ਬਿਉਰੋ ਰਿਪੋਰਟ – ਕੈਨੇਡਾ ਤੋਂ ਪੰਜਾਬੀਆਂ ਨੂੰ ਲੈਕੇ ਚੰਗੀ ਖ਼ਬਰ ਆਈ ਹੈ । ਰਾਏਕੋਟ ਦੀ ਗੁਰਮਨਜੀਤ ਕੌਰ ਗਰੇਵਾਲ ਡਿਪਟੀ ਜੇਲ੍ਹ ਸੁਪਰਡੈਂਟ ਬਣੀ ਹੈ । ਉਸ ਦੀ ਇਸ ਕਾਮਯਾਬੀ ਨਾਲ ਮਾਪਿਆਂ ਅਤੇ ਇਲਾਕੇ ਦਾ ਨਾ ਉੱਚਾ ਹੋਇਆ ਹੈ,ਰਾਏਕੋਟ ਵਿੱਚ ਖੁਸ਼ੀ ਦਾ ਮਾਹੌਲ ਹੈ ।
ਗੁਰਮਨਜੀਤ ਕੌਰ ਨੇ MBA ਦੀ ਪੜ੍ਹਾਈ ਕਰਨ ਤੋਂ ਬਾਅਦ 2021 ਸਟੱਡੀ ਵੀਜ਼ੇ ‘ਤੇ ਬਰੈਮਟਨ ਕੈਨੇਡਾ ਗਈ ਜਿੱਥੇ ਉਸ ਨੇ ਤਿੰਨ ਸਾਲ ਵਿੱਚ ਪੜ੍ਹਾਈ ਪੂਰੀ ਕੀਤੀ । ਇਸ ਦੌਰਾਨ ਗੁਰਮਨਜੀਤ ਨੇ ਆਪਣੀ ਪੜ੍ਹਾਈ ਦੇ ਅਧਾਰ ‘ਤੇ ਕੈਨੇਡਾ ਪੁਲਿਸ ਵਿੱਚ ਨੌਕਰੀ ਲਈ ਅਪਲਾਈ ਕੀਤਾ ।
ਨੌਕਰੀ ਦਾ ਇਮਤਿਹਾਨ ਦੇਣ ਤੋਂ ਬਾਅਦ ਗੁਰਮਨਜੀਤ ਹੁਣ ਬਤੌਰ ਡਿਪਟੀ ਜੇਲ੍ਹ ਸੁਪਰਡੈਂਟ ਨਿਯੁਕਤ ਹੋਈ ਹੈ । ਪੂਰੇ ਪਰਿਵਾਰ ਦਾ ਕਹਿਣਾ ਹੈ ਕਿ ਗੁਰਮਨਜੀਤ ਸ਼ੁਰੂ ਹੋ ਹੀ ਪੜਾਈ ਵਿੱਚ ਹੁਸ਼ਿਆਰ ਸੀ ਅਤੇ ਪੁਲਿਸ ਫੋਰਸ ਨਾਲ ਜੁੜਨਾ ਚਾਹੁੰਦੀ ਸੀ । ਧੀ ਕੈਨੇਡਾ ਗਈ ਪਰ ਉੱਥੇ ਜਾਕੇ ਆਪਣਾ ਸੁਪਣਾ ਸਾਕਾਰ ਕੀਤਾ ।
