ਉੱਤਰ ਪ੍ਰਦੇਸ਼ ਦੇ ਜਿਲ੍ਹਾ ਉੱਨਾਵ ‘ਚ ਕੱਪੜੇ ਨਾਲ ਬੰਨ੍ਹ ਕੇ ਖੇਤ ‘ਚ ਸੁੱਟੀਆਂ ਤਿੰਨ ਲੜਕੀਆਂ ਮਿਲੀਆਂ, ਦੋ ਦੀ ਮੌਤ

‘ਦ ਖ਼ਾਲਸ ਬਿਊਰੋ(ਜਗਜੀਵਨ ਮੀਤ):-ਉੱਤਰ ਪ੍ਰਦੇਸ਼ ਦੇ ਜਿਲ੍ਹਾ ਉੱਨਾਵ ‘ਚ ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਇੱਕ ਖੇਤ ਵਿੱਚ ਕੱਪੜੇ ਨਾਲ ਬੰਨ੍ਹ ਕੇ ਤਿੰਨ ਲੜਕੀਆਂ ਨੂੰ ਸੁੱਟਿਆ ਗਿਆ ਸੀ। ਇਨ੍ਹਾਂ ਵਿੱਚੋਂ ਦੋ ਦੀ ਮੌਤ ਹੋ ਚੁੱਕੀ ਹੈ ਅਤੇ ਇੱਕ ਦੀ ਹਾਲਤ ਗੰਭੀਰ ਹੈ। ਪੁਲਿਸ ਅਨੁਸਾਰ ਇਹ ਮਾਮਲਾ ਅਸੋਹਾ ਥਾਣਾ ਖੇਤਰ ਦਾ ਹੈ। ਇਹ ਤਿੰਨੇਂ ਲੜਕੀਆਂ ਬੇਹੋਸ਼ੀ ਦੀ ਹਾਲਤ ਵਿੱਚ ਸਨ ਤੇ ਤਿੰਨਾਂ ਦੇ ਹੱਥ ਪੈਰ ਕੱਪੜੇ ਨਾਲ ਬੰਨ੍ਹੇ ਹੋਏ ਸਨ। ਪੁਲਿਸ ਅਨੁਸਾਰ ਖੇਤ ਵਿੱਚ ਝੰਗ ਵਗੈਰਾ ਮਿਲਣ ਨਾਲ ਇਹ ਅੰਦਾਜਾ ਲਾਇਆ ਜਾ ਰਿਹਾ ਹੈ ਕਿ ਇਨ੍ਹਾਂ ਨੂੰ ਜ਼ਹਿਰ ਦਿੱਤੀ ਗਈ ਹੈ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ।