ਬਿਉਰ ਰਿਪੋਰਟ : ਜਲੰਧਰ ਦੀ ਦਾਨਾ ਮੰਡੀ ਵਿੱਚ ਸ਼ਨਿੱਚਰਵਾਰ ਸਵੇਰ ਲੋਹਰੀ ਵਾਲੇ ਦਿਨ ਇੱਕ ਸ਼ਖਸ ਦੀ ਲਾਸ਼ ਬਰਾਮਦ ਹੋਈ ਹੈ । ਫਿਲਹਾਲ ਉਸ ਦੀ ਪਛਾਣ ਨਹੀਂ ਹੋ ਪਾਈ ਹੈ। ਸਰੀਰ ‘ਤੇ ਸੱਟਾਂ ਦੇ ਗੰਭੀਰ ਨਿਸ਼ਾਨ । ਸ਼ੁਰੂਆਤੀ ਜਾਂਚ ਵਿੱਚ ਮੰਨਿਆ ਜਾ ਰਿਾਹ ਹੈ ਕਿ ਨੌਜਵਾਨ ਦਾ ਕਤਲ ਕਰਕੇ ਲਾਸ਼ ਸੁੱਟ ਦਿੱਤੀ ਗਈ ਹੈ । ਮ੍ਰਿਤਕ ਨੇ ਟਰੈਕ ਸੂਟ ਪਾਇਆ ਸੀ । ਮਿਲੀ ਜਾਣਕਾਰੀ ਦੇ ਮੁਤਾਬਿਕ ਸਵੇਰ 9 ਵਜੇ ਰਾਹਗੀਰ ਨੇ ਮਾਮਲੇ ਦੀ ਇਤਲਾਹ ਪੁਲਿਸ ਕੰਟਰੋਲ ਰੂਮ ਨੂੰ ਦਿੱਤੀ ਸੀ ।
ਮ੍ਰਿਤਕ ਦਾ ਮੂੰਹ ਗੰਭੀਰ ਜਖ਼ਮੀ
ਮ੍ਰਿਤਕ ਦਾ ਮੂੰਹ ਕਾਫੀ ਜਖਮੀ ਹੈ,ਜਿਸ ਤੋਂ ਸਾਫ ਪਤਾ ਚੱਲਦਾ ਹੈ ਕਿ ਉਸ ਦਾ ਕਤਲ ਕਰਕੇ ਲਾਸ਼ ਸੁੱਟ ਦਿੱਤੀ ਗਈ ਹੈ । ਲਾਸ਼ ਪੁਲਿਸ ਨੇ ਗੋਪਾਲ ਨਗਰ ਨਾਲ ਲੱਗਦੀ ਦਾਨਾ ਮੰਡੀ ਦੇ ਡਾਕ ਖਾਨੇ ਤੋਂ ਬਰਾਮਦ ਕੀਤੀ ਹੈ। ਲਾਸ਼ ਮਿਲਣ ਦੀ ਇਤਲਾਹ ਨਾਲ ਸਨਸਨੀ ਫੈਲ ਗਈ ਹੈ । ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ਵਿੱਚ ਲੈਕੇ ਪੋਸਟਮਾਰਟ ਦੇ ਲਈ ਭੇਜ ਦਿੱਤਾ ਹੈ ।
ਸੀਸੀਟੀਵੀ ਖੰਗਾਲ ਰਹੀ ਹੈ ਪੁਲਿਸ
ਜਿੱਥੇ ਲਾਸ਼ ਮਿਲੀ ਹੈ ਉੱਥੋ ਮੇਨ ਰੋਡ ਤਕਰੀਬਨ 30 ਮੀਟਰ ਦੀ ਦੂਰੀ ‘ਤੇ ਹੈ । ਪੁਲਿਸ ਪੂਰੇ ਇਲਾਕੇ ਦੇ ਸੀਸੀਟੀਵੀ ਖੰਗਾਲ ਰਹੀ ਹੈ । ਜਿਸ ਤੋਂ ਪਤਾ ਚੱਲ ਸਕਦਾ ਹੈ ਕਿ ਜਿਸ ਸ਼ਖਸ ਦੀ ਲਾਸ਼ ਮਿਲੀ ਹੈ ਉਹ ਕਿਸ ਦੇ ਨਾਲ ਇੱਥੇ ਪਹੁੰਚਿਆ ਸੀ। ਜਿੱਥੇ ਇਹ ਵਾਰਦਾਤ ਹੋਈ ਹੈ ਉੱਥੇ ਆਵਾਜਾਹੀ ਕਾਫੀ ਘੱਟ ਹੈ। ਪੁਲਿਸ ਨੇ ਆਲੇ ਦੁਆਲੇ ਦੇ ਥਾਣਿਆਂ ਅਤੇ ਪਿੰਡਾਂ ਵਿੱਚ ਫੋਟੋ ਭੇਜ ਦਿੱਤੀ ਹੈ। 12 ਘੰਟੇ ਦੇ ਅੰਦਰ ਲਾਸ਼ ਵਾਲੀ ਥਾਂ ਤੋਂ ਕਿੰਨੀਆਂ ਗੱਡੀਆਂ ਨਿਕਲੀਆਂ ਹਨ ਇਸ ਦੀ ਜਾਂਚ ਹੋ ਰਹੀ ਹੈ ।
