ਓਡੀਸ਼ਾ ਦੇ ਗੰਜਮ ਜ਼ਿਲ੍ਹੇ ਦੇ ਖਾਰੀਗੁਮਾ ਪਿੰਡ ਵਿੱਚ ਐਤਵਾਰ ਨੂੰ ਗਊ ਤਸਕਰੀ ਦੇ ਸ਼ੱਕ ਵਿੱਚ ਦੋ ਦਲਿਤ ਨੌਜਵਾਨਾਂ, ਬਾਬੂਲਾ ਨਾਇਕ ਅਤੇ ਬੁੱਲੂ ਨਾਇਕ, ਨੂੰ ਬੇਰਹਿਮੀ ਨਾਲ ਕੁੱਟਿਆ ਗਿਆ। ਉਨ੍ਹਾਂ ਦੇ ਅੱਧੇ ਸਿਰ ਮੁੰਨੇ ਗਏ, ਗੋਡਿਆਂ ਭਾਰ ਰੀਂਗਣ, ਘਾਹ ਖਾਣ ਅਤੇ ਨਾਲੀ ਦਾ ਪਾਣੀ ਪੀਣ ਲਈ ਮਜਬੂਰ ਕੀਤਾ ਗਿਆ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ।
ਪੁਲਿਸ ਮੁਤਾਬਕ, ਸਿੰਗੀਪੁਰ ਪਿੰਡ ਦੇ ਇਹ ਨੌਜਵਾਨ ਦੋ ਗਾਵਾਂ ਅਤੇ ਇੱਕ ਵੱਛੇ ਨੂੰ ਹਰੀਪੁਰ ਤੋਂ ਆਪਣੇ ਪਿੰਡ ਲੈ ਜਾ ਰਹੇ ਸਨ। ਖਾਰੀਗੁਮਾ ਵਿੱਚ ਗਊ-ਰੱਖਿਅਕਾਂ ਨੇ ਉਨ੍ਹਾਂ ਨੂੰ ਰੋਕ ਕੇ 30 ਹਜ਼ਾਰ ਰੁਪਏ ਮੰਗੇ। ਇਨਕਾਰ ਕਰਨ ‘ਤੇ ਉਨ੍ਹਾਂ ਨੂੰ ਕੁੱਟਿਆ, ਸੈਲੂਨ ਵਿੱਚ ਲੈ ਜਾ ਕੇ ਸਿਰ ਮੁੰਨੇ, ਅਤੇ ਇੱਕ ਕਿਲੋਮੀਟਰ ਤੱਕ ਗੋਡਿਆਂ ਭਾਰ ਰੀਂਗਣ ਲਈ ਮਜਬੂਰ ਕੀਤਾ। ਉਨ੍ਹਾਂ ਨੂੰ ਘਾਹ ਅਤੇ ਨਾਲੀ ਦਾ ਪਾਣੀ ਵੀ ਖੁਆਇਆ ਗਿਆ।
ओडिशा में दो दलित युवकों को घुटनों पर चलने, घास खाने और गंदा पानी पीने पर मजबूर करना सिर्फ़ अमानवीय नहीं, बल्कि मनुवादी सोच की बर्बरता है।
ये घटना उन लोगों के लिए आईना है जो कहते हैं कि जाति अब मुद्दा नहीं रही।
दलितों की गरिमा को रौंदने वाली हर घटना, बाबा साहेब के संविधान पर…
— Rahul Gandhi (@RahulGandhi) June 23, 2025
ਕਾਂਗਰਸ ਨੇਤਾ ਰਾਹੁਲ ਗਾਂਧੀ ਨੇ X ‘ਤੇ ਇਸ ਘਟਨਾ ਨੂੰ ਸੰਵਿਧਾਨ ਦਾ ਅਪਮਾਨ ਦੱਸਿਆ। ਉਨ੍ਹਾਂ ਕਿਹਾ ਕਿ ਭਾਜਪਾ ਸ਼ਾਸਿਤ ਰਾਜਾਂ ਵਿੱਚ ਅਜਿਹੀਆਂ ਘਟਨਾਵਾਂ ਨਫ਼ਰਤ ਅਤੇ ਭੇਦਭਾਵ ਦੀ ਰਾਜਨੀਤੀ ਕਾਰਨ ਵਧ ਰਹੀਆਂ ਹਨ। ਉਨ੍ਹਾਂ ਅਨੁਸਾਰ, ਦਲਿਤ ਨੌਜਵਾਨਾਂ ਨੂੰ ਅਜਿਹੀ ਅਣਮਨੁੱਖੀ ਸਜ਼ਾ ਦੇਣਾ ਮਨੂਵਾਦੀ ਸੋਚ ਦੀ ਬਰਬਰਤਾ ਹੈ ਅਤੇ ਸੰਵਿਧਾਨ, ਸਮਾਨਤਾ ਤੇ ਨਿਆਂ ਵਿਰੁੱਧ ਸਾਜ਼ਿਸ਼ ਹੈ। ਉਨ੍ਹਾਂ ਮੰਗ ਕੀਤੀ ਕਿ ਦੋਸ਼ੀਆਂ ਨੂੰ ਤੁਰੰਤ ਗ੍ਰਿਫਤਾਰ ਕਰਕੇ ਸਖ਼ਤ ਸਜ਼ਾ ਦਿੱਤੀ ਜਾਵੇ।
ਪੁਲਿਸ ਨੇ ਧਾਰਕੋਟ ਥਾਣੇ ਵਿੱਚ ਐਫਆਈਆਰ ਦਰਜ ਕੀਤੀ ਅਤੇ 9 ਮੁਲਜ਼ਮਾਂ ਨੂੰ ਹਿਰਾਸਤ ਵਿੱਚ ਲਿਆ। ਬਾਕੀਆਂ ਦੀ ਭਾਲ ਜਾਰੀ ਹੈ। ਗੰਜਮ ਦੇ ਐਸਪੀ ਸੁਵੇਂਦੂ ਕੁਮਾਰ ਪਾਤਰਾ ਨੇ ਪੁਸ਼ਟੀ ਕੀਤੀ ਕਿ ਜਾਂਚ ਚੱਲ ਰਹੀ ਹੈ। ਪੀੜਤਾਂ ਦਾ ਇਲਾਜ ਧਾਰਕੋਟ ਕਮਿਊਨਿਟੀ ਹੈਲਥ ਸੈਂਟਰ ਵਿੱਚ ਹੋਇਆ। ਸ਼ੁਰੂਆਤੀ ਜਾਂਚ ਵਿੱਚ ਪਤਾ ਲੱਗਾ ਕਿ ਹਮਲਾਵਰਾਂ ਦਾ ਮਕਸਦ ਗਊ ਰੱਖਿਆ ਨਹੀਂ, ਸਗੋਂ ਜਬਰੀ ਵਸੂਲੀ ਸੀ।
