ਅਮਰੀਕੀ ਕੰਪਨੀ ਜਾਨਸਨ ਐਂਡ ਜੌਨਸਨ ਨੂੰ ਕੈਲੀਫੋਰਨੀਆ ਦੇ ਇੱਕ ਵਿਅਕਤੀ ਨੂੰ ਜੁਰਮਾਨੇ ਵੱਜੋਂ ਕਰੀਬ 154 ਕਰੋੜ ਰੁਪਏ ਅਦਾ ਕਰਨੇ ਹੋਣਗੇ। ਕੈਲੀਫੋਰਨੀਆ ਦੇ ਵਿਅਕਤੀ ਨੇ ਕੈਂਸਰ ਲਈ ਕੰਪਨੀ ਦੇ ਟੈਲਕਮ ਪਾਊਡਰ ਨੂੰ ਜ਼ਿੰਮੇਵਾਰ ਠਹਿਰਾਇਆ। ਉਸ ਨੇ ਦੋਸ਼ ਲਾਇਆ ਸੀ ਕਿ ਕੰਪਨੀ ਦੇ ਬੇਬੀ ਪਾਊਡਰ ਨਾਲ ਸਿਹਤ ਸਬੰਧੀ ਗੰਭੀਰ ਸਮੱਸਿਆਵਾਂ ਪੈਦਾ ਹੁੰਦੀਆਂ ਹਨ।
ਯੂਐਸਏ ਵਿੱਚ ਡਿਫਾਲਟ ਸਟੇਟ ਕੋਰਟ ਦੇ ਜਿਊਰੀ ਨੇ ਮੰਗਲਵਾਰ (18 ਜੁਲਾਈ) ਨੂੰ ਕੇਸ ਦੀ ਸੁਣਵਾਈ ਦੌਰਾਨ ਵਿਅਕਤੀ ਦੀ ਹੱਕ ਵਿੱਚ ਫੈਸਲਾ ਸੁਣਾਇਆ ਕਿ ਉਸ ਨੂੰ ਕੰਪਨੀ ਦੇ ਬੇਬੀ ਪਾਊਡਰ ਦੇ ਸੰਪਰਕ ਵਿੱਚ ਆਉਣ ਨਾਲ ਕੈਂਸਰ ਹੋਇਆ। ਇਸ ਦੇ ਲਈ ਕੰਪਨੀ ਨੂੰ ਵਿਅਕਤੀ ਨੂੰ $18.8 ਮਿਲੀਅਨ ਦਾ ਭੁਗਤਾਨ ਕਰਨਾ ਚਾਹੀਦਾ ਹੈ। ਕੰਪਨੀ ਲਈ ਇਹ ਇੱਕ ਵੱਡਾ ਝਟਕਾ ਕਿਉਂਕਿ ਉਹ ਆਪਣੇ ਟੈਲਕਮ-ਅਧਾਰਿਤ ਉਤਪਾਦਾਂ ਉੱਤੇ ਹਜ਼ਾਰਾਂ ਕੇਸਾਂ ਦਾ ਨਿਪਟਾਰਾ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।
ਜਿਊਰੀ ਨੇ ਐਮੋਰੀ ਹਰਨਾਂਡੇਜ਼ ਵਲਾਡੇਜ਼ ਦੇ ਹੱਕ ਵਿੱਚ ਫੈਸਲਾ ਸੁਣਾਇਆ, ਜਿਸਨੇ ਪਿਛਲੇ ਸਾਲ ਕੈਲੀਫੋਰਨੀਆ ਰਾਜ ਦੀ ਅਦਾਲਤ ਵਿੱਚ ਕੰਪਨੀ ਦੇ ਖਿਲਾਫ ਮੁਕੱਦਮਾ ਦਾਇਰ ਕੀਤਾ ਅਤੇ ਵਿੱਤੀ ਨੁਕਸਾਨ ਦੀ ਮੰਗ ਕੀਤੀ। 24 ਸਾਲਾ ਹਰਨਾਂਡੇਜ਼ ਨੇ ਕਿਹਾ ਕਿ ਬਚਪਨ ਤੋਂ ਕੰਪਨੀ ਦੇ ਟੈਲਕਮ ਪਾਊਡਰ ਦੀ ਵਰਤੋਂ ਕਰਨ ਤੋਂ ਬਾਅਦ ਉਸ ਨੂੰ ਛਾਤੀ ਦੇ ਨੇੜੇ ਮੇਸੋਥੈਲੀਓਮਾ ਕੈਂਸਰ ਹੋ ਗਿਆ।
Johnson & Johnson must pay $18.8 million to a California man who said he developed cancer from exposure to its baby powder, a jury decided, a setback for the company as it seeks to settle thousands of similar cases over its talc-based products https://t.co/tEUjjuSAqu
— Reuters (@Reuters) July 19, 2023
ਨਿਊ ਬਰੰਜ਼ਵਿਕ NJ ਅਮਰੀਕਾ ਵਿੱਚ ਸਥਿਤ J&J ਨੇ ਵਿਕਰੀ ਵਿੱਚ ਗਿਰਾਵਟ ਦਾ ਹਵਾਲਾ ਦਿੰਦੇ ਹੋਏ 2020 ਵਿੱਚ ਅਮਰੀਕਾ ਅਤੇ ਕੈਨੇਡਾ ਦੇ ਬਾਜ਼ਾਰ ਵਿੱਚੋਂ ਆਪਣਾ ਟੈਲਕਮ ਪਾਊਡਰ ਹਟਾ ਲਿਆ। ਦੁਨੀਆ ਦੇ ਸਭ ਤੋਂ ਵੱਡੇ ਸਿਹਤ ਸੰਭਾਲ ਉਤਪਾਦ ਨਿਰਮਾਤਾ ਨੇ ਮੱਕੀ ਦੇ ਸਟਾਰਚ-ਅਧਾਰਿਤ ਸੰਸਕਰਣ ਨਾਲ ਟੈਲਕਮ ਨੂੰ ਬਦਲ ਦਿੱਤਾ। ਕੰਪਨੀ ਇਸ ਸਾਲ ਦੇ ਅੰਤ ਤੱਕ ਦੁਨੀਆ ਭਰ ਦੇ ਬਾਜ਼ਾਰ ਤੋਂ ਟੈਲਕਮ ਪਾਊਡਰ ਵਾਲੇ ਆਪਣੇ ਸਾਰੇ ਬੇਬੀ ਪਾਊਡਰ ਨੂੰ ਹਟਾਉਣ ਦੀ ਯੋਜਨਾ ਬਣਾ ਰਹੀ ਹੈ।
ਦੂਜੇ ਪਾਸੇ ਕੰਪਨੀ ਦੇ ਅਧਿਕਾਰੀਆਂ ਨੇ ਕਿਹਾ ਹੈ ਕਿ ਕੰਪਨੀ ਦੇ ਬੇਬੀ ਪਾਊਡਰ ਵਿਸ਼ੇਸ਼ ਚਿੱਟੀਆਂ ਬੋਤਲਾਂ ਵਿਚ ਵੇਚੇ ਜਾਂਦੇ ਹਨ। ਇਸ ਵਿਚ ਕਦੇ ਵੀ ਐਸਬੈਸਟਸ ਨਹੀਂ ਹੁੰਦਾ। ਇਹ ਸੁਰੱਖਿਅਤ ਹੈ ਅਤੇ ਕੈਂਸਰ ਦਾ ਕਾਰਨ ਨਹੀਂ ਬਣ ਸਕਦਾ। ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਉਹ ਮੁਕੱਦਮਿਆਂ ਤੋਂ ਬਚਣ ਦੇ ਨਾਲ-ਨਾਲ ਅਰਬਾਂ ਦੀ ਕਾਨੂੰਨੀ ਫੀਸਾਂ ਅਤੇ ਖਰਚਿਆਂ ਤੋਂ ਬਚਣ ਲਈ ਸਮਝੌਤੇ ਦੀ ਮੰਗ ਕਰ ਰਹੇ ਹਨ।