ਲੋਕ ਸਭਾ ਚੋਣਾਂ ਨੂੰ ਲੈ ਕੇ ਪੰਜਾਬ ਵਿੱਚ ਨਾਮਜ਼ਦਗੀਆਂ ਦਾ ਦੌਰ ਜਾਰੀ ਹੈ, ਜਿਸ ਦੇ ਤਹਿਤ ਬਠਿੰਡਾ ਤੋਂ ਅਕਾਲੀ ਦਲ ਦੇ ਉਮੀਦਵਾਰ ਹਰਸਿਮਰਤ ਕੌਰ ਨੇ ਆਪਣੀ ਨਾਮਜ਼ਦਗੀ ਦਾਖਲ ਕੀਤੀ ਹੈ। ਜਿਸ ਵਿੱਚ ਖੁਲਾਸਾ ਹੋਇਆ ਹੈ ਕਿ ਉਨ੍ਹਾਂ ਨੇ ਲੈਂਡ ਰੋਵਰ ਡਿਫੈਂਡਰ ਕਾਰ ਖਰੀਦੀ ਹੈ, ਜਿਸ ਦੀ ਕੀਮਤ ਲਗਭਗ 1.50 ਕਰੋੜ ਰੁਪਏ ਹੈ।
ਇਸ ਦੌਰਾਨ ਹਰਸਿਮਰਤ ਕੌਰ ਬਾਦਲ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਗਹਿਣਿਆਂ ਦਾ ਸ਼ੌਕ ਨਹੀਂ ਹੈ। ਉਨ੍ਹਾਂ ਨੇ ਪਿਛਲੇ ਪੰਜ ਸਾਲਾਂ ਵਿੱਚ ਇੱਕ ਵੀ ਗਹਿਣਾ ਨਹੀਂ ਖਰੀਦਿਆ ਹੈ। ਉਨ੍ਹਾਂ ਦੇ ਗਹਿਣਿਆਂ ਦੀ ਕੁਲੈਕਸ਼ਨ ਦੀ ਕੀਮਤ ਅਜੇ ਵੀ 7.03 ਕਰੋੜ ਰੁਪਏ ਹੈ। ਇਸ ਦੇ ਨਾਲ ਹੀ ਹਰਸਿਮਰਤ ਦੀ ਆਮਦਨ ਵਿੱਚ ਭਾਰੀ ਵਾਧਾ ਹੋਇਆ ਹੈ। ਹਰਸਿਮਰਤ ਬਾਦਲ ਵੱਲੋਂ 2019 ਵਿੱਚ ਦਾਖਲ ਕੀਤੀ ਨਾਮਜ਼ਦਗੀ ਵਿੱਚ ਉਸਨੇ 2017-18 ਲਈ ਆਪਣੀ ਆਮਦਨ ਲਗਭਗ 19 ਲੱਖ ਰੁਪਏ ਦੱਸੀ ਸੀ। ਜਿਸ ਵਿੱਚ 4.67 ਲੱਖ ਰੁਪਏ ਦੀ ਸਾਲਾਨਾ ਆਮਦਨ ਤੋਂ ਇਲਾਵਾ 14.14 ਲੱਖ ਰੁਪਏ ਖੇਤੀ ਤੋਂ ਪ੍ਰਾਪਤ ਹੋਏ। ਇਸ ਦੇ ਨਾਲ ਹੀ ਹੁਣ ਉਨ੍ਹਾਂ ਦੀ ਕੁੱਲ ਆਮਦਨ 31.05 ਲੱਖ ਰੁਪਏ ਸਾਲਾਨਾ ਹੋ ਗਈ ਹੈ। ਜਿਸ ਵਿੱਚ 16.17 ਲੱਖ ਰੁਪਏ ਖੇਤੀ ਤੋਂ ਉਨ੍ਹਾਂ ਕੋਲ ਆ ਰਹੇ ਹਨ।
ਹਰਸਿਮਰਤ ਕੌਰ ਬਾਦਲ ਦੀ ਚੱਲ ਜਾਇਦਾਦ ਕਰੀਬ 30.49 ਕਰੋੜ ਰੁਪਏ ਦੀ ਹੈ, ਜਦਕਿ ਸੁਖਬੀਰ ਬਾਦਲ ਕੋਲ 24.37 ਕਰੋੜ ਰੁਪਏ ਦੀ ਚੱਲ ਜਾਇਦਾਦ ਹੈ। ਜਦੋਂ ਕਿ ਹਰਸਿਮਰਤ ਕੋਲ 1.12 ਕਰੋੜ ਦੀ ਅਚੱਲ ਜਾਇਦਾਦ ਹੈ ਅਤੇ ਸੁਖਬੀਰ ਬਾਦਲ ਕੋਲ 8.01 ਕਰੋੜ ਰੁਪਏ ਦੀ ਅਚੱਲ ਜਾਇਦਾਦ ਹੈ। ਇਸ ਤੋਂ ਇਲਾਵਾ ਹਰਸਿਮਰਤ ਬਾਦਲ ਕੋਲ ਵੀ 19.96 ਕਰੋੜ ਰੁਪਏ ਦੀ ਜੱਦੀ ਜਾਇਦਾਦ ਹੈ ਅਤੇ ਸੁਖਬੀਰ ਬਾਦਲ ਕੋਲ ਵੀ 51.87 ਕਰੋੜ ਰੁਪਏ ਦੀ ਜੱਦੀ ਜਾਇਦਾਦ ਹੈ।
ਹਰਸਿਮਰਤ ਕੌਰ ਬਾਦਲ ਨੇ ਆਪਣੀ ਨਾਮਜ਼ਦਗੀ ਵਿੱਚ ਦੱਸਿਆ ਕਿ ਬਾਦਲ ਪਰਿਵਾਰ ‘ਤੇ ਇਸ ਸਮੇਂ ਕਰੀਬ 38 ਕਰੋੜ ਰੁਪਏ ਦਾ ਕਰਜ਼ਾ ਹੈ। ਜਿਸ ਵਿੱਚ ਹਰਸਿਮਰਤ ਨੇ 2.93 ਕਰੋੜ ਰੁਪਏ ਅਤੇ ਸੁਖਬੀਰ ਬਾਦਲ ਨੇ 35.79 ਕਰੋੜ ਦਾ ਕਰਜ਼ਾ ਲਿਆ ਹੈ। ਸੁਖਬੀਰ ਬਾਦਲ ਦੇ ਐਚਯੂਐਫ ਖਾਤੇ ਵਿੱਚ 15.74 ਕਰੋੜ ਰੁਪਏ ਦਾ ਵੱਖਰਾ ਕਰਜ਼ਾ ਹੈ।
ਇਹ ਵੀ ਪੜ੍ਹੋ – ‘ਆਪ’ ਨੇ ਪੰਜਾਬ ਲਈ ਸਟਾਰ ਪ੍ਰਚਾਰਕਾਂ ਦੀ ਲਿਸਟ ਕੀਤੀ ਜਾਰੀ
