‘ਦ ਖ਼ਾਲਸ ਟੀਵੀ ਬਿਊਰੋ(ਜਗਜੀਵਨ ਮੀਤ):-ਉੱਤਰ ਪ੍ਰਦੇਸ਼ ਵਿੱਚ ਇਕ ਵਿਆਹ ਦਾ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ।ਇੱਥੋਂ ਦੇ ਫਿਰੋਜ਼ਾਬਾਦ ਦੇ ਟੁੰਡਲਾ ਵਿੱਚ ਇਕ ਨੌਜਵਾਨ ਨੇ ਮੁੱਖ ਮੰਤਰੀ ਸਮੂਹਿਕ ਵਿਆਹ ਯੋਜਨਾ ਤਹਿਤ ਆਪਣੀ ਭੈਣ ਨਾਲ ਹੀ ਵਿਆਹ ਕਰਵਾ ਲਿਆ।ਜਾਂਚ ‘ਚ ਮਾਮਲਾ ਖੁੱਲ੍ਹਣ ‘ਤੇ ਅਧਿਕਾਰੀਆਂ ਨੇ ਉਕਤ ਨੌਜਵਾਨ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ ਹੈ। ਇਸ ਦੇ ਨਾਲ ਹੀ ਵਿਆਹ ਲਈ ਜੋੜਿਆਂ ਦੀ ਤਸਦੀਕ ਕਰਨ ਵਾਲੇ ਅਧਿਕਾਰੀਆਂ ਤੋਂ ਵੀ ਜਵਾਬ ਮੰਗੇ ਗਏ ਹਨ।
ਦਰਅਸਲ ਸ਼ਨੀਵਾਰ ਨੂੰ ਟੁੰਡਲਾ ਦੇ ਬਲਾਕ ਵਿਕਾਸ ਦਫਤਰ ਕੰਪਲੈਕਸ ‘ਚ ਮੁੱਖ ਮੰਤਰੀ ਦਾ ਸਮੂਹਿਕ ਵਿਆਹ ਪ੍ਰੋਗਰਾਮ ਕਰਵਾਇਆ ਗਿਆ। ਇਸ ਸਮਾਰੋਹ ਵਿੱਚ ਟੁੰਡਲਾ ਨਗਰ ਪਾਲਿਕਾ ਟੁੰਡਲਾ ਬਲਾਕ ਅਤੇ ਨਰਖੀ ਬਲਾਕ ਦੇ 51 ਜੋੜਿਆਂ ਦੇ ਵਿਆਹ ਕਰਵਾਏ ਗਏ। ਸਮਾਗਮ ਵਿੱਚ ਸਾਰੇ ਜੋੜਿਆਂ ਨੂੰ ਘਰੇਲੂ ਸਮਾਨ ਅਤੇ ਕੱਪੜੇ ਆਦਿ ਪ੍ਰਦਾਨ ਕੀਤੇ ਗਏ।
ਜਦੋਂ ਵਿਆਹ ਸਮਾਗਮ ਵਿੱਚ ਕੁਝ ਜੋੜਿਆਂ ਦੀਆਂ ਵੀਡੀਓਜ਼ ਅਤੇ ਫੋਟੋਆਂ ਇਲਾਕੇ ਦੇ ਲੋਕਾਂ ਅਤੇ ਪਿੰਡ ਦੇ ਮੁਖੀ ਤੱਕ ਪਹੁੰਚੀਆਂ ਤਾਂ ਪਤਾ ਲੱਗਾ ਕਿ ਰਿਸ਼ਤੇਦਾਰੀ ਦੇ ਵਿਆਹ ਵਾਲੇ ਭਰਾ ਨੇ ਹੀ ਭੈਣ ਨਾਲ ਵਿਆਹ ਕਰਵਾ ਲਿਆ ਹੈ। ਇਸ ਮਾਮਲੇ ਦੀ ਜਾਂਚ ਤੋਂ ਬਾਅਦ ਸਮਾਜ ਭਲਾਈ ਵਿਭਾਗ ਦੇ ਸਹਾਇਕ ਵਿਕਾਸ ਅਫ਼ਸਰ ਚੰਦਰਭਾਨ ਸਿੰਘ ਨੇ ਨਗਲਾ ਪ੍ਰੇਮ ਦੇ ਭਰਾ ਖ਼ਿਲਾਫ਼ ਪਰਚਾ ਦਰਜ ਕਰ ਲਿਆ ਹੈ।