ਬਿਊਰੋ ਰਿਪੋਰਟ (3 ਅਕਤੂਬਰ 2025): ਅਮਰੀਕਾ ਦੀ ਸਰਕਾਰ ਲਗਭਗ ਸੱਤ ਸਾਲ ਬਾਅਦ ਮੁੜ ਸ਼ਟਡਾਊਨ ਹੋ ਗਈ ਹੈ। ਰਿਪਬਲਿਕਨ ਅਤੇ ਡੈਮੋਕ੍ਰੈਟਿਕ ਪਾਰਟੀਆਂ ਫੈਡਰਲ ਸਰਕਾਰ ਦੀ ਫੰਡਿੰਗ ਲਈ ਸਮਝੌਤੇ ’ਤੇ ਨਹੀਂ ਪਹੁੰਚ ਸਕੀਆਂ, ਜਿਸ ਕਰਕੇ ਇਹ ਕਦਮ ਚੁੱਕਿਆ ਗਿਆ।
ਸ਼ਟਡਾਊਨ ਦੌਰਾਨ ਭਾਰਤ ਵਿੱਚ ਅਮਰੀਕੀ ਦੂਤਾਵਾਸ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X (ਪਹਿਲਾਂ Twitter) ’ਤੇ ਅਪਡੇਟ ਸਾਂਝੀ ਕੀਤੀ। ਦੂਤਾਵਾਸ ਨੇ ਕਿਹਾ ਕਿ ਸਰਕਾਰੀ ਕਾਰਜ ਮੁੜ ਪੂਰੀ ਤਰ੍ਹਾਂ ਸ਼ੁਰੂ ਹੋਣ ਤੱਕ X ਅਕਾਊਂਟ ਨੂੰ ਨਿਯਮਿਤ ਤੌਰ ’ਤੇ ਅਪਡੇਟ ਨਹੀਂ ਕੀਤਾ ਜਾਵੇਗਾ। ਹਾਲਾਂਕਿ, ਤੁਰੰਤ ਸੁਰੱਖਿਆ ਅਤੇ ਸੁਰੱਖਿਆ ਸਬੰਧੀ ਜਾਣਕਾਰੀ ਦੇਣ ਨੂੰ ਇਸ ’ਚੋਂ ਬਾਹਰ ਰੱਖਿਆ ਗਿਆ ਹੈ।
ਦੂਤਾਵਾਸ ਨੇ ਪੋਸਟ ਵਿੱਚ ਲਿਖਿਆ – “ਫੰਡਿੰਗ ਵਿੱਚ ਰੁਕਾਵਟ ਕਾਰਨ, ਤੁਰੰਤ ਸੁਰੱਖਿਆ ਜਾਣਕਾਰੀ ਦੇ ਸਿਵਾਏ ਇਹ X ਅਕਾਊਂਟ ਪੂਰੇ ਕਾਰਜ ਮੁੜ ਸ਼ੁਰੂ ਹੋਣ ਤੱਕ ਨਿਯਮਿਤ ਅਪਡੇਟ ਨਹੀਂ ਕੀਤਾ ਜਾਵੇਗਾ।”
Because of the lapse in appropriations, this X account will not be updated regularly until full operations resume, with the exception of urgent safety and security information. pic.twitter.com/CNd6FtVuZh
— U.S. Embassy India (@USAndIndia) October 1, 2025
At this time, scheduled passport and visa services in the United States and at U.S. Embassies and Consulates overseas will continue during the lapse in appropriations as the situation permits. We will not update this account until full operations resume, with the exception of…
— U.S. Embassy India (@USAndIndia) October 1, 2025
ਅਮਰੀਕੀ ਸਰਕਾਰ ਕਿਉਂ ਹੋਈ ਸ਼ਟਡਾਊਨ?
ਹਰ ਸਾਲ ਕਾਂਗਰਸ ਨੂੰ 1 ਅਕਤੂਬਰ ਤੋਂ ਪਹਿਲਾਂ ਸਰਕਾਰੀ ਵਿਭਾਗਾਂ ਅਤੇ ਫੈਡਰਲ ਏਜੰਸੀਆਂ ਨੂੰ ਚਲਾਉਣ ਲਈ ਫੰਡਿੰਗ ਬਿੱਲਾਂ ’ਤੇ ਮਨਜ਼ੂਰੀ ਦੇਣੀ ਲਾਜ਼ਮੀ ਹੁੰਦੀ ਹੈ। ਪਰ ਇਸ ਸਾਲ ਮਿਆਦ ਤੋਂ ਪਹਿਲਾਂ ਕੋਈ ਬਿੱਲ ਪਾਸ ਨਹੀਂ ਹੋ ਸਕਿਆ।
ਰਿਪਬਲਿਕਨ ਲੀਡਰ ਸਰਕਾਰ ਨੂੰ ਖੁੱਲ੍ਹਾ ਰੱਖਣ ਲਈ ਅਸਥਾਈ ਕਦਮ ਲਿਆਉਣਾ ਚਾਹੁੰਦੇ ਸਨ, ਪਰ ਡੈਮੋਕ੍ਰੈਟਿਕ ਲੀਡਰਾਂ ਨੇ ਸਿਹਤ ਬੀਮਾ ਸਬਸਿਡੀਆਂ ਦੀ ਸਥਾਈ ਵਾਧੇ ਦੀ ਮੰਗ ਕੀਤੀ, ਜਿਸ ’ਤੇ ਸਮਝੌਤਾ ਨਹੀਂ ਹੋ ਸਕਿਆ।
ਆਖਰੀ ਵਾਰ ਦਸੰਬਰ 2018 ਵਿੱਚ ਸਰਕਾਰ ਦਾ ਸ਼ਟਡਾਊਨ ਹੋਇਆ ਸੀ, ਜੋ 35 ਦਿਨ ਚੱਲਿਆ ਸੀ।
ਸ਼ਟਡਾਊਨ ਦਾ ਪ੍ਰਭਾਵ
ਸ਼ਟਡਾਊਨ ਦੇ ਦੌਰਾਨ ਸਰਕਾਰ ਦੇ “ਗੈਰ-ਜ਼ਰੂਰੀ” ਕੰਮ ਰੁਕ ਜਾਂਦੇ ਹਨ। ਇਸ ਨਾਲ ਵੀਜ਼ਾ ਤੇ ਪਾਸਪੋਰਟ ਸੇਵਾਵਾਂ, NASA, Department of Education, ਅਤੇ ਨੈਸ਼ਨਲ ਪਾਰਕ ਸਮੇਤ ਕਈ ਫੈਡਰਲ ਏਜੰਸੀਆਂ ਪ੍ਰਭਾਵਿਤ ਹੁੰਦੀਆਂ ਹਨ।
ਲੋੜੀਂਦੇ ਕੰਮਾਂ ਨਾਲ ਜੁੜੇ ਕਰਮਚਾਰੀ, ਜਿਵੇਂ ਏਅਰ ਟ੍ਰੈਫਿਕ ਕੰਟਰੋਲਰ, TSA ਅਧਿਕਾਰੀ, ਬਾਰਡਰ ਪੈਟਰੋਲ, FBI ਅਤੇ CIA ਦੇ ਅਧਿਕਾਰੀ, ਆਪਣਾ ਕੰਮ ਜਾਰੀ ਰੱਖਦੇ ਹਨ। ਕਈ ਵਾਰ ਇਹ ਬਿਨਾਂ ਤਨਖ਼ਾਹ ਦੇ ਵੀ ਕੰਮ ਜਾਰੀ ਰੱਖਦੇ ਹਨ।
ਰਾਸ਼ਟਰਪਤੀ ਟਰੰਪ ਨੇ ਕਿਹਾ ਕਿ “ਜਦੋਂ ਤੁਸੀਂ ਸਰਕਾਰ ਨੂੰ ਬੰਦ ਕਰਦੇ ਹੋ, ਤਾਂ ਕਈ ਲੋਕਾਂ ਨੂੰ ਨੌਕਰੀ ਤੋਂ ਹਟਾਉਣਾ ਪੈਂਦਾ ਹੈ, ਜਿਸ ਨਾਲ ਉਹਨਾਂ ’ਤੇ ਗੰਭੀਰ ਪ੍ਰਭਾਵ ਪੈਂਦਾ ਹੈ।”
