ਚੰਡੀਗੜ੍ਹ-ਕੀ ਤੁਸੀਂ ਵੀ ਗਾਜਰ, ਮੂਲੀ, ਸ਼ਲਗਮ, ਗੋਭੀ ਜਾਂ ਬੰਦਗੋਭੀ ਵਰਗੀਆਂ ਸਬਜ਼ੀਆਂ ਨੂੰ ਚੰਗੀ ਤਰ੍ਹਾਂ ਸਾਫ਼ ਕੀਤੇ ਬਿਨਾਂ ਖਾਂਦੇ ਹੋ ਜਾਂ ਕੱਚੀ ਖਾਂਦੇ ਹੋ? ਜੇ ਹਾਂ ਤਾਂ ਇਹ ਆਦਤ ਵੱਡੀ ਮੁਸੀਬਤ ਦਾ ਕਾਰਨ ਬਣ ਸਕਦੀ ਹੈ ! ਕੀੜੇ (ਟੇਪਵਰਮ) ਕੱਚੀ ਸਬਜ਼ੀਆਂ ਰਾਹੀਂ ਸਰੀਰ ਵਿੱਚ ਦਾਖਲ ਹੋ ਸਕਦੇ ਹਨ ਅਤੇ ਤੁਹਾਨੂੰ ਬਹੁਤ ਬਿਮਾਰ ਕਰ ਸਕਦੇ ਹਨ। ਬਨਾਰਸ ਹਿੰਦੂ ਯੂਨੀਵਰਸਿਟੀ (BHU) ਦੇ ਮਸ਼ਹੂਰ ਨਿਊਰੋਲੋਜਿਸਟ ਡਾਕਟਰ ਵਿਜੇ ਨਾਥ ਮਿਸ਼ਰਾ ਨੇ ਆਪਣੇ ਟਵਿੱਟਰ ਹੈਂਡਲ ‘ਤੇ ਇਕ ਪੋਸਟ ‘ਚ ਇਸ ਬਾਰੇ ਚੇਤਾਵਨੀ ਦਿੱਤੀ ਹੈ।
ਡਾਕਟਰ ਵੀਐਨ ਮਿਸ਼ਰਾ ਨੇ ਆਪਣੇ ਟਵਿੱਟਰ ਹੈਂਡਲ ‘ਤੇ ਇੱਕ ਪੋਸਟ ਵਿੱਚ 25 ਸਾਲਾ ਮਰੀਜ਼ ਦੀ ਐਮਆਰਆਈ ਫਿਲਮ ਸਾਂਝੀ ਕੀਤੀ ਹੈ। ਇਸ ਫਿਲਮ ਵਿੱਚ ਮਰੀਜ਼ ਦੇ ਦਿਮਾਗ ਵਿੱਚ ਸੈਂਕੜੇ ਕੀੜੇ ਨਜ਼ਰ ਆਉਂਦੇ ਹਨ। ਡਾਕਟਰ ਮਿਸ਼ਰਾ ਨੇ ਆਪਣੀ ਪੋਸਟ ‘ਚ ਲਿਖਿਆ, ‘ਇਹ ਵਿਅਕਤੀ 25 ਸਾਲ ਦਾ ਹੈ ਅਤੇ ਪੂਰੀ ਤਰ੍ਹਾਂ ਸ਼ਾਕਾਹਾਰੀ ਹੈ। ਇਹ ਉਸਦਾ ਪਸੰਦੀਦਾ ਪਕਵਾਨ ਸੀ। ਖੇਤਾਂ ਵਿੱਚੋਂ ਸਿੱਧੀਆਂ ਕੱਚੀਆਂ ਸਬਜ਼ੀਆਂ ਖਾ ਲੈਂਦਾ ਸੀ। ਉਹ ਮੂਲੀ ਅਤੇ ਗੋਭੀ ਵਰਗੀਆਂ ਚੀਜ਼ਾਂ ਨੂੰ ਹਲਕਾ ਜਿਹਾ ਧੋ ਕੇ ਖਾਂਦਾ ਸੀ.. ਹੁਣ ਇਹ ਕੀੜੇ ਸਾਰੀ ਉਮਰ ਉਨ੍ਹਾਂ ਦੇ ਸਰੀਰ ਵਿੱਚ ਰਹਿਣਗੇ।
दिमाग़ में कीड़े ही कीड़े!
ये व्यक्ति २५ वर्ष के हैं और पूर्ण रूप से शाकाहारी हैं!
इनकी एक पसंदीदा डिश थी, खेतों से सीधे सब्ज़ी खाने की, जिसमें ये हज़ार मूली पत्ता गोभी बस झारे और हल्का सा धो के खा लिये!
अब देखिये, जीवन भर के लिए ये कीड़े इनके शरीर में ही रहेंगे!
पैर हाथ… pic.twitter.com/WyVi5r6AMj
— Vijaya Nath Mishra O+ (@DrVNMishraa) November 28, 2023
ਡਾਕਟਰ ਮਿਸ਼ਰਾ ਨੇ ਆਪਣੀ ਪੋਸਟ ਵਿੱਚ ਇਹ ਵੀ ਲਿਖਿਆ ਹੈ ਕਿ ਮਰੀਜ਼ ਦੇ ਦਿਮਾਗ ਹੀ ਨਹੀਂ ਸਗੋਂ ਲੱਤਾਂ, ਹੱਥਾਂ ਅਤੇ ਜੀਭ ਦੀਆਂ ਮਾਸਪੇਸ਼ੀਆਂ ਵੀ ਕੀੜਿਆਂ ਦੀ ਲਪੇਟ ਵਿੱਚ ਆ ਗਈਆਂ ਹਨ। ਡਾ.ਵੀ.ਐਨ ਮਿਸ਼ਰਾ ਦੱਸਦੇ ਹਨ ਕਿ ਗੋਭੀ ਵਿੱਚ ਪਾਏ ਜਾਣ ਵਾਲੇ ਕੀੜੇ ਮਿਰਗੀ ਦਾ ਕਾਰਨ ਬਣਦੇ ਹਨ। ਇਹ ਕੀੜੇ ਇੰਨੇ ਖਤਰਨਾਕ ਹੁੰਦੇ ਹਨ ਕਿ ਇਹ ਦਿਮਾਗ ਨੂੰ ਸਥਾਈ ਤੌਰ ‘ਤੇ ਨੁਕਸਾਨ ਪਹੁੰਚਾ ਸਕਦੇ ਹਨ
ਹਰੀਆਂ ਸਬਜ਼ੀਆਂ ਕਿਵੇਂ ਖਾਣੀਆਂ ਚਾਹੀਦੀਆਂ ਹਨ? ਕੀ ਬੰਦਗੋਭੀ ਜਾਂ ਮੂਲੀ-ਗਾਜਰ ਵਰਗੀਆਂ ਸਬਜ਼ੀਆਂ ਖਾਣੀਆਂ ਬੰਦ ਕਰ ਦੇਣੀਆਂ ਚਾਹੀਦੀਆਂ ਹਨ? ਡਾ: ਮਿਸ਼ਰਾ ਦਾ ਕਹਿਣਾ ਹੈ ਕਿ ਹਰੀਆਂ ਸਬਜ਼ੀਆਂ ਬਿਲਕੁਲ ਖਾ ਸਕਦੇ ਹਾਂ, ਪਰ ਇਨ੍ਹਾਂ ਨੂੰ ਚੰਗੀ ਤਰ੍ਹਾਂ ਧੋ ਕੇ ਖਾਓ। ਮੂਲੀ ਅਤੇ ਗਾਜਰ ਨੂੰ ਧੋ ਕੇ ਛਿੱਲ ਲਓ ਅਤੇ ਉਸ ਤੋਂ ਬਾਅਦ ਹੀ ਖਾਓ।
ਗੋਭੀ ਕਿਵੇਂ ਖਾਈਏ?
ਗੋਭੀ ਨੂੰ ਕੱਟੋ, ਇਸ ਨੂੰ ਧੋਵੋ ਅਤੇ 30 ਮਿੰਟ ਲਈ ਨਮਕ ਦੇ ਕੋਸੇ ਪਾਣੀ ਵਿੱਚ ਭਿਉਂ ਦਿਓ। ਅੱਧੇ ਘੰਟੇ ਬਾਅਦ ਪਾਣੀ ਸੁੱਟ ਦਿਓ। ਇਸ ਤੋਂ ਬਾਅਦ ਤੀਜੀ ਵਾਰ ਹਲਕੇ ਪਾਣੀ ਨਾਲ ਧੋ ਕੇ ਖਾਓ।
