰੀ ਆਦਮਪੁਰ ਪਹੁੰਚੇ ਸਨ ਅਤੇ ਉਸੇ ਫਲਾਈਟ ‘ਚ 59 ਯਾਤਰੀ ਵਾਪਸ ਹਿੰਡਨ ਪਰਤੇ ਸਨ।
