ਚੀਨ ਦੀ ਰਾਜਧਾਨੀ ਬੀਜਿੰਗ ਵਿੱਚ ਸ਼ਨੀਵਾਰ ਨੂੰ ਮਨੁੱਖਾਂ ਅਤੇ 21 ਰੋਬੋਟਾਂ ਵਿਚਕਾਰ ਇੱਕ ਅਨੋਖੀ ਹਾਫ ਮੈਰਾਥਨ ਦੌੜ ਦਾ ਆਯੋਜਨ ਕੀਤਾ ਗਿਆ। ਇਹ ਪਹਿਲੀ ਵਾਰ ਸੀ ਜਦੋਂ ਇਹਨਾਂ ਮਸ਼ੀਨਾਂ ਨੇ ਮਨੁੱਖਾਂ ਦੇ ਨਾਲ-ਨਾਲ 21 ਕਿਲੋਮੀਟਰ (13 ਮੀਲ) ਦੀ ਦੂਰੀ ‘ਤੇ ਦੌੜ ਲਗਾਈ।
ਇਹ ਦੌੜ ਬੀਜਿੰਗ ਦੇ ਦੱਖਣ-ਪੂਰਬੀ ਯਿਜ਼ੁਆਂਗ ਜ਼ਿਲ੍ਹੇ ਵਿੱਚ ਹੋਈ, ਜਿੱਥੇ ਚੀਨ ਦੀਆਂ ਬਹੁਤ ਸਾਰੀਆਂ ਵੱਡੀਆਂ ਤਕਨਾਲੋਜੀ ਕੰਪਨੀਆਂ ਹਨ। ਇਸਦਾ ਉਦੇਸ਼ ਰੋਬੋਟਿਕਸ ਅਤੇ ਤਕਨਾਲੋਜੀ ਦੀ ਦੁਨੀਆ ਵਿੱਚ ਚੀਨ ਦੀ ਤਰੱਕੀ ਨੂੰ ਪ੍ਰਦਰਸ਼ਿਤ ਕਰਨਾ ਸੀ।
ਚੀਨੀ ਕੰਪਨੀਆਂ ਜਿਵੇਂ ਕਿ ਡ੍ਰਾਇਡਅੱਪ ਅਤੇ ਨੋਇਟਿਕਸ ਰੋਬੋਟਿਕਸ ਦੇ ਰੋਬੋਟਾਂ ਨੇ ਵੀ ਦੌੜ ਵਿੱਚ ਹਿੱਸਾ ਲਿਆ। ਦੌੜ ਵਿੱਚ ਸ਼ਾਮਲ ਕੁਝ ਰੋਬੋਟ 120 ਸੈਂਟੀਮੀਟਰ (3.9 ਫੁੱਟ) ਤੋਂ ਘੱਟ ਆਕਾਰ ਦੇ ਸਨ, ਜਦੋਂ ਕਿ ਕੁਝ 1.8 ਮੀਟਰ (5.9 ਫੁੱਟ) ਤੱਕ ਲੰਬੇ ਸਨ।
ਰੋਬੋਟ ਨੇ ਦੌੜ 2 ਘੰਟੇ 40 ਮਿੰਟ ਵਿੱਚ ਪੂਰੀ ਕੀਤੀ, ਜਦੋਂ ਕਿ ਮਨੁੱਖ ਨੇ 1 ਘੰਟਾ 2 ਮਿੰਟ ਲਏ। ਬੀਜਿੰਗ ਇਨੋਵੇਸ਼ਨ ਸੈਂਟਰ ਆਫ਼ ਹਿਊਮਨ ਰੋਬੋਟਿਕਸ ਦਾ ਰੋਬੋਟ ‘ਤਿਆਨਗੋਂਗ ਅਲਟਰਾ’ 2 ਘੰਟੇ 40 ਮਿੰਟ ਵਿੱਚ ਦੌੜ ਪੂਰੀ ਕਰਨ ਵਾਲੀ ਮਸ਼ੀਨਾਂ ਵਿੱਚੋਂ ਪਹਿਲਾ ਸੀ, ਜਦੋਂ ਕ ਮਨੁੱਖੀ ਜੇਤੂ ਨੂੰ ਦੌੜ ਪੂਰੀ ਕਰਨ ਵਿੱਚ 1 ਘੰਟਾ 2 ਮਿੰਟ ਲੱਗੇ।
21 ਕਿਲੋਮੀਟਰ ਮੈਰਾਥਨ ਪੂਰੀ ਕਰਨ ਲਈ ਸਭ ਤੋਂ ਘੱਟ ਸਮੇਂ ਦਾ ਰਿਕਾਰਡ ਜੈਕਬ ਕਿਪਲੀਮੋ (56 ਮਿੰਟ 42 ਸਕਿੰਟ) ਦੇ ਨਾਮ ਹੈ। ਜਿਵੇਂ ਮਨੁੱਖਾਂ ਨੂੰ ਦੌੜ ਦੌਰਾਨ ਪਾਣੀ ਪੀਣ ਦੀ ਲੋੜ ਹੁੰਦੀ ਹੈ, ਉਸੇ ਤਰ੍ਹਾਂ ਰੋਬੋਟਾਂ ਨੂੰ ਬੈਟਰੀਆਂ ਬਦਲਣ ਦੀ ਇਜਾਜ਼ਤ ਦਿੱਤੀ ਗਈ ਸੀ।
ਰੋਬੋਟਾਂ ਦੇ ਨਾਲ ਮਨੁੱਖੀ ਟ੍ਰੇਨਰ ਵੀ ਸਨ ਜਿਨ੍ਹਾਂ ਨੇ ਦੌੜ ਦੌਰਾਨ ਮਸ਼ੀਨਾਂ ਨੂੰ ਸਹਾਇਤਾ ਪ੍ਰਦਾਨ ਕੀਤੀ। ਕੁਝ ਰੋਬੋਟਾਂ ਨੇ ਦੌੜਨ ਵਾਲੇ ਜੁੱਤੇ ਪਾਏ ਹੋਏ ਸਨ, ਇੱਕ ਨੇ ਮੁੱਕੇਬਾਜ਼ੀ ਦੇ ਦਸਤਾਨੇ ਪਾਏ ਹੋਏ ਸਨ ਅਤੇ ਦੂਜੇ ਨੇ ਇੱਕ ਲਾਲ ਹੈਂਡਬੈਂਡ ਬੰਨ੍ਹਿਆ ਹੋਇਆ ਸੀ ਜਿਸ ‘ਤੇ ਚੀਨੀ ਵਿੱਚ “ਬਾਊਂਡ ਟੂ ਬਿਨ” (ਜਿੱਤਣ ਲਈ ਤਿਆਰ) ਲਿਖਿਆ ਸੀ।
