ਬਿਉਰੋ ਰਿਪੋਰਟ: ਭਾਰਤੀ ਪੁਰਸ਼ ਟੀਮ ਨੇ 45ਵੇਂ ਸ਼ਤਰੰਜ ਓਲੰਪੀਆਡ ਦੇ 10ਵੇਂ ਦੌਰ ਵਿੱਚ ਅਮਰੀਕਾ ਨੂੰ 2.5-1.5 ਨਾਲ ਹਰਾ ਕੇ ਇੱਕ ਗੇੜ ਬਾਕੀ ਰਹਿ ਕੇ ਇਤਿਹਾਸਿਕ ਸੋਨ ਤਗ਼ਮਾ ਜਿੱਤ ਲਿਆ ਹੈ। ਭਾਰਤ 19 ਅੰਕਾਂ ਨਾਲ ਚੋਟੀ ’ਤੇ ਬਰਕਰਾਰ ਹੈ। ਭਾਵੇਂ ਖਿਡਾਰੀ ਅਗਲੇ ਗੇੜ ਵਿੱਚ ਹਾਰ ਜਾਂਦਾ ਹੈ, ਫਿਰ ਵੀ ਉੱਚ ਟਾਈਬ੍ਰੇਕ ਸਕੋਰ ਦੇ ਕਾਰਨ ਭਾਰਤ ਚੈਂਪੀਅਨ ਬਣ ਜਾਵੇਗਾ। ਗੁਕੇਸ਼-ਅਰਜੁਨ ਨੇ ਬਾਜ਼ੀਆਂ ਜਿੱਤੀਆਂ। ਡੀ ਗੁਕੇਸ਼ ਨੇ ਫੈਬੀਆਨੋ ਕਾਰੂਆਨਾ ਨੂੰ ਹਰਾਇਆ।
ਹੰਗਰੀ ਦੀ ਰਾਜਧਾਨੀ ਬੁਡਾਪੇਸਟ ’ਚ ਹੋਏ ਮੁਕਾਬਲੇ ’ਚ ਗ੍ਰੈਂਡਮਾਸਟਰ ਅਤੇ ਵਿਸ਼ਵ ਚੈਂਪੀਅਨਸ਼ਿਪ ਦੇ ਚੈਲੰਜਰ ਡੀ ਗੁਕੇਸ਼ ਨੇ ਪੁਰਸ਼ ਵਰਗ ’ਚ ਫੈਬੀਆਨੋ ਕਾਰੂਆਨਾ ਨੂੰ ਹਰਾ ਕੇ ਭਾਰਤ ਨੂੰ ਪਹਿਲੀ ਵਾਰ ਸ਼ਤਰੰਜ ਓਲੰਪੀਆਡ ’ਚ ਸੋਨ ਤਮਗਾ ਜਿੱਤਣ ’ਚ ਮਦਦ ਕੀਤੀ। ਇਸ ਗੱਲ ਦੀ ਪੁਸ਼ਟੀ ਗ੍ਰੈਂਡਮਾਸਟਰ ਪ੍ਰਵੀਨ ਥਿਪਸੇ ਅਤੇ ਪ੍ਰਗਨਾਨੰਦ ਦੇ ਕੋਚ ਆਰਬੀ ਰਮੇਸ਼ ਨੇ ਵੀ ਕੀਤੀ। ਆਰਬੀ ਰਮੇਸ਼ ਨੇ ਵੀ ਟੀਮ ਨੂੰ ਸੋਨ ਤਮਗਾ ਜਿੱਤਣ ’ਤੇ ਵਧਾਈ ਦਿੱਤੀ।
ਪ੍ਰਵੀਨ ਥਿਪਸੇ ਨੇ ਕਿਹਾ ਕਿ ਜੇ ਭਾਰਤ 11ਵਾਂ ਗੇੜ ਵਿੱਚ ਹਾਰ ਵੀ ਜਾਂਦਾ ਹੈ ਅਤੇ ਦੂਜੀ ਟੀਮ ਨਾਲ ਬਰਾਬਰੀ ਦੇ ਅੰਕ ਰੱਖਦੀ ਹੈ, ਫਿਰ ਵੀ ਟ੍ਰਾਈ-ਬ੍ਰੇਕਰ ਵਿੱਚ ਭਾਰਤ ਦਾ ਸਕੋਰ ਚੰਗਾ ਹੈ, ਜੋ ਉਸ ਦਾ ਸੋਨਾ ਯਕੀਨੀ ਬਣਾਉਂਦਾ ਹੈ। 45ਵੇਂ ਸ਼ਤਰੰਜ ਓਲੰਪੀਆਡ ਦੇ 10ਵੇਂ ਦੌਰ ਵਿੱਚ ਭਾਰਤੀ ਪੁਰਸ਼ ਟੀਮ ਨੇ ਅਮਰੀਕਾ ਨੂੰ 2.5-1.5 ਨਾਲ ਹਰਾਇਆ। ਭਾਰਤੀ ਪੁਰਸ਼ ਟੀਮ ਟੂਰਨਾਮੈਂਟ ਵਿੱਚ ਨਹੀਂ ਹਾਰੀ ਅਤੇ 19 ਅੰਕਾਂ ਨਾਲ ਓਪਨ ਵਰਗ ਵਿੱਚ ਸਿਖਰ ’ਤੇ ਬਣੀ ਹੋਈ ਹੈ। ਪ੍ਰਗਨਾਨੰਦ ਵੇਸਲੇ ਸੋ ਤੋਂ ਹਾਰ ਗਏ। ਵਿਦਿਤ ਨੇ ਲੇਵਰੋਨ ਨੂੰ ਡਰਾਅ ’ਤੇ ਰੋਕਿਆ। ਅਰਜੁਨ ਨੇ ਪੇਰੇਜ਼ ਨੂੰ ਹਰਾਇਆ।