ਬਿਉਰੋ ਰਿਪੋਰਟ – ਸੋਸ਼ਲ ਮੀਡੀਆ ’ਤੇ ਵਿਊਜ਼ ਹਾਸਲ ਕਰਨ ਦੇ ਲਈ YOUTUBER ਕਿਸੇ ਵੀ ਹੱਦ ਤੱਕ ਜਾ ਸਕਦੇ ਹਨ। ਅਜਿਹਾ ਹੀ ਇੱਕ ਵੀਡੀਓ ਕਾਫੀ ਵਾਇਰਲ ਹੋ ਰਿਹਾ ਹੈ ਜਿਸ ਵਿੱਚ ਦਾਅਵਾ ਕੀਤਾ ਗਿਆ ਸੀ ਕਿ ਡੀਜ਼ਲ ਦੇ ਵਿੱਚ ਪਰੌਂਠਾ ਤਲਿਆ ਗਿਆ ਹੈ। ਜਿਸ ਤੋਂ ਬਾਅਦ ਲੋਕ ਇਸ ਵੀਡੀਓ ’ਤੇ ਆਪਣੀ ਕਾਫੀ ਨਰਾਜ਼ਗੀ ਜ਼ਾਹਿਰ ਕਰ ਰਹੇ ਸਨ, ਕੋਈ ਇਸ ਨੂੰ ਸਿਹਤ ਨਾਲ ਖਿਲਵਾੜ ਦੱਸ ਰਿਹਾ ਸੀ ਕੋਈ ਸਸਤੀ ਪਬਲਿਸਿਟੀ ਦੱਸ ਰਿਹਾ ਸੀ ਪਰ ਹੁਣ ਇਸੇ ਢਾਬੇ ਵਾਲੇ ਨੇ ਇਸ ‘ਡੀਜ਼ਲ ਪਰੌਂਠੇ’ ਬਾਰੇ ਵੱਡੇ ਸੱਚ ਦਾ ਖ਼ੁਲਾਸਾ ਕੀਤਾ ਹੈ ।
ਇਹ ਵੀਡੀਓ ਚੰਡੀਗੜ੍ਹ ਦੇ ਬਬਲੂ ਵੈਸ਼ਨੂ ਢਾਬੇ ਦਾ ਦੱਸਿਆ ਜਾ ਰਿਹਾ ਹੈ। ਵੀਡੀਓ ਵਾਇਰਲ ਹੋਣ ਪਿੱਛੋਂ ਹੁਣ ਢਾਬੇ ਦੇ ਮਾਲਕ ਨੇ ਲੋਕਾਂ ਦੇ ਸਾਰੇ ਦਾਅਵਿਆਂ ਦਾ ਖੰਡਨ ਕੀਤਾ ਹੈ। ਖ਼ਬਰ ਏਜੰਸੀ ANI ਨੂੰ ਦਿੱਤੇ ਬਿਆਨ ਵਿੱਚ ਢਾਬਾ ਮਾਲਕ ਚੰਨੀ ਸਿੰਘ ਨੇ ਕਿਹਾ ਕਿ ਨਾ ਤਾਂ ਅਸੀਂ ‘ਡੀਜ਼ਲ ਪਰੌਂਠਾ’ ਵਰਗਾ ਕੁਝ ਬਣਾਉਂਦੇ ਹਾਂ ਅਤੇ ਨਾ ਹੀ ਗਾਹਕਾਂ ਨੂੰ ਇਸ ਤਰ੍ਹਾਂ ਦੀ ਕੋਈ ਚੀਜ਼ ਪਰੋਸਦੇ ਹਾਂ। ਇੱਕ ਬਲਾਗਰ ਨੇ ਸਿਰਫ਼ ਮਨੋਰੰਜਨ ਲਈ ਵੀਡੀਓ ਬਣਾਈ ਸੀ। ਇਸ ਤਰ੍ਹਾਂ ਦਾ ਪਰੌਂਠਾ ਕੋਈ ਵੀ ਨਹੀਂ ਤਿਆਰ ਕਰੇਗਾ। ਪਰੌਂਠਾ ਡੀਜ਼ਲ ਵਿੱਚ ਨਹੀਂ ਪਕਾਇਆ ਜਾਂਦਾ। ਉਸ ਨੇ ਕਿਹਾ ਕਿ ਮੈਨੂੰ ਨਹੀਂ ਪਤਾ ਕਿ ਵੀਡੀਓ ਕਿਵੇਂ ਵਾਇਰਲ ਹੋ ਰਿਹਾ ਹੈ, ਮੈਨੂੰ ਕੱਲ੍ਹ ਹੀ ਪਤਾ ਲੱਗਾ।
#WATCH | In a viral video, a man in a Chandigarh dhaba was seen claiming that the oil he uses to make parathas is diesel. Owner of the dhaba refutes such claims.
Channi Singh, owner of the dhaba says, “We neither make any such thing as ‘diesel paratha’ nor serve any such thing… pic.twitter.com/15BJ7lMSR3
— ANI (@ANI) May 15, 2024
ਚੰਨੀ ਨੇ ਕਿਹਾ ਕਿ ਇਸ ਵੀਡੀਓ ਨੂੰ ਸਬੰਧਿਤ ਬਲਾਗਰ ਨੇ ਹਟਾ ਦਿੱਤਾ ਹੈ ਅਤੇ ਲੋਕਾਂ ਤੋਂ ਮੁਆਫ਼ੀ ਵੀ ਮੰਗੀ ਹੈ। ਢਾਬਾ ਮਾਲਕ ਨੇ ਦੱਸਿਆ ਕਿ ਅਸੀਂ ਸਿਰਫ਼ ਖਾਣ ਵਾਲੇ ਤੇਲ ਦੀ ਹੀ ਵਰਤੋਂ ਕਰਦੇ ਹਾਂ ਅਤੇ ਇੱਥੇ ਲੋਕਾਂ ਨੂੰ ਸਾਫ਼-ਸੁਥਰਾ ਖਾਣਾ ਮੁਹੱਈਆ ਕਰਵਾਇਆ ਜਾਂਦਾ ਹੈ। ਅਸੀਂ ਇੱਥੋਂ ਲੰਗਰ ਵੀ ਸਪਲਾਈ ਕਰਦੇ ਹਾਂ। ਅਸੀਂ ਲੋਕਾਂ ਦੀ ਜ਼ਿੰਦਗੀ ਨਾਲ ਖਿਲਵਾੜ ਨਹੀਂ ਕਰਦੇ।
ਦਰਅਸਲ ਇੰਟਰਨੈੱਟ ’ਤੇ ‘ਕੈਂਸਰ ਡਾਕਟਰ’ ਦੇ ਐਕਸ ਨਾਮਕ ਯੂਜ਼ਰ ਨੇ ਇਹ ਵੀਡੀਓ ਪੋਸਟ ਕਰਕੇ ਲਿਖਿਆ ਹੈ ਕਿ ਅੱਗੇ ਕੀ ਹੋਵੇਗਾ, ਹਾਰਪਿਕ ਪਰਾਠਾ? ਜਦੋਂ ICMR ਤੁਹਾਨੂੰ ਵੇਅ ਪ੍ਰੋਟੀਨ ਤੋਂ ਬਚਣ ਦੀ ਸਲਾਹ ਦਿੰਦਾ ਹੈ ਅਤੇ FSSAI ਮਸਾਲੇ ਵਿੱਚ ਐਥੀਲੀਨ ਆਕਸਾਈਡ ਦੇ ਪੱਧਰਾਂ ਦੀ ਪਰਵਾਹ ਨਹੀਂ ਕਰਦਾ… ਅਸੀਂ ਕੀ ਕਹਿ ਸਕਦੇ ਹਾਂ? ਕੋਈ ਹੈਰਾਨੀ ਨਹੀਂ ਕਿ ਭਾਰਤ ਦੁਨੀਆ ਦੀ ਕੈਂਸਰ ਦੀ ਰਾਜਧਾਨੀ ਹੈ।
What’s next??
Harpic ParanthaWhen ICMR recommends you to avoid whey protein and FSSAI don’t care about the Ethylene oxide level in the masala…what can we say. No wonder India is the cancer capital of the world. pic.twitter.com/O3aeqlJUAR
— The Cancer Doctor (@DoctorHussain96) May 12, 2024
ਸੋਸ਼ਲ ਮੀਡੀਆ ’ਤੇ ਇਸ ਪਰੌਂਠੇ ਬਾਰੇ ਨਕਾਰਾਤਮਕ ਟਿੱਪਣੀਆਂ ਤੋਂ ਬਾਅਜ ਢਾਬਾ ਮਾਲਕ ਨੇ ਹੁਣ ਆਪਣਾ ਪੱਖ ਸਾਂਝਾ ਕੀਤਾ ਹੈ।
