ਭਾਰਤ ਵਿੱਚ ‘ਕਾਨੂੰਨੀ ਮੰਗ’ ਦੇ ਆਧਾਰ ‘ਤੇ ਅੰਤਰਰਾਸ਼ਟਰੀ ਨਿਊਜ਼ ਏਜੰਸੀ ਰਾਇਟਰਜ਼ ਦੇ ਅਧਿਕਾਰਤ X ਖਾਤੇ ‘ਤੇ ਪਾਬੰਦੀ ਲਗਾਈ ਗਈ ਹੈ। ਰਾਇਟਰਜ਼ ਨੇ ਅਜੇ ਇਸ ਸੰਬੰਧੀ ਕੋਈ ਬਿਆਨ ਜਾਰੀ ਨਹੀਂ ਕੀਤਾ। ਹਾਲਾਂਕਿ, ਰਾਇਟਰਜ਼ ਦੇ ਹੋਰ ਖਾਤੇ ਜਿਵੇਂ ਰਾਇਟਰਜ਼ ਟੈਕ ਨਿਊਜ਼, ਫੈਕਟ ਚੈੱਕ, ਪਿਕਚਰਸ, ਏਸ਼ੀਆ, ਅਤੇ ਚਾਈਨਾ ਅਜੇ ਵੀ ਸਰਗਰਮ ਹਨ। X ਅਨੁਸਾਰ, ਕਈ ਦੇਸ਼ਾਂ ਵਿੱਚ ਕਾਨੂੰਨ X ਦੀ ਸਮੱਗਰੀ ‘ਤੇ ਲਾਗੂ ਹੁੰਦੇ ਹਨ, ਅਤੇ ਵੈਧ ਅਦਾਲਤੀ ਆਦੇਸ਼ ਜਾਂ ਸਥਾਨਕ ਕਾਨੂੰਨਾਂ ਦੇ ਅਧਾਰ ‘ਤੇ ਸਮੱਗਰੀ ਬਲਾਕ ਕੀਤੀ ਜਾ ਸਕਦੀ ਹੈ।
ਇਸ ਤੋਂ ਪਹਿਲਾਂ, ਅਮਰੀਕਾ ਦੇ ਟਰੰਪ ਪ੍ਰਸ਼ਾਸਨ ਨੇ ਅਪ੍ਰੈਲ ਵਿੱਚ ਰਾਇਟਰਜ਼, ਬਲੂਮਬਰਗ, ਅਤੇ ਐਸੋਸੀਏਟਿਡ ਪ੍ਰੈਸ (ਏਪੀ) ਨੂੰ ਵ੍ਹਾਈਟ ਹਾਊਸ ਪ੍ਰੈਸ ਪੂਲ ਤੋਂ ਬਾਹਰ ਕਰ ਦਿੱਤਾ ਸੀ। ਪ੍ਰੈਸ ਪੂਲ ਵਿੱਚ 10 ਮੀਡੀਆ ਸੰਗਠਨਾਂ ਦੇ ਪੱਤਰਕਾਰ ਅਤੇ ਫੋਟੋਗ੍ਰਾਫਰ ਸ਼ਾਮਲ ਹੁੰਦੇ ਹਨ, ਜੋ ਰਾਸ਼ਟਰਪਤੀ ਦੀਆਂ ਗਤੀਵਿਧੀਆਂ ਨੂੰ ਕਵਰ ਕਰਕੇ ਜਾਣਕਾਰੀ ਸਾਂਝੀ ਕਰਦੇ ਹਨ।
ਰਾਇਟਰਜ਼ ਦੇ ਬੁਲਾਰੇ ਨੇ ਅਮਰੀਕੀ ਪਾਬੰਦੀ ਦੇ ਜਵਾਬ ਵਿੱਚ ਕਿਹਾ ਸੀ ਕਿ ਉਨ੍ਹਾਂ ਦੀਆਂ ਖ਼ਬਰਾਂ ਅਰਬਾਂ ਲੋਕਾਂ ਤੱਕ ਪਹੁੰਚਦੀਆਂ ਹਨ, ਅਤੇ ਸਰਕਾਰ ਦਾ ਇਹ ਕਦਮ ਜਨਤਾ ਦੇ ਸੁਤੰਤਰ ਅਤੇ ਸਹੀ ਜਾਣਕਾਰੀ ਪ੍ਰਾਪਤ ਕਰਨ ਦੇ ਅਧਿਕਾਰ ਨੂੰ ਖਤਰੇ ਵਿੱਚ ਪਾਉਂਦਾ ਹੈ। ਭਾਰਤ ਵਿੱਚ ਰਾਇਟਰਜ਼ ਦੇ X ਖਾਤੇ ‘ਤੇ ਪਾਬੰਦੀ ਨੇ ਮੀਡੀਆ ਅਜ਼ਾਦੀ ਨੂੰ ਲੈ ਕੇ ਨਵੀਂ ਚਰਚਾ ਛੇੜ ਦਿੱਤੀ ਹੈ, ਪਰ ਇਸ ਦੇ ਪਿੱਛੇ ਦੇ ਖਾਸ ਕਾਰਨ ਅਜੇ ਸਪੱਸ਼ਟ ਨਹੀਂ ਹਨ। (