ਭਾਰਤ ਸਰਕਾਰ ਨੇ ਪੰਜ ਸਾਲਾਂ ਬਾਅਦ ਚੀਨੀ ਨਾਗਰਿਕਾਂ ਨੂੰ ਸੈਰ-ਸਪਾਟਾ ਵੀਜ਼ਾ ਦੇਣ ਦਾ ਫੈਸਲਾ ਕੀਤਾ ਹੈ, ਜੋ 2020 ਦੇ ਗਲਵਾਨ ਟਕਰਾਅ ਅਤੇ ਕੋਵਿਡ-19 ਮਹਾਂਮਾਰੀ ਕਾਰਨ ਬੰਦ ਕਰ ਦਿੱਤੀ ਗਈ ਸੀ। ਬੀਜਿੰਗ ਵਿੱਚ ਭਾਰਤੀ ਦੂਤਾਵਾਸ ਨੇ ਪੁਸ਼ਟੀ ਕੀਤੀ ਕਿ 24 ਜੁਲਾਈ, 2025 ਤੋਂ ਚੀਨੀ ਨਾਗਰਿਕ ਸੈਲਾਨੀ ਵੀਜ਼ਾ ਲਈ ਅਰਜ਼ੀ ਦੇ ਸਕਣਗੇ।
ਇਸ ਜਾਣਕਾਰੀ ਨੂੰ ਚੀਨ ਦੇ ਸਰਕਾਰੀ ਮੀਡੀਆ ਗਲੋਬਲ ਟਾਈਮਜ਼ ਨੇ ਵੀ ਪ੍ਰਕਾਸ਼ਿਤ ਕੀਤਾ, ਜਿਸ ਅਨੁਸਾਰ ਭਾਰਤੀ ਦੂਤਾਵਾਸ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਵੀਬੋ ’ਤੇ ਇਹ ਐਲਾਨ ਕੀਤਾ। ਚੀਨੀ ਨਾਗਰਿਕਾਂ ਨੂੰ ਵੀਜ਼ਾ ਲਈ ਔਨਲਾਈਨ ਅਰਜ਼ੀ ਭਰਨੀ ਹੋਵੇਗੀ, ਵੈੱਬਸਾਈਟ ’ਤੇ ਅਪੌਇੰਟਮੈਂਟ ਲੈਣੀ ਹੋਵੇਗੀ ਅਤੇ ਪਾਸਪੋਰਟ ਸਮੇਤ ਜ਼ਰੂਰੀ ਦਸਤਾਵੇਜ਼ਾਂ ਨਾਲ ਬੀਜਿੰਗ, ਸ਼ੰਘਾਈ ਜਾਂ ਗੁਆਂਗਜ਼ੂ ਦੇ ਵੀਜ਼ਾ ਸੈਂਟਰਾਂ ’ਤੇ ਅਰਜ਼ੀ ਜਮ੍ਹਾਂ ਕਰਵਾਉਣੀ ਹੋਵੇਗੀ।
The Embassy of India in China announced via its Sina Weibo account on Wednesday that, starting from July 24, 2025, Chinese citizens can apply for a tourist visa to visit India after completing an online application, scheduling an appointment, and personally submitting their… pic.twitter.com/RlaGjdVsHe
— Global Times (@globaltimesnews) July 23, 2025
ਕੋਵਿਡ-19 ਮਹਾਂਮਾਰੀ ਦੌਰਾਨ 2020 ਵਿੱਚ ਭਾਰਤ ਨੇ ਸਾਰੇ ਸੈਲਾਨੀ ਵੀਜ਼ੇ ਮੁਅੱਤਲ ਕਰ ਦਿੱਤੇ ਸਨ। ਜੂਨ 2020 ਵਿੱਚ ਗਲਵਾਨ ਵਿਵਾਦ ਨੇ ਭਾਰਤ-ਚੀਨ ਸਬੰਧਾਂ ਨੂੰ ਹੋਰ ਵਿਗਾੜਿਆ। ਅਪ੍ਰੈਲ 2022 ਵਿੱਚ, ਅੰਤਰਰਾਸ਼ਟਰੀ ਹਵਾਈ ਆਵਾਜਾਈ ਐਸੋਸੀਏਸ਼ਨ (IATA) ਨੇ ਕਿਹਾ ਸੀ ਕਿ ਚੀਨੀ ਨਾਗਰਿਕਾਂ ਦੇ ਸਾਰੇ ਸੈਲਾਨੀ ਵੀਜ਼ੇ ਅਵੈਧ ਹਨ, ਕਿਉਂਕਿ ਚੀਨ ਨੇ 22,000 ਭਾਰਤੀ ਵਿਦਿਆਰਥੀਆਂ ਨੂੰ ਵਾਪਸੀ ਦੀ ਇਜਾਜ਼ਤ ਨਹੀਂ ਦਿੱਤੀ।
ਜਵਾਬੀ ਕਾਰਵਾਈ ਵਜੋਂ ਭਾਰਤ ਨੇ ਚੀਨੀ ਵੀਜ਼ੇ ਰੱਦ ਕਰ ਦਿੱਤੇ।ਜੂਨ 2022 ਵਿੱਚ, ਚੀਨ ਨੇ ਭਾਰਤੀ ਨਾਗਰਿਕਾਂ ਲਈ ਵੀਜ਼ਾ ਨੀਤੀਆਂ ਵਿੱਚ ਢਿੱਲ ਦਿੱਤੀ, ਜਿਸ ਨਾਲ ਸੈਲਾਨੀ ਵੀਜ਼ੇ (30 ਦਿਨ ਠਹਿਰਣ, 90 ਦਿਨ ਵੈਧਤਾ), ਕਾਰੋਬਾਰੀ, ਪਰਿਵਾਰਕ ਮੁਲਾਕਾਤ ਅਤੇ ਕੰਮ ਲਈ ਵੀਜ਼ੇ ਮੁੜ ਸ਼ੁਰੂ ਹੋਏ। 2025 ਵਿੱਚ, ਚੀਨ ਨੇ 50,000 ਤੋਂ ਵੱਧ ਭਾਰਤੀਆਂ ਨੂੰ ਵੀਜ਼ੇ ਜਾਰੀ ਕੀਤੇ, ਜਿਸ ਵਿੱਚ ਔਨਲਾਈਨ ਅਪੌਇੰਟਮੈਂਟ ਦੀ ਲੋੜ ਖਤਮ ਕਰਨ ਅਤੇ ਵੀਜ਼ਾ ਫੀਸ ਘਟਾਉਣ ਵਰਗੇ ਕਦਮ ਸ਼ਾਮਲ ਸਨ। ਭਾਰਤ ਦਾ ਇਹ ਕਦਮ ਦੋਵਾਂ ਦੇਸ਼ਾਂ ਦੇ ਸਬੰਧਾਂ ਨੂੰ ਸੁਧਾਰਨ ਅਤੇ ਸੈਰ-ਸਪਾਟੇ ਨੂੰ ਉਤਸ਼ਾਹਿਤ ਕਰਨ ਦੀ ਦਿਸ਼ਾ ਵਿੱਚ ਮਹੱਤਵਪੂਰਨ ਮੰਨਿਆ ਜਾ ਰਿਹਾ ਹੈ।
