ਨੀਟ ਯੂਜੀ ਦਾ ਸੋਧਿਆ ਨਤੀਜਾ ਹੋਇਆ ਜਾਰੀ, ਟਾਪਰਾਂ ਦੀ ਘਟੀ ਗਿਣਤੀ

ਨੈਸ਼ਨਲ ਟੈਸਟਿੰਗ ਏਜੰਸੀ (NTA) ਨੇ NEET-UG-2024 ਦਾ ਸੋਧਿਆ ਨਤੀਜਾ ਜਾਰੀ ਕਰ ਦਿੱਤਾ ਹੈ। ਇਸ ਲਈ 4.2 ਲੱਖ ਵਿਦਿਆਰਥੀਆਂ ਦੇ ਰੈਂਕ ਬਦਲਿਆ ਗਿਆ ਸੀ। ਇਸ ਦੇ ਨਾਲ ਹੀ ਟਾਪਰਾਂ ਦੀ ਗਿਣਤੀ 61 ਤੋਂ ਘਟ ਕੇ 17 ਹੋ ਗਈ ਹੈ। ਸੋਧੇ ਹੋਏ ਨਤੀਜੇ ਤੋਂ ਬਾਅਦ 13 ਲੱਖ 15 ਹਜ਼ਾਰ 853 ਉਮੀਦਵਾਰ ਕੁਆਲੀਫਾਈ ਕਰ ਚੁੱਕੇ ਹਨ। ਇਹ 4 ਜੂਨ ਨੂੰ ਐਲਾਨੇ ਨਤੀਜੇ ਨਾਲੋਂ 415 ਘੱਟ ਹੈ। ਉਸ ਸਮੇਂ 13 ਲੱਖ 16 ਹਜ਼ਾਰ 268 ਕੁਆਲੀਫਾਈ ਕਰ ਚੁੱਕੇ ਸਨ।

ਇਹ ਇੱਕ ਭੌਤਿਕ ਵਿਗਿਆਨ ਦੇ ਪ੍ਰਸ਼ਨ ਕਾਰਨ ਹੋਇਆ ਹੈ। ਪ੍ਰੀਖਿਆ ਵਿੱਚ ਇਸ ਪ੍ਰਸ਼ਨ ਲਈ ਦੋ ਸਹੀ ਵਿਕਲਪ ਸਨ, ਪਰ ਸੁਪਰੀਮ ਕੋਰਟ ਨੇ ਇੱਕ ਕਮੇਟੀ ਬਣਾ ਕੇ ਇੱਕ ਵਿਕਲਪ ਚੁਣਨ ਲਈ ਕਿਹਾ ਸੀ। ਨੇ NTA ਨੂੰ ਸੋਧਿਆ ਨਤੀਜਾ ਜਾਰੀ ਕਰਨ ਲਈ ਵੀ ਕਿਹਾ।

4 ਜੂਨ ਨੂੰ ਜਾਰੀ ਨਤੀਜੇ ਵਿੱਚ ਟਾਪਰਾਂ ਦੀ ਗਿਣਤੀ 67 ਸੀ। ਪਰ ਗਰੇਸ ਅੰਕਾਂ ਦੇ ਵਿਵਾਦ ਤੋਂ ਬਾਅਦ ਪ੍ਰੀਖਿਆ ਵਿੱਚ 6 ਟਾਪਰਾਂ ਦੀ ਕਟੌਤੀ ਕੀਤੀ ਗਈ ਸੀ। ਇਹ ਪ੍ਰੀਖਿਆ 5 ਮਈ ਨੂੰ ਦੇਸ਼ ਭਰ ਦੇ 571 ਸ਼ਹਿਰਾਂ ਦੇ 4,750 ਕੇਂਦਰਾਂ ‘ਤੇ ਆਯੋਜਿਤ ਕੀਤੀ ਗਈ ਸੀ। 24 ਲੱਖ ਤੋਂ ਵੱਧ ਉਮੀਦਵਾਰ ਹਾਜ਼ਰ ਹੋਏ ਸਨ।

ਇਹ ਵੀ ਪੜ੍ਹੋ –   ਵਿਦੇਸ਼ ਭੇਜਣ ਦੇ ਨਾਮ ਤੇ ਲੱਖਾਂ ਦੀ ਮਾਰੀ ਠੱਗੀ, ਕੈਨੇਡਾ ਦੀ ਥਾਂ ਭੇਜਿਆ ਕੀਤੇ ਹੋਰ