ਭਾਰਤ ਦੇ ਕਈ ਰਾਜਾਂ ਵਿੱਚ ਮੌਸਮ ਵਿਭਾਗ ਨੇ ਭਾਰੀ ਮੀਂਹ ਦੀ ਚੇਤਾਵਨੀ ਜਾਰੀ ਕੀਤੀ ਹੈ, ਜਿਸ ਕਾਰਨ ਕਈ ਥਾਵਾਂ ‘ਤੇ ਹੜ੍ਹ ਅਤੇ ਨੁਕਸਾਨ ਦੀਆਂ ਘਟਨਾਵਾਂ ਵਧੀਆਂ ਹਨ। ਰਾਜਸਥਾਨ ਦੇ 18 ਜ਼ਿਲ੍ਹਿਆਂ ਵਿੱਚ ਅੱਜ ਭਾਰੀ ਮੀਂਹ ਦੀ ਸੰਭਾਵਨਾ ਹੈ। ਐਤਵਾਰ ਨੂੰ ਭੀਲਵਾੜਾ ਵਿੱਚ ਦੋ ਚਚੇਰੇ ਭਰਾਵਾਂ ਅਤੇ ਰਾਜਸਮੰਦ ਵਿੱਚ ਇੱਕ ਭਰਾ-ਭੈਣ ਦੀ ਬਰਸਾਤੀ ਨਾਲੇ ਅਤੇ ਤਲਾਅ ਵਿੱਚ ਡੁੱਬਣ ਨਾਲ ਮੌਤ ਹੋ ਗਈ। ਬੇਵਾਰ ਵਿੱਚ ਚਿੱਕੜ ਵਿੱਚ ਡਿੱਗਣ ਨਾਲ ਇੱਕ ਬੱਚੇ ਦੀ ਜਾਨ ਗਈ। ਅਜਮੇਰ ਰੇਲਵੇ ਸਟੇਸ਼ਨ ਪਾਣੀ ਵਿੱਚ ਡੁੱਬ ਗਿਆ ਅਤੇ ਜੋਧਪੁਰ ਵਿੱਚ ਇੱਕ ਘਰ ਦੀ ਕੰਧ ਡਿੱਗਣ ਦੀ ਖਬਰ ਹੈ।
ਮੱਧ ਪ੍ਰਦੇਸ਼ ਵਿੱਚ ਵੀ ਭਾਰੀ ਮੀਂਹ ਕਾਰਨ ਹੜ੍ਹ ਦੀ ਸਥਿਤੀ ਹੈ। ਛਤਰਪੁਰ, ਟੀਕਮਗੜ੍ਹ, ਅਸ਼ੋਕਨਗਰ ਅਤੇ ਗੁਣਾ ਵਿੱਚ ਕਈ ਪਿੰਡ ਹੜ੍ਹ ਵਿੱਚ ਘਿਰੇ ਹਨ। ਛਤਰਪੁਰ ਵਿੱਚ ਧਸਨ ਨਦੀ ਵਿੱਚ ਇੱਕ ਪਿਕਅੱਪ ਵਹਿ ਜਾਣ ਨਾਲ ਇੱਕ ਵਿਅਕਤੀ ਦੀ ਮੌਤ ਹੋ ਗਈ।
ਉੱਤਰ ਪ੍ਰਦੇਸ਼ ਵਿੱਚ ਡੈਮ ਓਵਰਫਲੋਅ ਹੋਣੇ ਸ਼ੁਰੂ ਹੋ ਗਏ ਹਨ। ਲਲਿਤਪੁਰ ਵਿੱਚ ਗੋਵਿੰਦ ਸਾਗਰ ਡੈਮ ਦੇ 17 ਦਰਵਾਜ਼ੇ ਖੋਲ੍ਹੇ ਗਏ ਹਨ।
ਵਾਰਾਣਸੀ ਵਿੱਚ ਗੰਗਾ ਨਦੀ ਦਾ ਪਾਣੀ 2 ਸੈਂਟੀਮੀਟਰ ਪ੍ਰਤੀ ਘੰਟੇ ਦੀ ਰਫਤਾਰ ਨਾਲ ਵਧ ਰਿਹਾ ਹੈ, ਜਿਸ ਕਾਰਨ ਰਤਨੇਸ਼ਵਰ ਮਹਾਦੇਵ ਮੰਦਰ 80% ਡੁੱਬ ਗਿਆ ਹੈ। ਬਿਜਲੀ ਡਿੱਗਣ ਨਾਲ ਭਗਵਾਨ ਬੁੱਧ ਦੀ 80 ਫੁੱਟ ਉੱਚੀ ਮੂਰਤੀ ਨੂੰ ਵੀ ਨੁਕਸਾਨ ਪਹੁੰਚਿਆ।
ਹਿਮਾਚਲ ਪ੍ਰਦੇਸ਼ ਵਿੱਚ 20 ਜੂਨ ਤੋਂ 13 ਜੁਲਾਈ ਤੱਕ ਮੀਂਹ, ਹੜ੍ਹ ਅਤੇ ਜ਼ਮੀਨ ਖਿਸਕਣ ਨਾਲ 98 ਲੋਕਾਂ ਦੀ ਮੌਤ ਹੋਈ ਅਤੇ 770 ਕਰੋੜ ਰੁਪਏ ਦਾ ਨੁਕਸਾਨ ਹੋਇਾ। 90 ਘਰ ਤਬਾਹ ਹੋਏ ਅਤੇ 150 ਸੜਕਾਂ ਬੰਦ ਹਨ।
ਬਿਹਾਰ ਵਿੱਚ ਮੌਨਸੂਨ ਦੀ ਕਮਜ਼ੋਰੀ ਦੇ ਬਾਵਜੂਦ 17 ਜ਼ਿਲ੍ਹਿਆਂ ਵਿੱਚ ਹਲਕੀ ਤੋਂ ਦਰਮਿਆਨੀ ਬਾਰਿਸ਼ ਦੀ ਚੇਤਾਵਨੀ ਹੈ। ਅਗਲੇ ਤਿੰਨ ਦਿਨਾਂ ਵਿੱਚ ਤਾਪਮਾਨ 2-3 ਡਿਗਰੀ ਘਟਣ ਨਾਲ ਰਾਹਤ ਮਿਲਣ ਦੀ ਉਮੀਦ ਹੈ।
