ਈਰਾਨੀ ਵਫ਼ਦ ਸ਼ੁੱਕਰਵਾਰ ਦੇਰ ਰਾਤ ਇਸਲਾਮਾਬਾਦ ਪਹੁੰਚਿਆ। ਇਸ ਵਫ਼ਦ ਦੀ ਅਗਵਾਈ ਈਰਾਨੀ ਸੰਸਦ ਦੇ ਸਪੀਕਰ ਮੁਹੰਮਦ ਬਾਘੇਰ ਗਾਲਿਬਾਫ ਕਰ ਰਹੇ ਹਨ। ਇਹ ਵਫ਼ਦ ਅਮਰੀਕਾ ਨਾਲ ਸ਼ਾਂਤੀ ਵਾਰਤਾ ਲਈ ਪਾਕਿਸਤਾਨ ਆਇਆ ਹੈ। ਇਸਲਾਮਾਬਾਦ ਵਿੱਚ ਅੱਜ ਇੱਕ ਮਹੱਤਵਪੂਰਨ ਮੀਟਿੰਗ ਹੋਣ ਵਾਲੀ ਹੈ, ਜਿਸ ਵਿੱਚ ਅਮਰੀਕੀ ਉਪ ਰਾਸ਼ਟਰਪਤੀ ਜੇਡੀ ਵੈਂਸ ਵੀ ਸ਼ਾਮਲ ਹੋਣਗੇ।
ਪਾਕਿਸਤਾਨ ਪਹੁੰਚਣ ਤੋਂ ਬਾਅਦ ਗਾਲਿਬਾਫ ਨੇ ਇੰਸਟਾਗ੍ਰਾਮ ਤੇ ਇੱਕ ਭਾਵੁਕ ਤਸਵੀਰ ਸਾਂਝੀ ਕੀਤੀ। ਇਸ ਵਿੱਚ ਜਹਾਜ਼ ਦੀਆਂ ਖਾਲੀ ਸੀਟਾਂ ਤੇ ਚਾਰ ਬੱਚਿਆਂ ਦੀਆਂ ਫੋਟੋਆਂ, ਸਕੂਲ ਬੈਗ ਅਤੇ ਫੁੱਲ ਰੱਖੇ ਦਿਖਾਏ ਗਏ ਹਨ। ਉਨ੍ਹਾਂ ਲਿਖਿਆ – “ਮੇਰੇ ਇਸ ਯਾਤਰਾ ਦੇ ਸਾਥੀ” ਅਤੇ ਹੈਸ਼ਟੈਗ #Minab168 ਵਰਤਿਆ। ਇਹ ਤਸਵੀਰ 28 ਫਰਵਰੀ ਨੂੰ ਈਰਾਨ ਦੇ ਸ਼ਹਿਰ ਮਿਨਾਬ ਵਿੱਚ ਇੱਕ ਪ੍ਰਾਇਮਰੀ ਸਕੂਲ ਤੇ ਹੋਏ ਹਮਲੇ ਦੀ ਯਾਦ ਵਜੋਂ ਸਾਂਝੀ ਕੀਤੀ ਗਈ ਹੈ। ਉਸ ਹਮਲੇ ਵਿੱਚ 168 ਬੱਚੇ, ਅਧਿਆਪਕ ਅਤੇ ਸਟਾਫ ਮਾਰੇ ਗਏ ਸਨ। ਈਰਾਨ ਨੇ ਇਸ ਹਮਲੇ ਲਈ ਅਮਰੀਕਾ ਅਤੇ ਇਜ਼ਰਾਈਲ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਈਰਾਨੀ ਵਫ਼ਦ ਨੂੰ ਖੁਦ “ਮਿਨਾਬ 168” ਨਾਮ ਦਿੱਤਾ ਗਿਆ ਹੈ।
Photos and backpacks of primary school children from Minab, who were killed in US-Israeli strikes, seen on a number of seats of the airplane carrying Speaker of #Iran’s Parliament Ghalibaf on his trip to Islamabad, #Pakistan. Backpacks were recovered from rubble. https://t.co/xGsHboIBU9 pic.twitter.com/kYhk8L8KbV
— Iran Nuances (@IranNuances) April 10, 2026
ਇਸਲਾਮਾਬਾਦ ਵਿੱਚ ਹੋਣ ਵਾਲੀ ਮੀਟਿੰਗ ਵਿੱਚ ਲੇਬਨਾਨ ਵਿੱਚ ਯੁੱਧਵਿਰਾਮ ਤੋ ਹੋਰ ਕਈ ਅਹਿਮ ਮੰਗਾਂ ਮੁੱਖ ਹਨ। ਈਰਾਨ ਨੇ ਸਪੱਸ਼ਟ ਕੀਤਾ ਹੈ ਕਿ ਇਨ੍ਹਾਂ ਮੁੱਦਿਆਂ ਤੋਂ ਬਿਨਾਂ ਗੱਲਬਾਤ ਅੱਗੇ ਨਹੀਂ ਵਧੇਗੀ। ਉਧਰ ਅਮਰੀਕੀ ਉਪ ਰਾਸ਼ਟਰਪਤੀ ਜੇਡੀ ਵੈਂਸ ਨੇ ਆਸ ਪ੍ਰਗਟ ਕੀਤੀ ਹੈ ਕਿ ਗੱਲਬਾਤ ਇਤਿਹਾਸਕ ਅਤੇ ਇਤਿਹਾਸਕ ਤੌਰ ਤੇ ਸਫਲ ਹੋਵੇਗੀ, ਪਰ ਉਨ੍ਹਾਂ ਈਰਾਨ ਨੂੰ ਚੇਤਾਵਨੀ ਦਿੱਤੀ ਹੈ ਕਿ ਅਮਰੀਕਾ ਨਾਲ ਖੇਡਣ ਦੀ ਕੋਸ਼ਿਸ਼ ਨਾ ਕੀਤੀ ਜਾਵੇ।
ਅਮਰੀਕਾ ਹੋਰਮੁਜ਼ ਜਲਡਮਰੂ ਵਿੱਚ ਟੋਲ ਲੈਣ ਦੀ ਇਜਾਜ਼ਤ ਨਹੀਂ ਦੇਵੇਗਾ- ਟਰੰਪ
ਇਸ ਤੋਂ ਪਹਿਲਾਂ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਈਰਾਨ ਨੂੰ ਸਖ਼ਤ ਧਮਕੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਈਰਾਨ ਨੂੰ ਹੋਰਮੁਜ਼ ਜਲਡਮਰੂ ਤੋਂ ਟੋਲ ਵਸੂਲਣ ਦੀ ਇਜਾਜ਼ਤ ਨਹੀਂ ਮਿਲੇਗੀ। ਟਰੰਪ ਨੇ ਕਿਹਾ, “ਈਰਾਨ ਨੂੰ ਸਮੁੰਦਰੀ ਰਸਤਿਆਂ ਤੇ ਜ਼ਬਰਦਸਤੀ ਤੋਂ ਇਲਾਵਾ ਕੋਈ ਲਾਭ ਨਹੀਂ। ਉਹ ਇਸ ਲਈ ਜੀਉਂਦੇ ਹਨ ਤਾਂ ਜੋ ਗੱਲਬਾਤ ਕਰ ਸਕਣ।” ਉਨ੍ਹਾਂ ਭਰੋਸਾ ਜਤਾਇਆ ਕਿ ਹੋਰਮੁਜ਼ ਜਲਡਮਰੂ ਜਲਦੀ ਖੁੱਲ੍ਹ ਜਾਵੇਗਾ ਅਤੇ ਕਈ ਦੇਸ਼ ਇਸ ਵਿੱਚ ਮਦਦ ਕਰਨ ਲਈ ਤਿਆਰ ਹਨ।
ਲੇਬਨਾਨ ਵਿੱਚ ਇਜ਼ਰਾਈਲੀ ਹਮਲੇ ਜਾਰੀ
ਦੂਜੇ ਪਾਸੇ ਲੇਬਨਾਨ ਵਿੱਚ ਇਜ਼ਰਾਈਲੀ ਹਮਲੇ ਜਾਰੀ ਹਨ। ਲੇਬਨੀਜ਼ ਸਿਹਤ ਮੰਤਰਾਲੇ ਅਨੁਸਾਰ ਬੁੱਧਵਾਰ ਨੂੰ ਹੋਏ ਹਮਲਿਆਂ ਵਿੱਚ 357 ਲੋਕ ਮਾਰੇ ਗਏ ਅਤੇ 1,223 ਜ਼ਖਮੀ ਹੋਏ। ਇਜ਼ਰਾਈਲ ਨੇ ਦਾਅਵਾ ਕੀਤਾ ਹੈ ਕਿ ਉਸ ਨੇ 180 ਅੱਤਵਾਦੀਆਂ ਨੂੰ ਮਾਰਿਆ ਅਤੇ 4,300 ਤੋਂ ਵੱਧ ਹਿਜ਼ਬੁੱਲਾ ਟਿਕਾਣਿਆਂ ਨੂੰ ਤਬਾਹ ਕੀਤਾ ਹੈ।
ਰਿਪੋਰਟ: ਈਰਾਨ ਕੋਲ ਅਜੇ ਵੀ 1,000 ਬੈਲਿਸਟਿਕ ਮਿਜ਼ਾਈਲਾਂ
ਅਮਰੀਕੀ ਖੁਫੀਆ ਰਿਪੋਰਟਾਂ ਮੁਤਾਬਕ, ਯੁੱਧ ਵਿੱਚ ਭਾਰੀ ਨੁਕਸਾਨ ਝੱਲਣ ਤੋਂ ਬਾਅਦ ਵੀ ਈਰਾਨ ਕੋਲ ਅਜੇ ਵੀ ਹਜ਼ਾਰਾਂ ਬੈਲਿਸਟਿਕ ਮਿਜ਼ਾਈਲਾਂ ਬਾਕੀ ਹਨ। ਵਾਲ ਸਟਰੀਟ ਜਰਨਲ ਅਨੁਸਾਰ ਯੁੱਧ ਤੋਂ ਪਹਿਲਾਂ ਈਰਾਨ ਕੋਲ ਲਗਭਗ 2,500 ਮੱਧਮ ਦੂਰੀ ਵਾਲੀਆਂ ਮਿਜ਼ਾਈਲਾਂ ਸਨ, ਜਿਨ੍ਹਾਂ ਵਿੱਚੋਂ 1,000 ਤੋਂ ਵੱਧ ਅਜੇ ਵੀ ਬਚੀਆਂ ਹਨ। ਲਾਂਚਰਾਂ ਵਿੱਚੋਂ ਅੱਧੇ ਤੋਂ ਵੱਧ ਤਬਾਹ ਜਾਂ ਨੁਕਸਾਨੀ ਹੋ ਗਏ ਹਨ, ਪਰ ਬਹੁਤਿਆਂ ਨੂੰ ਮੁਰੰਮਤ ਜਾਂ ਭੂਮੀਗਤ ਥਾਵਾਂ ਤੋਂ ਬਾਹਰ ਕੱਢ ਕੇ ਵਰਤਿਆ ਜਾ ਸਕਦਾ ਹੈ।
ਦੁਨੀਆ ਇਸਲਾਮਾਬਾਦ ਵਿੱਚ ਹੋ ਰਹੀ ਇਸ ਮੀਟਿੰਗ ਤੇ ਤੀਖੀ ਨਜ਼ਰ ਰੱਖ ਰਹੀ ਹੈ। ਇਹ ਗੱਲਬਾਤ ਖੇਤਰੀ ਸਥਿਰਤਾ, ਤੇਲ ਸਪਲਾਈ ਅਤੇ ਲੇਬਨਾਨ ਵਿੱਚ ਯੁੱਧਵਿਰਾਮ ਲਈ ਬਹੁਤ ਮਹੱਤਵਪੂਰਨ ਮੰਨੀ ਜਾ ਰਹੀ ਹੈ।
