The Khalas Tv Blog Manoranjan ਅਦਾਕਾਰਾ ਨੇ ਆਪਣੀ ਜੀਵਨ ਲੀਲ੍ਹਾ ਕੀਤੀ ਸਮਾਪਤ, ਨੋਟ ਵਿੱਚ ਦੱਸੀ ਵਜ੍ਹਾ..
Manoranjan

ਅਦਾਕਾਰਾ ਨੇ ਆਪਣੀ ਜੀਵਨ ਲੀਲ੍ਹਾ ਕੀਤੀ ਸਮਾਪਤ, ਨੋਟ ਵਿੱਚ ਦੱਸੀ ਵਜ੍ਹਾ..

ਉੱਭਰਦੀ ਅਦਾਕਾਰਾ ਪੌਲਿਨ ਜੈਸਿਕਾ ਉਰਫ ਦੀਪਾ ਦੀ ਫਾਈਲ ਫੋਟੋ। (Pic Source: Pauline Jessica's Instagram account)

ਤਾਮਿਲ ਫਿਲਮ ਇੰਡਸਟਰੀ ਤੋਂ ਇਕ ਹੈਰਾਨ ਕਰਨ ਵਾਲੀ ਖਬਰ ਸਾਹਮਣੇ ਆ ਰਹੀ ਹੈ। ਖਬਰ ਹੈ ਕਿ ਇੰਡਸਟਰੀ ਦੀ ਉੱਭਰਦੀ ਅਦਾਕਾਰਾ ਪੌਲਿਨ ਜੈਸਿਕਾ ਉਰਫ ਦੀਪਾ ਦੀ ਮੌਤ(Tamil actress Pauline Jessica death) ਹੋ ਗਈ ਹੈ। ‘ਵੈਧਾ’ ਸਾਊਥ ਅਦਾਕਾਰਾ ਦੀਪਾ ਉਰਫ਼ ਪੌਲੀਨ ਜੈਸਿਕਾ ਕਥਿਤ ਤੌਰ ‘ਤੇ ਆਪਣੇ ਘਰ ‘ਤੇ ਮ੍ਰਿਤਕ ਪਾਈ ਗਈ ਹੈ। ਉਸ ਦੀ ਲਾਸ਼ ਅਦਾਕਾਰਾ ਦੇ ਆਪਣੇ ਅਪਾਰਟਮੈਂਟ ਵਿੱਚ ਲਟਕਦੀ ਮਿਲੀ। ਪੁਲਿਸ ਮੁਤਾਬਕ 29 ਸਾਲਾ ਅਦਾਕਾਰਾ ਨੇ ਕਥਿਤ ਤੌਰ ‘ਤੇ ਆਪਣੀ ਲਵ ਲਾਈਫ ‘ਚ ਪਰੇਸ਼ਾਨੀਆਂ ਕਾਰਨ ਖੁਦਕੁਸ਼ੀ ਕੀਤੀ ਹੈ।

ਪੌਲੀਨ ਜੈਸਿਕਾ ਯਾਨੀ ਦੀਪਾ ਦੀ ਲਾਸ਼ ਉਨ੍ਹਾਂ ਦੇ ਘਰ ਦੇ ਇੱਕ ਕਮਰੇ ਵਿੱਚ ਛੱਤ ਵਾਲੇ ਪੱਖੇ ਨਾਲ ਲਟਕਦੀ ਮਿਲੀ ਹੈ। ਉਹ ਚੇਨਈ ਦੇ ਵਿਰੁਗਮਬੱਕਮ ਮੱਲਿਕਾਈ ਐਵੇਨਿਊ ‘ਚ ਇਕੱਲੀ ਰਹਿੰਦੀ ਸੀ। ਪੁਲਿਸ ਜਾਂਚ ਵਿੱਚ ਜੁਟੀ ਹੋਈ ਹੈ। ਰਿਪੋਰਟਾਂ ਵਿਚ ਇਹ ਵੀ ਕਿਹਾ ਗਿਆ ਹੈ ਕਿ ਦੀਪਾ ਦੇ ਮਾਤਾ-ਪਿਤਾ ਉਸ ਨੂੰ ਉਸ ਦੀ ਮਰਜ਼ੀ ਦੇ ਵਿਰੁੱਧ ਵਿਆਹ ਕਰਨ ਲਈ ਮਜਬੂਰ ਕਰ ਰਹੇ ਸਨ। ਦੀਪਾ ਮਾਈਸਕਿਨ ਦੁਆਰਾ ਨਿਰਦੇਸ਼ਿਤ ਹਿੱਟ ਫਿਲਮ ‘ਥੁਪਰੀਵਲਨ’ ਵਿੱਚ ਵੀ ਨਜ਼ਰ ਆਈ ਸੀ।

ਲੋਕ ਤਾਮਿਲ ਅਦਾਕਾਰਾ ਪੌਲੀਨ ਜੈਸਿਕਾ ਨੂੰ ਪਿਆਰ ਨਾਲ ਦੀਪਾ ਕਹਿ ਕੇ ਬੁਲਾਉਂਦੇ ਸਨ ਅਤੇ ਉਸ ਨੂੰ ਇਸ ਨਾਂ ਨਾਲ ਹੀ ਪਛਾਣ ਮਿਲੀ। ਰਿਪੋਰਟ ਮੁਤਾਬਕ ਪਤਾ ਲੱਗਾ ਹੈ ਕਿ ਉਸ ਨੇ ਫਾਹਾ ਲੈ ਕੇ ਖੁਦਕੁਸ਼ੀ ਕਰ ਲਈ ਹੈ। ਇਸ ਖਬਰ ਤੋਂ ਬਾਅਦ ਪੂਰੀ ਸਿਨੇਮਾ ਇੰਡਸਟਰੀ ਨੂੰ ਵੱਡਾ ਝਟਕਾ ਲੱਗਾ ਹੈ।

ਅਭਿਨੇਤਰੀ ਦੇ ਪਰਿਵਾਰਕ ਮੈਂਬਰਾਂ ਨੂੰ ਘਟਨਾ ਦੀ ਸੂਚਨਾ ਪੁਲਸ ਨੂੰ ਦਿੱਤੀ ਗਈ। ਇਸ ਦੇ ਨਾਲ ਹੀ ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਪੁਲਿਸ ਨੇ ਵੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਮਾਮਲੇ ਦੀ ਹਰ ਪਹਿਲੂ ਤੋਂ ਜਾਂਚ ਕੀਤੀ ਜਾ ਰਹੀ ਹੈ। ਇਸ ਤੋਂ ਇਲਾਵਾ ਸੀਸੀਟੀਵੀ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਹੁਣ ਤਮਿਲ ਅਭਿਨੇਤਰੀ ਪੌਲੀਨ ਜੈਸਿਕਾ ਦੀ ਕਥਿਤ ਖੁਦਕੁਸ਼ੀ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

(Pic Source: Pauline Jessica's Instagram account)
(Pic Source: Pauline Jessica’s Instagram account)

ਪੁਲਿਸ ਉਨ੍ਹਾਂ ਲੋਕਾਂ ਦੀ ਤਲਾਸ਼ ਕਰ ਰਹੀ ਹੈ ਜੋ ਘਟਨਾ ਤੋਂ ਪਹਿਲਾਂ ਅਦਾਕਾਰਾ ਨੂੰ ਮਿਲਣ ਆਏ ਸਨ। ਕੀ ਅਦਾਕਾਰਾ ਨੇ ਖ਼ੁਦਕੁਸ਼ੀ ਕੀਤੀ ਹੈ ਜਾਂ ਕਿਸੇ ਨੇ ਅਦਾਕਾਰਾ ‘ਤੇ ਖ਼ੁਦਕੁਸ਼ੀ ਕਰਨ ਲਈ ਦਬਾਅ ਪਾਇਆ ਹੈ। ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਮੌਕੇ ਤੋਂ ਪੁਲਿਸ ਨੂੰ ਇੱਕ ਸੁਸਾਈਡ ਨੋਟ ਵੀ ਮਿਲਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਦਾਕਾਰਾ ਨੇ ਸੁਸਾਈਡ ਨੋਟ ‘ਚ ਆਪਣੀ ਮੌਤ ਦਾ ਕਾਰਨ ਅਸਫਲ ਰਿਸ਼ਤਾ ਦੱਸਿਆ ਹੈ।

Exit mobile version