ਨਿਊਯਾਰਕ ਟਾਈਮਜ਼ ਨੇ ਐਫਡੀਏ ਦੇ ਇੱਕ ਅੰਦਰੂਨੀ ਮੀਮੋ ਦਾ ਹਵਾਲਾ ਦਿੰਦਿਆਂ ਰਿਪੋਰਟ ਕੀਤਾ ਹੈ ਕਿ ਅਮਰੀਕਾ ਵਿੱਚ ਕੋਵਿਡ-19 ਟੀਕਾਕਰਨ ਤੋਂ ਬਾਅਦ ਘੱਟੋ-ਘੱਟ 10 ਬੱਚਿਆਂ ਦੀ ਮੌਤ ਹੋਈ ਹੈ। ਇਹ ਮੌਤਾਂ ਮੁੱਖ ਤੌਰ ਤੇ ਮਾਈਓਕਾਰਡਾਈਟਿਸ (ਦਿਲ ਦੀ ਸੋਜ) ਨਾਲ ਜੁੜੀਆਂ ਦੱਸੀਆਂ ਗਈਆਂ ਹਨ। ਇਹ ਮੀਮੋ ਐਫਡੀਏ ਦੇ ਮੁੱਖ ਮੈਡੀਕਲ ਅਤੇ ਵਿਗਿਆਨਕ ਅਧਿਕਾਰੀ ਡਾ. ਵਿਨੇ ਪ੍ਰਸਾਦ ਨੇ ਲਿਖਿਆ ਸੀ।2021–2024 ਦੌਰਾਨ ਵੈਕਸੀਨ ਤੋਂ ਬਾਅਦ ਰਿਪੋਰਟ ਹੋਈਆਂ 96 ਬੱਚਿਆਂ ਦੀਆਂ ਮੌਤਾਂ ਦੀ ਜਾਂਚ ਕੀਤੀ ਗਈ।
Economic times ‘ਚ ਨਲ਼ਰ ਹੋਈ ਇੱਕ ਖ਼ਬਰ ਦੇ ਮੁਤਾਬਕ ਇਨ੍ਹਾਂ ਵਿੱਚੋਂ ਸ਼ੁਰੂਆਤੀ ਮੁਲਾਂਕਣ ਮੁਤਾਬਕ ਘੱਟੋ-ਘੱਟ 10 ਮਾਮਲੇ ਸਿੱਧੇ ਤੌਰ ਤੇ ਟੀਕੇ ਨਾਲ ਜੁੜੇ ਮਿਲੇ ਹਨ। ਬਾਕੀ ਮਾਮਲਿਆਂ ਵਿੱਚ ਬੱਚਿਆਂ ਦੀਆਂ ਪਹਿਲਾਂ ਹੀ ਮੌਜੂਦ ਬਿਮਾਰੀਆਂ ਜਾਂ ਹੋਰ ਕਾਰਨ ਸਨ। ਖਾਸ ਕਰਕੇ 7–16 ਸਾਲ ਦੇ ਬੱਚਿਆਂ ਦੀਆਂ ਮੌਤਾਂ ਦੀ ਜਾਂਚ ਬਹੁਤ ਔਖੀ ਸਾਬਤ ਹੋਈ। ਮੀਮੋ ਵਿੱਚ ਬੱਚਿਆਂ ਦੀ ਉਮਰ, ਪਹਿਲਾਂ ਦੀਆਂ ਬਿਮਾਰੀਆਂ ਜਾਂ ਕਿਹੜੀ ਕੰਪਨੀ ਦਾ ਟੀਕਾ ਲੱਗਾ ਸੀ, ਇਸ ਦਾ ਵੇਰਵਾ ਨਹੀਂ ਦਿੱਤਾ ਗਿਆ।
ਇਹ ਪਹਿਲੀ ਵਾਰ ਹੈ ਜਦੋਂ ਐਫਡੀਏ ਨੇ ਅਮਰੀਕੀ ਬੱਚਿਆਂ ਵਿੱਚ ਕੋਵਿਡ ਵੈਕਸੀਨ ਨਾਲ ਸਿੱਧੀਆਂ ਘਾਤਕ ਮੌਤਾਂ ਨੂੰ ਸਵੀਕਾਰ ਕੀਤਾ ਹੈ। ਇਹ ਖੋਜ ਅਜੇ ਤੱਕ ਕਿਸੇ ਪੀਅਰ-ਰਿਵਿਊਡ ਮੈਡੀਕਲ ਜਰਨਲ ਵਿੱਚ ਪ੍ਰਕਾਸ਼ਿਤ ਨਹੀਂ ਹੋਈ, ਇਸ ਲਈ ਵਿਗਿਆਨਕ ਪੁਸ਼ਟੀ ਅਜੇ ਬਾਕੀ ਹੈ। ਡਾ. ਪ੍ਰਸਾਦ ਨੇ ਸਿਫਾਰਸ਼ ਕੀਤੀ ਕਿ ਸਾਰੇ ਉਮਰ ਸਮੂਹਾਂ ਵਿੱਚ ਟੀਕੇ ਦੀ ਸੁਰੱਖਿਆ ਅਤੇ ਪ੍ਰਭਾਵਸ਼ੀਲਤਾ ਦੀ ਹੋਰ ਬੇਤਰਤੀਬ (randomized) ਅਧਿਐਨਾਂ ਦੀ ਲੋੜ ਹੈ।
ਨਵੇਂ ਸਿਹਤ ਸਕੱਤਰ ਰੌਬਰਟ ਐਫ. ਕੈਨੇਡੀ ਜੂਨੀਅਰ ਨੇ ਨਵੰਬਰ 2025 ਵਿੱਚ ਵੱਡਾ ਨੀਤੀਗਤ ਬਦਲਾਅ ਕੀਤਾ ਹੈ। ਹੁਣ ਕੋਵਿਡ ਵੈਕਸੀਨ ਸਿਰਫ਼ 65 ਸਾਲ ਤੋਂ ਵੱਧ ਉਮਰ ਵਾਲੇ ਅਤੇ ਗੰਭੀਰ ਬਿਮਾਰੀਆਂ ਵਾਲੇ ਲੋਕਾਂ ਨੂੰ ਹੀ ਲਗਾਈ ਜਾਵੇਗੀ। ਬੱਚਿਆਂ ਅਤੇ ਸਿਹਤਮੰਦ ਨੌਜਵਾਨਾਂ ਲਈ ਇਸ ਦੀ ਸਿਫਾਰਸ਼ ਖਤਮ ਕਰ ਦਿੱਤੀ ਗਈ ਹੈ।
ਐਫਡੀਏ ਅਤੇ ਸੀਡੀਸੀ ਨੇ ਮੰਨਿਆ ਕਿ 2020–2023 ਵਿੱਚ ਕੋਵਿਡ ਨਾਲ 5–18 ਸਾਲ ਦੇ 1,071 ਅਮਰੀਕੀ ਬੱਚੇ ਮਰੇ, ਪਰ ਵੈਕਸੀਨ ਨੇ ਬੱਚਿਆਂ ਵਿੱਚ ਕਿੰਨੀਆਂ ਜਾਨਾਂ ਬਚਾਈਆਂ, ਇਸ ਦਾ ਸਪੱਸ਼ਟ ਅੰਕੜਾ ਨਹੀਂ ਦਿੱਤਾ ਗਿਆ। ਐਫਡੀਏ ਕਮਿਸ਼ਨਰ ਮਾਰਟੀ ਮਕੈਰੀ ਨੇ ਕਿਹਾ ਕਿ ਬਜ਼ੁਰਗਾਂ ਲਈ ਵੈਕਸੀਨ ਅਜੇ ਵੀ ਬਹੁਤ ਲਾਭਦਾਇਕ ਹੈ। ਅਗਲੇ ਹਫ਼ਤੇ ਸੀਡੀਸੀ ਦੀ ਟੀਕਾ ਸਲਾਹਕਾਰ ਕਮੇਟੀ ਬੱਚਿਆਂ ਲਈ ਨੀਤੀ ਦੀ ਮੁੜ ਸਮੀਖਿਆ ਕਰੇਗੀ।