ਰਾਜਸਥਾਨ ਦੇ ਜੈਪੁਰ ‘ਚ ਧੋਖਾਧੜੀ ਦਾ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ ਨੂੰ ਜਾਣ ਕੇ ਗਹਿਣਿਆਂ ਦੇ ਸ਼ੌਕੀਨ ਲੋਕ ਦੰਗ ਰਹਿ ਜਾਣਗੇ। ਇੱਥੇ ਇੱਕ ਅਮਰੀਕੀ ਔਰਤ ਨੂੰ ਇੱਕ ਦੁਕਾਨਦਾਰ ਨੇ ਨਕਲੀ ਗਹਿਣੇ ਵੇਚ ਕੇ ਕਰੋੜਾਂ ਰੁਪਏ ਦੀ ਠੱਗੀ ਮਾਰੀ ਹੈ। ਜੌਹਰੀ ਪਿਉ-ਪੁੱਤਰ ਨੇ ਚਾਂਦੀ ਦੀ ਚੇਨ ‘ਤੇ ਸੋਨੇ ਦੀ ਪਾਲਿਸ਼ ਅਤੇ 300 ਰੁਪਏ ਦੀ ਕੀਮਤ ਦਾ ਮੋਜੋਨਾਈਟ ਸਟੋਨ ਲੱਖਾਂ ਰੁਪਏ ਦਾ ਹੀਰਾ ਹੋਣ ਦਾ ਜਾਅਲੀ ਸਰਟੀਫਿਕੇਟ ਵੀ ਦਿੱਤਾ। ਮਹਿਲਾ ਦੀ ਸ਼ਿਕਾਇਤ ‘ਤੇ ਜੈਪੁਰ ਪੁਲਸ ਨੇ ਮਾਮਲਾ ਦਰਜ ਕਰਕੇ ਫਰਜ਼ੀ ਸਰਟੀਫਿਕੇਟ ਜਾਰੀ ਕਰਨ ਵਾਲੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਇਸ ਤੋਂ ਇਲਾਵਾ ਅਮਰੀਕੀ ਦੂਤਘਰ ਦੀ ਮਦਦ ਨਾਲ ਵੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। ਘਟਨਾ ਦੇ ਬਾਅਦ ਤੋਂ ਦੋਸ਼ੀ ਦੁਕਾਨਦਾਰ ਅਤੇ ਉਸ ਦਾ ਲੜਕਾ ਫਰਾਰ ਹਨ।
ਜਾਣਕਾਰੀ ਮੁਤਾਬਕ ਅਮਰੀਕਾ ਦੀ ਰਹਿਣ ਵਾਲੇ ਚੈਰੀਸ਼ ਨੇ ਜੈਪੁਰ ਦੇ ਇਕ ਦੁਕਾਨਦਾਰ ਖਿਲਾਫ ਮਾਣਕ ਚੌਕ ਥਾਣੇ ‘ਚ ਮਾਮਲਾ ਦਰਜ ਕਰਵਾਇਆ ਹੈ। ਸ਼ਿਕਾਇਤ ਵਿੱਚ ਰਾਮਾ ਰੋਡੀਅਮ ਜਵੈਲਰਜ਼ ਦੇ ਰਾਜਿੰਦਰ ਸੋਨੀ ਅਤੇ ਉਸ ਦੇ ਪੁੱਤਰ ਗੌਰਵ ਦਾ ਨਾਮ ਹੈ। ਔਰਤ ਦਾ ਦੋਸ਼ ਹੈ ਕਿ ਉਸ ਨੂੰ 300 ਰੁਪਏ ਦੇ ਨਕਲੀ ਪੱਥਰ 6 ਕਰੋੜ ਰੁਪਏ ਦੇ ਹੀਰੇ ਵਜੋਂ ਵੇਚੇ ਗਏ ਸਨ। ਨਾਲ ਹੀ ਗਹਿਣਿਆਂ ਦੇ ਜਾਅਲੀ ਸਰਟੀਫਿਕੇਟ ਵੀ ਸੌਂਪੇ ਗਏ। ਪਰ ਜਦੋਂ ਔਰਤ ਨੇ ਕਿਸੇ ਹੋਰ ਥਾਂ ‘ਤੇ ਗਹਿਣਿਆਂ ਦੀ ਜਾਂਚ ਕੀਤੀ ਤਾਂ ਉਹ ਨਕਲੀ ਨਿਕਲੇ।
ਅਮਰੀਕਾ ਦੀ ਰਹਿਣ ਵਾਲੀ ਚੈਰੀਸ਼ ਨੂੰ ਜਦੋਂ ਪਤਾ ਲੱਗਾ ਕਿ ਉਸ ਦੇ ਗਹਿਣੇ ਨਕਲੀ ਹਨ ਤਾਂ ਉਹ ਸ਼ਿਕਾਇਤ ਕਰਨ ਦੁਕਾਨ ‘ਤੇ ਗਈ। ਪਰ ਉਥੇ ਦੋਸ਼ੀ ਦੁਕਾਨਦਾਰ ਨੇ ਲੜਾਈ ਸ਼ੁਰੂ ਕਰ ਦਿੱਤੀ। ਝਗੜੇ ਤੋਂ ਬਾਅਦ ਗੌਰਵ ਨੇ ਵਿਦੇਸ਼ੀ ਔਰਤ ‘ਤੇ ਮਾਮਲਾ ਵੀ ਦਰਜ ਕਰਵਾਇਆ ਸੀ। ਚੈਰੀਸ਼ ਨੇ ਆਪਣੇ ਨਾਲ ਹੋਈ ਇਸ ਧੋਖਾਧੜੀ ਬਾਰੇ ਅਮਰੀਕੀ ਦੂਤਘਰ ਨੂੰ ਵੀ ਸੂਚਿਤ ਕੀਤਾ ਹੈ।
ਅੰਬੈਸੀ ਦੀ ਸ਼ਿਕਾਇਤ ‘ਤੇ ਪੁਲਿਸ ਨੇ ਮਾਮਲੇ ਦੀ ਜਾਂਚ ਕੀਤੀ। ਜਦੋਂ ਵਧੀਕ ਡੀਸੀਪੀ ਬਜਰੰਗ ਸਿੰਘ ਸ਼ੇਖਾਵਤ ਨੇ ਇਸ ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਤਾਂ ਪਤਾ ਲੱਗਾ ਕਿ ਦੁਕਾਨਦਾਰ ਨੇ ਚੈਰੀਸ਼ ਨੂੰ ਨਕਲੀ ਗਹਿਣੇ ਵੇਚੇ ਸਨ। ਇਨ੍ਹਾਂ ਗਹਿਣਿਆਂ ‘ਚ ਸਿਰਫ 2 ਕੈਰੇਟ ਸੋਨਾ ਮਿਲਿਆ ਹੈ। ਨਾਲ ਹੀ ਇਸ ਨਕਲੀ ਗਹਿਣਿਆਂ ਦਾ ਜਾਅਲੀ ਸਰਟੀਫਿਕੇਟ ਵੀ ਦਿੱਤਾ ਗਿਆ।
ਪੁਲਿਸ ਦੀ ਜਾਂਚ ‘ਚ ਪਿਓ-ਪੁੱਤ ਦਾ ਪਰਦਾਫਾਸ਼ ਹੋਣ ‘ਤੇ ਦੋਵੇਂ ਫਰਾਰ ਹੋ ਗਏ। ਪੁਲੀਸ ਨੇ ਇਸ ਮਾਮਲੇ ਵਿੱਚ ਨੰਦਕਿਸ਼ੋਰ ਨਾਮ ਦੇ ਵਿਅਕਤੀ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਉਸ ‘ਤੇ ਜਾਅਲੀ ਗਹਿਣਿਆਂ ਦੇ ਜਾਅਲੀ ਸਰਟੀਫਿਕੇਟ ਜਾਰੀ ਕਰਨ ਦਾ ਦੋਸ਼ ਹੈ। ਮੁੱਖ ਦੋਸ਼ੀ ਗੌਰਵ ਖਿਲਾਫ ਲੁੱਕ ਆਊਟ ਨੋਟਿਸ ਜਾਰੀ ਕੀਤਾ ਗਿਆ ਹੈ।
ਅਮਰੀਕਾ ਦੀ ਰਹਿਣ ਵਾਲੀ ਚੈਰੀਸ਼ ਨੂੰ ਜਦੋਂ ਪਤਾ ਲੱਗਾ ਕਿ ਉਸ ਦੇ ਗਹਿਣੇ ਨਕਲੀ ਹਨ ਤਾਂ ਉਹ ਸ਼ਿਕਾਇਤ ਕਰਨ ਦੁਕਾਨ ‘ਤੇ ਗਈ। ਪਰ ਉਥੇ ਦੋਸ਼ੀ ਦੁਕਾਨਦਾਰ ਨੇ ਲੜਾਈ ਸ਼ੁਰੂ ਕਰ ਦਿੱਤੀ। ਝਗੜੇ ਤੋਂ ਬਾਅਦ ਗੌਰਵ ਨੇ ਵਿਦੇਸ਼ੀ ਔਰਤ ‘ਤੇ ਮਾਮਲਾ ਵੀ ਦਰਜ ਕਰਵਾਇਆ ਸੀ। ਚੈਰੀਸ਼ ਨੇ ਆਪਣੇ ਨਾਲ ਹੋਈ ਇਸ ਧੋਖਾਧੜੀ ਬਾਰੇ ਅਮਰੀਕੀ ਦੂਤਘਰ ਨੂੰ ਵੀ ਸੂਚਿਤ ਕੀਤਾ ਹੈ।
ਵਧੀਕ ਡਿਪਟੀ ਕਮਿਸ਼ਨਰ ਆਫ਼ ਪੁਲਿਸ (ਉੱਤਰੀ) ਬਜਰੰਗ ਸਿੰਘ ਸ਼ੇਖਾਵਤ ਦੇ ਅਨੁਸਾਰ, ਮੁਲਜ਼ਮਾਂ ਨੇ ਇੱਕ ਵਿਦੇਸ਼ੀ ਔਰਤ ਨੂੰ ਸੋਨੇ ਦੇ ਪਾਲਿਸ਼ ਕੀਤੇ ਚਾਂਦੀ ਦੇ ਗਹਿਣੇ 6 ਕਰੋੜ ਰੁਪਏ ਵਿੱਚ ਵੇਚੇ ਸਨ। ਮੁਲਜ਼ਮਾਂ ਨੇ ਜਾਅਲੀ ਸਰਟੀਫਿਕੇਟ ਵੀ ਤਿਆਰ ਕੀਤਾ ਅਤੇ ਔਰਤ ਨੂੰ ਵਿਸ਼ਵਾਸ ਦਿਵਾਇਆ ਕਿ ਵੇਚੇ ਗਏ ਗਹਿਣੇ ਅਸਲੀ ਹਨ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮਾਂ ਦੀ ਗ੍ਰਿਫ਼ਤਾਰੀ ਲਈ ਪੁਲੀਸ ਦੀ ਵਿਸ਼ੇਸ਼ ਟੀਮ ਬਣਾਈ ਗਈ ਹੈ। ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
