ਮੁਹਾਲੀ : ਪੰਜਾਬ ਸਰਕਾਰ ਵੱਲੋਂ ਸਕੂਲੀ ਬੱਚਿਆਂ ਲਈ ਆਯੋਜਿਤ ‘ਮੌਕ ਅਸੈਂਬਲੀ ਸੈਸ਼ਨ’ ’ਤੇ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਜਲੰਧਰ ਛਾਉਣੀ ਤੋਂ ਕਾਂਗਰਸ ਵਿਧਾਇਕ ਪ੍ਰਗਟ ਸਿੰਘ ਨੇ ਇਸ ਸੈਸ਼ਨ ਦੀਆਂ ਦੋ ਵੀਡੀਓਜ਼ ਇੰਸਟਾਗ੍ਰਾਮ ’ਤੇ ਪੋਸਟ ਕਰਕੇ ਆਮ ਆਦਮੀ ਪਾਰਟੀ ਸਰਕਾਰ ਦੀ ਸਖ਼ਤ ਆਲੋਚਨਾ ਕੀਤੀ ਹੈ।
ਉਨ੍ਹਾਂ ਨੇ ਲਿਖਿਆ, “ਅਸੀਂ ਬੱਚਿਆਂ ਨੂੰ ਕੀ ਸਿਖਾ ਰਹੇ ਹਾਂ?”ਪਹਿਲੀ ਵੀਡੀਓ 13 ਸਾਲ ਪੁਰਾਣੀ ਹੈ, ਜਿਸ ’ਚ ਵੀ ਬੱਚੇ ਮੌਕ ਅਸੈਂਬਲੀ ਦੌਰਾਨ ਝਗੜਦੇ ਅਤੇ ਨਾਅਰੇਬਾਜ਼ੀ ਕਰਦੇ ਨਜ਼ਰ ਆ ਰਹੇ ਹਨ। ਦੂਜੀ ਵੀਡੀਓ ਹਾਲ ਹੀ ਵਿੱਚ ਭਗਵੰਤ ਮਾਨ ਸਰਕਾਰ ਵੱਲੋਂ ਕਰਵਾਏ ਗਏ ਸੈਸ਼ਨ ਦੀ ਹੈ, ਜਿਸ ਵਿੱਚ ਵੀ ਬਿਲਕੁਲ ਉਹੀ ਮੰਜ਼ਰ ਦਿਖਾਈ ਦਿੱਤਾ। ਪ੍ਰਗਟ ਸਿੰਘ ਨੇ ਕਿਹਾ, “13 ਸਾਲਾਂ ਬਾਅਦ ਵੀ ਕੁਝ ਨਹੀਂ ਬਦਲਿਆ।”
The mock Vidhan Sabha session by school students should make the Chief Minister @BhagwantMann and @AamAadmiParty reflect seriously — what are children learning from your theatrics-driven politics?
Instead of teaching kids to imitate today’s leaders, it would be far better if… pic.twitter.com/Q6qVodDSE1
— Pargat Singh (@PargatSOfficial) November 28, 2025
ਵਿਧਾਇਕ ਨੇ ਆਪ ਸਰਕਾਰ ਨੂੰ ਤਿੰਨ ਮੁੱਖ ਗੱਲਾਂ ’ਤੇ ਘੇਰਿਆ:
-
- ਬੱਚਿਆਂ ਨੂੰ ਰਾਜਨੀਤੀ ਸਿਖਾਉਣਾ ਚੰਗੀ ਗੱਲ ਹੈ, ਪਰ ਇਹ ਸੈਸ਼ਨ ਪ੍ਰਤਾਪ ਸਿੰਘ ਬਾਜਵਾ ਬਨਾਮ ਭਗਵੰਤ ਮਾਨ ਵਰਗਾ ਨਹੀਂ ਹੋਣਾ ਚਾਹੀਦਾ ਸੀ। ਬੱਚਿਆਂ ਨੇ ਮੌਜੂਦਾ ਆਗੂਆਂ ਦੀ ਨਕਲ ਕਰਕੇ ਵਿਧਾਨ ਸਭਾ ਵਿੱਚ ਹੋਣ ਵਾਲੇ ਤਮਾਸ਼ੇ ਨੂੰ ਹੀ ਦੁਹਰਾਇਆ।
- ਬੱਚਿਆਂ ਨੂੰ ਪੰਜਾਬ ਦੇ ਅਸਲ ਮੁੱਦੇ (ਨਸ਼ੇ, ਬੇਰੁਜ਼ਗਾਰੀ, ਪੜਾਈ, ਸਿਹਤ ਆਦਿ) ਆਪਣੇ ਤਰੀਕੇ ਨਾਲ ਚੁੱਕਣ ਦੀ ਆਜ਼ਾਦੀ ਮਿਲਣੀ ਚਾਹੀਦੀ ਸੀ, ਨਾ ਕਿ ਅਧਿਆਪਕਾਂ ਵੱਲੋਂ ਸਿਖਾਈ ਗਈ ਸਕ੍ਰਿਪਟ ’ਤੇ ਨਾਅਰੇ ਲਗਾਉਣੇ ਚਾਹੀਦੇ ਸਨ।
- ਅਜਿਹੇ ਮੌਕ ਸੈਸ਼ਨ ਸਕੂਲੀ ਬੱਚਿਆਂ ਨਾਲ ਨਹੀਂ, ਸਗੋਂ ਪੰਜਾਬ ਯੂਨੀਵਰਸਿਟੀ ਵਰਗੇ ਉੱਚ ਸਿੱਖਿਆ ਸੰਸਥਾਨਾਂ ਦੇ ਵਿਦਿਆਰਥੀਆਂ ਨਾਲ ਕਰਵਾਏ ਜਾਣੇ ਚਾਹੀਦੇ ਹਨ, ਜੋ ਸੱਭਿਅਕ ਢੰਗ ਨਾਲ ਚਰਚਾ ਕਰ ਸਕਣ।
ਪ੍ਰਗਟ ਸਿੰਘ ਨੇ ਲਿਖਿਆ, “ਰਾਜਨੇਤਾਓ, ਸ਼ਿਸ਼ਟਾਚਾਰ ਨਾਲ ਪੇਸ਼ ਆਓ। ਦੇਸ਼ ਦਾ ਨੌਜਵਾਨ ਤੁਹਾਨੂੰ ਦੇਖ ਰਿਹਾ ਹੈ।” ਉਨ੍ਹਾਂ ਸਵਾਲ ਚੁੱਕਿਆ ਕਿ ਜੇਕਰ ਬੱਚੇ ਕੱਲ੍ਹ ਦੇ ਨੇਤਾ ਹਨ ਤਾਂ ਅਸੀਂ ਉਨ੍ਹਾਂ ਨੂੰ ਝਗੜਾ ਹੀ ਸਿਖਾ ਰਹੇ ਹਾਂ, ਫਿਰ ਵਿਧਾਨ ਸਭਾ ਦਾ ਮਾਹੌਲ ਕਦੇ ਨਹੀਂ ਸੁਧਰੇਗਾ।ਉਨ੍ਹਾਂ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਪੂਰੀ ਆਪ ਸਰਕਾਰ ਨੂੰ ਅਪੀਲ ਕੀਤੀ ਕਿ ਉਹ ਇਸ ਪੂਰੇ ਸੈਸ਼ਨ ਨੂੰ ਧਿਆਨ ਨਾਲ ਦੇਖਣ ਅਤੇ ਆਪਣੀ ਵਿਧਾਨ ਸਭਾ ਦੇ ਕੰਮਕਾਜ ’ਤੇ ਵੀ ਵਿਚਾਰ ਕਰਨ।
